მოგესალმებით,

გიგზავნით ელ. მთავრობის პროგრამის საკითხებს:

1. გარემო 1694 - საქართველოს გარემოს დაცვისა და  სოფლის მეურნეობის სამინისტროს   სისტემაში შემავალი  საჯარო სამართლის იურიდიული პირებისათვის დაშვებულ იქნა გამონაკლისი და განისაზღვრება დამხმარე ფუნქციების შესრულების მიზნით, შრომითი ხელშეკრულებით დასაქმებულ პირთა ოდენობა.
2. გარემო 1693 - საქართველოს გარემოს დაცვისა და სოფლის მეურნეობის სამინისტროსათვის დაშვებულ იქნა გამონაკლისი და განისაზღვრება დამხმარე ფუნქციების შესრულების მიზნით, შრომითი ხელშეკრულებით დასაქმებულ პირთა ოდენობა.
3. ეკონომიკა 1670 - ცვლილება შედის სასარგებლო წიაღისეულის მოპოვების ლიცენზიის გაცემის წესსა და პირობებში, რომლის მიხედვით სასარგებლო წიაღისეულის შემსწავლელი სუბიექტებისთვის გაჩნდება გარდამავალი ნორმა, შესწავლის ვადის დამატებით განსაზღვრასთან დაკავშირებით.
4. ეკონომიკა 1669 - შპს ,,პეის ჯორჯიას" 2014 წელს საკუთრებაში გადაეცა ქ. ფოთში,  მდებარე არასასოფლო-სამეურნეო დანიშნულების მიწის ნაკვეთი (განთავსებულია სამოქალაქო თავდაცვის ნაგებობა). კომპანიამ იკისრა რიგი ვალდებულებები, სამოქალაქო თავდაცვის ნაგებობისათვის (შემდგომში: სამოქალაქო თავშესაფარი) სარემონტო/სარეაბილიტაციო სამუშაოების ჩატარება და აღჭურვა.
   
   იცვლება საპრივატიზებო პირობა, კომპანია უზრუნველყოფს, თავშესაფრის ფუნქციონირების შენარჩუნებას „სამოქალაქო უსაფრთხოების შესახებ“ საქართველოს კანონის შესაბამისად.“.
5.  ეკონომიკა 1663 - შპს „სმარტ ტრეიდინგს“ 2016 წელს 42927 ლარად ხელშეკრულებით გათვალისწინებული ვალდებულებების შესრულების პირობით საკუთრებაში გადაეცა: ყვარლის მუნიციპალიტეტში, შილდაში მდებარე 4 ერთეული მიწის ნაკვეთი, იკისრა რიგი ვალდებულებები,  ღვინის მარნის მშენებლობა/მოწყობა, მათ შორის, არანაკლებ 5000 კვ.მ. ფართზე მრავალწლიანი ნარგავებისა და ვენახის გაშენება ამ მიზნით, არანაკლებ 300 000 ლარის ინვესტიციის განხორციელება.
   
