| From : | Tengiz Tsertsvadze <tt@aidscenter.ge> |
| To : | etikaradze@moh.gov.ge |
| Subject : | სასწრაფოდ! ინფექციური პათოლოგიის, შიდსის და კლინიკური იმუნოლოგიისს/პ ცენტრი |
| Cc : | Tamar Gabunia <tgabunia@moh.gov.ge>; Tinatin Khardziani <tkhadziani@moh.gov.ge>; Avtandil Talakvadze <atalakvadze@moh.gov.ge>; Tengiz Tsertsvadze <tt@aidscenter.ge> |
| Received On : | 18.08.2020 14:22 |
სასწრაფოდ!
ქალბატონო ეკატერინე,
შეგახსენებთ, რომ ა.წ. 20 აგვისტოდან ინფექციური პათოლოგიის, შიდსის და კლინიკური იმუნოლოგიის ს/პ ცენტრი (შემდგომში ცენტრი), უკიდურესად მძიმე, კრიტიკული მდგომარეობისა და სანებართვო პირობების არქონის გამო, დროებით აჩერებს COVID-19-ით და აივ/შიდსით სტაციონარული ავადმყოფების მიღებას. ამის შესახებ სამინისტროს ხელმძღვანელობა ადრე არაერთგზის იყო გაფრთხილებული.
ამ ეტაპზე ჯერ-ჯერობით ცენტრი დროებით გააგრძელებს ამბულატორიული აივ/შიდსით ავადმყოფების მომსახურებას, თუმცა თუ ცენტრში სიტუაცია არ გამოსწორდა, ჩვენ იძულებული ვიქნებით შევწყვიტოთ მათი მიღებაც, რის შესახებაც დამატებით გაცნობებთ.
ამ ეტაპზე ცენტრი ჩვეულებრივ აგრძელებს სხვა ინფექციებით, მათ შორის ყირიმ-კონგოს ცხელებით, ჯილეხით, ნეიროინფექციებით, ვირუსული ჰეპატიტებით, ნაწლავთა ინფექციებით და სხვა ავადმყოფების მიღებას.
გთხოვთ, მისცეთ მითითება შესაბამის სამსახურებს (სასწრაფო დახმარება, კატასტროფის მედიცინა და სხვ.) ა.წ. 20 აგვისტოდან არ მოიყვანონ ცენტრში COVID-19-ით და აივ/შიდსით სტაციონარული ავადმყოფები, რათა არ შეიქმნას უხერხული და კონფლიქტური სიტუაციები და არ დაზარალდეს პაციენტის ინტერესი.
გთხოვთ აგრეთვე გვაცნობოთ, თუ რომელი კლინიკა/კლინიკები შეარჩიეთ აივ/შიდსით სტაციონარული ავადმყოფების მიმღებად და გვაცნობოთ, რათა დავაკვალიანოთ აივ/შიდსით ავადმყოფები, რომელთაც ჰოსპიტალიზაცია სჭირდებათ.
პატივისცემით,
თენგიზ ცერცვაძე