საქართველოს ოკუპირებული ტერიტორიებიდან დევნილთა, შრომის,

ჯანმრთელობისა და სოციალური დაცვის მინისტრის პირველ მოადგილეს

ბატონ ზაზა ბოხუას 

ასლი: საქართველოს ოკუპირებული ტერიტორიებიდან დევნილთა, შრომის,

ჯანმრთელობისა და სოციალური დაცვის მინისტრის მოადგილეს

ქალბატონ თამარ გაბუნიას

საქართველოს ოკუპირებული ტერიტორიებიდან დევნილთა, შრომის,

ჯანმრთელობისა და სოციალური დაცვის მინისტრის მოადგილეს

ბატონ გიორგი წოწკოლაურს

ბატონო ზაზა,

როგორც თქვენთვის ცნობილია, სსიპ ,,ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი’’, ახორციელებს როგორც სახელმწიფო ბიუჯეტის ფარგლებში მნიშვნელოვან ჯანმრთელობის სახელმწიფო პროგრამებს, ასევე სხვადასხვა დონორისაგან მიღებულ საგრანტო პროექტებს, რომელთა შესყიდვის პროცედურების შეჩერება „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს’’ მითითების საფუძვლე, გამოიწვევს  საქართველოს მთავრობის 2018 წლის 31 დეკემბრის N693 და 2015 წლის 20 აპრილის №169 დადგენილებებით დაკისრებული მოვალეობების შეუსრულებლობას, დონორ ორგანიზაციებთან (როგორებიც არიან: გლობალური ფონდი, ამერიკის შეერთებული შტატების  დაავადებათა კონტროლისა და პრევენციის ცენტრები, თავდაცვის საფრთხის შემცირების სააგენტო, ჯანდაცვის მსოფლიო ორგანიზაცია, ვოლტერ რიდის არმიის კვლევითი ინსტიტუტი და ა.შ.) კონტრაქტით გაწერილ ვადებში აღებული ვალდებულებების განუხორციელებლობას და თანხების უკან დაბრუნებას.

ასევე გაცნობებთ, რომ სსიპ ,,ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი’’ ,,დაავადებათა კონტროლისა და ეპიდემიოლოგიური უსაფრთხოების პროგრამის მართვის’’ სახელმწიფო პროგრამისა და კომერციული საქმიანობიდან მიღებული შემოსავლების ფარგლებში დაგეგმილი შესყიდვების განხორციელების გარეშე, ვერ შეძლებს მასზე დაკისრებული უფლება მოვალეობების სრულყოფილად შესრულებას.

ზემოაღნიშნულიდან გამომდინარე, გთხოვთ დაგვრთოთ ნება სსიპ ,,ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა’’ განაგრძოს ჩვეულ რეჟიმში მისი ფუნქციონირებისათვის აუცილებელი შესყიდვის პროცედურების განხორციელება  სამინისტროსთან სათანადო შეთანხმებით.

დამატებით გაცნობებთ, რომ საჭიროების შემთხევაში მოგაწვდით დეტალურ ინფორმაციას დაგეგმილი შესყიდვების შესახებ, თქვენს მიერ შემუშავებული  ფორმატისა ან/და დადგენილი ლიმიტის შესაბამისად, თუმცა ცენტრი, 2013 წლის 9 იანვრის #01/929 წერილისა და   მინისტრის 2018 წლის 11 დეკემბრის N01-1335/ო ბრძანების საფუძველზე, მუდმივ რეჟიმში უზრუნველყოფს „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის’’ სამინისტროს მიერ მოთხოვნილი ინფორმაციის გამოგზავნას და შეთანხმებას.

პატივისცემით,

ამირანი

ამირან გამყრელიძე, მედ. მეცნ. დოქტორი, პროფესორი

დაავადებათა კონტროლისა და საზოგადოებრივი

ჯანმრთელობის ეროვნული ცენტრი

გენერალური დირექტორი

კახეთის გზატკეცილი 99, თბილისი 0198

ტელ.: +995 32 2192599

Email: a.gamkrelidze@ncdc.ge

www.ncdc.ge