მოგესალმებით თინათინ,

თუ სწორად მივხვდი, გსურთ, რომ ანალიტიკურ სამმართველოს სრულად ჰქონდეს წვდომა როგორც სამინისტროს, ასევე მის დაქვემდებარებაში მყოფი სსიპების მონაცემთა ბაზებზე.

თქვენ წერილში მითითებულ ნორმებში ზოგიერთ შემთხვევაში მითითებაა სამინისტროს სისტემის მასშტაბით კონკრეტული ღონისძიების გატარებაზე, ზოგიერთ შემთხვევაში მხოლოდ სამინისტროა მითითებული. რაც შეეხება დებულების მე-3 მუხლის ჰ2 ქვეპუნქტს, აქ დათქმაა გაკეთებული სამინისტროსთვის დაკისრებული მიზნებისა და ამოცანების შესასრულებლად მონაცემებზე წვდომის შესაძლებელობაზე.

ამის შესაბამისი სამართლებრივი საფუძველი მოცემულია „პერსონალურ მონაცემთა დაცვის შესახებ“ საქართველოს კანონის მე-5 მუხლის „გ“ პუნქტის სახით - მონაცემთა დამუშავება საჭიროა მონაცემთა დამმუშავებლის მიერ მისთვის კანონმდებლობით დაკისრებული მოვალეობების შესასრულებლად. ასევე, გასათვალისწინებელია ამავე კანონის მე-4 მუხლის „გ“ პუნქტი - მონაცემები შეიძლება დამუშავდეს მხოლოდ იმ მოცულობით, რომელიც აუცილებელია შესაბამისი კანონიერი მიზნის მისაღწევად. მონაცემები უნდა იყოს იმ მიზნის ადეკვატური და პროპორციული, რომლის მისაღწევადაც მუშავდება ისინი.

შესაბამისად, სამინისტროს დაქვემდებარებაში მყოფი სსიპების მონაცემთა ბაზებზე წვდომის ფარგლები უნდა განისაზღვროს აღნიშნული პრინციპის შესაბამისად - მხოლოდ იმ მონაცემებზე და იმ მოცულობით (მაგალითად, სრული წვდომის ნაცვლად, მონაცემების პერიოდული მიწოდება), რაც ნამდვილად აუცილებელია და საჭიროა კანონმდებლობით გაწერილი ვალდებულებების შესასრულებლად.

პატივისცემით,

სალომე ბახსოლიანი

საჯარო სექტორზე ზედამხედველობის

დეპარტამენტის უფროსი

ვაჩნაძის ქ. 7, 0105, თბილისი, საქართველო

მობ.: (995 595) 95 94 92

ტელ.: (995 32) 2421000 *105

www.pdp.ge

www.personaldata.ge

შეტყობინება კონფიდენციალურობის შესახებ: წინამდებარე წერილი კონფიდენციალურია და განკუთვნილია მხოლოდ წერილში მითითებული პიროვნების ან ორგანიზაციისათვის. თუ წერილი თქვენთვის არ არის განკუთვნილი, დაუშვებელია მისი შინაარსის გამჟღავნება, გავრცელება ან მის შინაარსზე დაყრდნობით ნებისმიერი ქმედების განხორციელება. თუ თქვენ შეცდომით მიიღეთ წინამდებარე წერილი, გთხოვთ, აღნიშნულის შესახებ დაუყოვნებლივ აცნობოთ ამავე წერილის გამომგზავნს.

​სალომე მოგესალმებით, 

როგორც შევთანხმდით, გიგზავნით საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს დებულებას. დებულების  

მე-8²  მუხლით განსაზღვრულია ადმინისტრაციის ძირითადი ამოცანები და კომპეტენციები, მათ შორის ჩვენი მიზნებიდან გამომდინარე გამოვყოფდი შემდეგს:

• თ¹) სამინისტროს სისტემაში ანალიტიკური საქმიანობის განხორციელება, რაც მოიცავს (და არ შემოიფარგლება) ეკონომიკური და ფინანსური, სამინისტროს გამგებლობას მიკუთვნებულ სფეროებში შესაბამისი კვლევებისა და ანალიზის უზრუნველყოფას, რესურსებისა და პროცესების ეფექტიანობის ანალიზს; 
• თ²) სამინისტროს საქმიანობასთან დაკავშირებული შესაბამისი სტატისტიკური ინფორმაციისა და მონაცემთა მოპოვება/დამუშავება/ განზოგადება და სისტემატიზაციის უზრუნველყოფა; 
• თ³) სამინისტროს წინაშე არსებული გამოწვევებისა და რისკების შესწავლა, ანალიზი, განზოგადება და სათანადო დასკვნების, წინადადებებისა და რეკომენდაციების მომზადება; 
• თ⁴) საინფორმაციო სტატისტიკური ბაზების შექმნა; 
• თ⁵) სამინისტროს საქმიანობასთან დაკავშირებული ერთიანი სტრატეგიულ-პოლიტიკური დოკუმენტების შემუშავება; სამინისტროს სისტემის განვითარების მიზნით, სამოქმედო გეგმების შემუშავება; 
• თ⁶) სამინისტროს საქმიანობის ანგარიშების მომზადება და, კანონმდებლობით დადგენილი წესით, სახელმწიფო დაწესებულებებისათვის, ორგანიზაციებისა და დაინტერესებული პირებისათვის მიწოდება;