   იცვლება საპრივატიზებო პირობები.
6. მთავრობა 1608 - სახელმწიფო აუდიტის სამსახურისათვის დაშვებულ იქნა გამონაკლისი და განისაზღვრება დამხმარე ფუნქციების შესრულების მიზნით, შრომითი ხელშეკრულებით დასაქმებულ პირთა ოდენობა.
7. შსს 1576 - სსიპ – საქართველოს შინაგან საქმეთა სამინისტროს მომსახურების სააგენტო თავის სარგებლობაში არსებული უძრავი ქონებიდან (მისამართი: თბილისი-წითელი ხიდის გზატკეცილის 21-ე კმ., საკადასტრო კოდით - 02.03.01.812, არასასოფლო-სამეურნეო დანიშნულების მიწის ნაკვეთი - 85 530 კვ.მ.) ნაწილი - 6 225 კვ.მ. ოდენობით აუქციონის გარეშე, დროებით უსასყიდლო სარგებლობაში, თხოვების ფორმით, არაუმეტეს 5 წლის ვადით გადასცემს სააგენტოს მიერ დაფუძნებულ ა(ა)იპ – „სპორტული კლუბი – MIA FORCE“-ს, დამხმარე ეკონომიკური საქმიანობის განხორციელების მიზნით.
8. შსს 1574 - საგანგებო სიტუაციების მართვის სამსახურისთვის დაშვებულ იქნა გამონაკლისი და განისაზღვრება დამხმარე ფუნქციების შესრულების მიზნით, შრომითი ხელშეკრულებით დასაქმებულ პირთა ოდენობა.
9. შსს 1572 - საქართველოს შინაგან საქმეთა სამინისტროს სისტემისთვის  დაშვებულ იქნა გამონაკლისი და განისაზღვრება დამხმარე ფუნქციების შესრულების მიზნით, შრომითი ხელშეკრულებით დასაქმებულ პირთა ოდენობა.
10. შსს 1570 - პროექტი ითვალისწინებს, საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე წინასწარი თანხმობის გაცემას.
11. შსს 1569 - პროექტი ითვალისწინებს, საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე წინასწარი თანხმობის გაცემას.
12. შსს 1568 - პროექტი ითვალისწინებს, საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე წინასწარი თანხმობის გაცემას.
13. შსს 1567 - პროექტი ითვალისწინებს, საქართველოს შინაგან საქმეთა სამინისტროს სისტემაში ზოგიერთი სახელმწიფო შესყიდვის განხორციელებაზე წინასწარი თანხმობის გაცემას.
14. მთავრობა 1533 - იქმნება სახელმწიფო ახალგაზრდული პოლიტიკის უწყებათაშორისი საბჭო, რომლის უნივერსალურ შემადგენლობაში წევრის სტატუსით შედის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე.
15. ეკონომიკა 1529 - ცვლილება შედის განახლებადი წყაროებიდან ენერგიის წარმოებისა და გამოყენების მხარდაჭერის სქემაში (ჰიდროელექტროსადგურები),  რომლის მიხედვით, მცირე და საშუალო ელექტროსადგურის პროექტების განმახორციელებლებს ექნებათ საშუალება  გამომუშავებული ელ. ენერგიის გაყიდვიდან მიიღონ გარანტირებული შემოსავალი.  გარდა ამის, ელ.ენერგიის ვაჭრობის ბაზარზე   1 კვტ.სთ-ს 0.055 აშშ დოლარზე მეტად გაყიდვის შემთხვევაში, ნამატი  დარჩება ელექტროენერგიის  მწარმოებელ კომპანიას.
16. ეკონომიკა 1525 - საქართველოს მთავრობასა და შპს „ბიჯი თრეიდს“ შორის დაიდება შეთანხმება „შევაბური“ ჰესის სამშენებლო ფაზის დაწყების შესახებ, ასევე ხელი მოეწერება შეთანხმებას შესაბამის ხელშეკრულებაში ცვლილების შეტანის თაობაზე, რომლის საფუძველზეც შეიცვლება ჰესის ტექნიკური პარამეტრები.
17. ეკონომიკა 1523 - შპს „გრანატს“ (შპს „ჯორჯიან ფროპერთის“ უფლებამონაცვლე) 2007 წელს 6 000 000 ამერიკული დოლარის ეკვივალენტი ლარად (რაც მყიდველის მიერ გადახდილია) საკუთრებაში გადაეცა  ქ. თბილისში, კოსტავა/ბოცვაძის ქ. N41/2-ში მდებარე შენობა-ნაგებობები და მათზე დამაგრებული მიწის ნაკვეთი მყიდველმა იკისრა  საერთაშორისო ბრენდის ხუთ ვარსკვლავიანი, არანაკლებ 120 ნომრის მქონე სასტუმროს შექმნის და ფუნქციონირების დაწყების ვალდებულება.
    
