| From : | Tatia Khabeishvili <tatia.khabeishvili@gmail.com> |
| To : | Irma Aladashvili <ialadashvili@moh.gov.ge> |
| Subject : | Re: ზრუნვის სააგენტოს შრომით დავებთან დაკავშირებით |
| Cc : | Tamar Barkalaia <tbarkalaia@moh.gov.ge>; Meri Maghlapheridze <mmaghlapheridze@moh.gov.ge>; chadunelizviad@gmail.com |
| Received On : | 11.12.2020 11:53 |
Best Regards,
Tatia Khabeishvili
მოგესალმებით, თათია,
გაწვდით ინფორმაციას იმ სასამართლო პროცესებთან (შრომითი დავები) დაკავშირებით, რომლებზეც სასწრაფოდ გვესაჭიროება სამინისტროს პოზიცია:
· 15 დეკემბერს ქუთაისის საქალაქო სასამართლოში ჩანიშნულია ნინო განუგრავას საქმეზე სასამართლო სხდომა. საქმესთან დაკავშრებით, თქვენი თანხმობით, დავიწყეთ მორიგების პროცედურები. როგორც მოგეხსენებათ, ჩვენს შეთავაზებას მხოლოდ სამსახურში აღდგენაზე არ დათანხმდა და ითხოვს განაცდური ხელფასის ნახევრის ანაზღაურებას, რასთან დაკავშირებითაც თქვენ მოგვეცით მითითება, რომ ამასაც დავთანხმებულიყავით. შემდგომ ნინო განუგრავასთან მორიგების საკითხზე პროცესები განვითარდა იმგვარად, რომ ჩვენ შევთავაზეთ 4 თვის ანაზღაურება, რაც არ იყო მისთვის მისაღები, თუმცა, შემდგომ, როცა მასაც და მის ადვოკატსაც ვესაუბრეთ და დეტალურად ავუხსენით, თუ რატომ 4 თვე და არა მეტი (თებერვლიდან ნოემბრის ჩათვლით 10 თვეს უნდა გამოკლებოდა სსიპ სოციალური მომსახურების სააგენტოდან მიღებული 2 თვის კომპენსაცია და 8 თვე უნდა გაყოფილიყო 2-ზე), ნინო განუგრავა თავის ადვოკატთან საუბრის შემდეგ დაგვთანხმდა 4 თვის განაცდურზე.
ნინო განუგრავას საქმესთან დაკავშირებით, თქვენთან ვათანხმებთ პოზიციას, რომ მორიგება შედგეს ნინო განუგრავას სამსახურში აღდგენისა და 4 თვის განაცდურის ანაზრაურების პირობით. გთხოვთ მოგვწეროთ აღნიშნულზე თქვენი თანხმობა, რომ დავიწყოთ მორიგების აქტზე მუშაობა და 15 დეკემბრის სხდომაზე წარვადგინოთ.
· 08 დეკემბერს ჩაგვბარდა ივანე ბუბაშვილის საქმეზე რუსთავის საქალაქო სასამართლოს გადაწყვეტილება და განჩინება. თანდართული ფაილის სახით გიგზავნით და ველოდებით თქვენს პოზიციას გასაჩივრებასთან დაკავშირებით. 12 (განჩინება)-14 (გადაწყვეტილება) დღე გვაქვს ვადა გასაჩივრებისთვის.
· 16 დეკემბერს ჩანიშნულია ოზურგეთის რაიონულ სასამართლოში ცისანა ურუშაძის ანალოგიური ხასიათის დავა. ცისანა ურუშაძე იყო სოციალური მუშკი ლანჩხუთში და საქმის ფაქტობრივი გარემოებები არის იდენტური. ამასთან, აღსანიშნავია, რომ სასამართლო გადაწყვეტილებით/განჩინებით (სააპელაციო) სარჩელის უზრუნველყოფის მიზნით აგვეკრძალა სოცმუშკის ერთ ვაკანტურ პოზიციაზე უვადოდ თანამშრომლის დანიშვნა. დიდი ალბათობით 16 დეკემბერსვე დასრულდება დავა. შესაბამისად, გთხოვთ მოგვცეთ მითითება, შევთავაზოთ თუ არა მორიგება და რა პირობებით.
პატივისცემით,
ირმა ალადაშვილი
სსიპ - სახელმწიფო ზრუნვისა და ტრეფიკინგის მსხვერპლთა,
დაზარალებულთა დახმარების სააგენტოს
სამართლებრივი უზრუნველყოფის დეპარტამენტის უფროსი
მობ.: 577 93 10 12
ელ.ფოსტა: ialadashvili@moh.gov.ge