    იცვლება საპრივატიზებო პირობა.
18. ფინანსები 1495 - ცვლილება შედის ფიტოსანიტარიული სასაზღვრო-საკარანტინო და ვეტერინარული სასაზღვრო-საკარანტინო კონტროლის განხორციელების წესში, რომლის თანახმადაც: - ფიტოსანიტარიული სერტიფიკატი არ მოითხოვება მცენარეული პროდუქტებისათვის, რომელთაც ისეთი სახის გადამუშავება გაიარეს, რომ პოტენციურად არ შეიძლება შეიცავდნენ რეგულირებადი მავნე ორგანიზმების ინტროდუქციის რისკს. – მცენარეები, მცენარეული პროდუქტები და სხვა მასალები, თავისუფალი უნდა იყოს საკარანტინო მავნე ორგანიზმებისაგან.
    
     
    
     
    
    ხელმოსაწერი:
    
     

1. 1659 - ცვლილება შედის საქართველოს თავდაცვის სამინისტროს დებულებაში, რომლის მიხედვით, თავდაცვის ძალების მეთაურის დროებით არყოფნის შემთხვევაში მის მოვალეობას შეასრულებს თავდაცვის ძალების მეთაურის პირველი მოადგილე ან თავდაცვის ძალების მეთაურის გადაწყვეტილებით განსაზღვრული მისი რომელიმე მოადგილე.
2. 1656 - მთავრობასთან თანხმდება სსიპ – სახელმწიფო შესყიდვების სააგენტოს 2021 წლის ბიუჯეტი, საშტატო ნუსხა და სახელფასო ფონდი.
3. 1654 - მთავრობასთან თანხმდება, სსიპ - სახელმწიფო შესყიდვების სააგენტოს მიერ 2021 წლის განმავლობაში შესაძენი საწვავისა და საკომუნიკაციო მომსახურების ხარჯები.
4. 1619 - საქართველოსა და აშშ-ს შორის სტრატეგიული პარტნიორობის გაღრმავების პროცესის მხარდასაჭერად, ასევე, აშშ-ში საქართველოს შესახებ ცნობადობის ამაღლებისა და ქვეყნის სათანადოდ წარმოჩენის პროცესში დახმარების მიზნით აუცილებელი საკონსულტაციო მომსახურების შეძენის ხარჯების დასაფინანსებლად, საქართველოს მთავრობის სარეზერვო ფონდიდან საქართველოს მთავრობის ადმინისტრაციას გამოეყოფა 1 114 445  აშშ დოლარის ექვივალენტი ლარი.
   
    
   
   კანონპროექტი:
   
    

1. განათლება 1592 - „უმაღლესი განათლების შესახებ“ საქართველოს კანონში ცვლილების შეტანის თაობაზე" საქართველოს კანონპროექტი
   
   არსი:  კანონპროექტის შესაბამისად, „ოკუპირებული ტერიტორიების შესახებ“ საქართველოს კანონით გათვალისწინებულ ოკუპირებულ ტერიტორიაზე მცხოვრები სპეციალური საგანმანათლებლო საჭიროების მქონე მოსწავლეებისათვის, სრული ზოგადი განათლების მიღების შემდეგ საქართველოს უმაღლეს საგანმანათლებლო დაწესებულებებში ჩარიცხვისა და დაფინანსების უფლებას მიანიჭებს საქართველოს განათლების, მეცნიერების, კულტურისა და სპორტის მინისტრი.
2. 1532 - საქართველოს პარლამენტის აგრარულ საკითხთა კომიტეტის მიერ მომზადებული საქართველოს კანონის პროექტი - „ქარსაფარი (მინდორდაცვითი) ზოლის შესახებ“ და მისგან გამომდინარე კანონპროექტები
   
    
   
   პროექტის მიზანია ქარსაფარი ზოლის სამართლებრივი სტატუსისა და მისი მართვის ღონისძიებების განსაზღვრით, ხელი შეუწყოს ნიადაგის ქარისმიერი ეროზიისგან დაცვას და მისი ნაყოფიერების შენარჩუნებას, სასოფლო–სამეურნეო კულტურებისთვის შესაბამისი ნიადაგური და მიკროკლიმატური გარემოს უზრუნველყოფას და გაბატონებული ქარებისაგან მათ  დაცვას.
   
    

პატივისცემით,  

ნათია