ქალბატონო თამარ და ქეთი,

დიდი მადლობა კიდევ ერთხელ დღევანდელი შეხვედრისთვის. ამ იმეილით მოკლედ მინდა შევაჯემო ის საკითხები რაზეც დღეს შევთანხმდით:

1. დოკუმენტები: ქვემოთ ჩამოთვლილ დოკუმენტებს, რომლებიც ჩვენ თქვენგან მოვითხოვეთ აღარ ველოდებით, რადგან ხელმისაწვდომი არ არის
1. ქონების საექსპერტო შეფასებების ანგარიში მათი რეალური მდგომარეობისა და ღირებულების დადგენის მიზნით;  
2. სრულმასშტაბიანი ინვენტარიზაციის დოკუმენტი, ჩატარებული კომპანიისა და გარე აუდიტის მონაწილეობით;
3. გარე აუდიტის რეკომენდაციების გათვალისწინებით სააავადმყოფოების მიერ შემუშავებული სამოქმედო გეგმა;
4. ამ საავადმყოფოებისთვის დაწესებული ყოველკვარტალური ანგარიშგების ფორმების მიხედვით მათი კვარტალური ანგარიშები)
5. და ასევე ვენის ჯგუფის მიერ შემუშავებული ბიზნეს გეგმა

     25 ივნისამდე ველოდებით მხოლოდ შემდეგ ორ დოკუმენტს:

·         რუხის საავადმყოფოს საპროექტო და ფუნქციონალური გეგმა

·         ბათუმის რესპუბლიკური საავადმყოფოს საპროექტო და ფუნქციონალური გეგმა

2. დაწესებულებებში გაგზავნილ სტანდარტულ კითხვარს შევსებულს დაწესებულებების მიერ ველოდებით 25 ივნისს, როგორც ეს შეთანხმებული იყო წინასწარ. იმისათვის, რომ ამ თარიღში ნამდვილად მივიღოთ მოთხოვნილი ინფორმაცია, ქეთი მოგმართავთ თხოვნით, რომ დღეს დაწესებულებებს follow-up გაუკეთო
3. რეგულირების სააგენტოდან ჰოლდინგის შემადგენლობაში შემავალი დაწესებულებების მიერ 2018 წლის 23 მარტის №01-14/ნ ბრძანებით დამტკიცებული ანგარიშგების 4 ვე შევსებულ ფორმას (2018 და 2019 წლებზე და თუ უკვე აქვთ, მაშინ 2020 წელზეც), რომელსაც წესით ყოველწლიურად უნდა ავსებდნენ, თქვენგან ასევე ველოდებით 25 ივნისს.
4. საჭირო საინფორმაციო ბაზები:
1. დაწესებულებების რეესტრი-ამ ბაზას ველოდებით 30 ივნისისთვის

ამ ბაზაში აუცილებელია ჩანდეს როგორც

                                                              i.      იურიდიული პირის იდენტიფიკატორი ასევე

                                                            ii.      ცალკეული ფილიალის იდენტიფიკატორი

                                                         iii.      დაწესებულების ტიპი მაგ. მრავალპროფილური საავადმყოფო, სპეციალიზირებული საავადმყოფო, ამბულატორიული დაწესებულება, ა.შ. გამონაკლისი იქნება სტომატოლოგიური კლინიკები და სოფლის ექიმები, რომელთა შესახებ ინფორმაცია არ არის საჭირო.

2. დაწესებულების რეესტრი მათი გეოგრაფიული კოორდინატები (გრძედი და განედი), რათა შესაძლებელი იყოს ამ ინფორმაციის რუკაზე გადატანა. ეს ინფორმაცია არსებობს, რადგან სამინისტროს ელექტრონულ პორტალზე შესაძლებელია დაწესებულებების Google რუკაზე ნახვა.- ამ ბაზას უნდა ველოდოთ თუ არა ქეთი შეგვატყობინებს დღის ბოლომდე
3. ბაზები სოციალური მომსახურების სააგენტოდან როგორც შევთანხმდით, თუ 2014-2019 წლებისთვის შეუძლებელია ამ ბაზების მოკლე დროში მოწოდება მაშინ პერიოდს ვავიწროვებთ 2017-2019 წლებზე. ბაზები სასურველია მივიღოთ არაუგვიანეს 30 ივნისისა. ეს ბაზებია:

1. ინდივიდუალური (case-based) შემთხვევების ბაზები 2014-2019 წლების პერიოდისთვის, სადაც ადამიანის სახელი და გვარი არის წაშლილი, ხოლო პირადი ნომერი გადაკეთებულია უნიკალურ კოდად ისე რომ შესაძლებელი იყოს ერთი და იგივე ადამიანის მიერ სხვადასხვა მომსახურების უტილიზაციაზე დაკვირვეება, რაც გულისხმობს, რომ პაციენტის პირადი ნომრის რეკოდირებისას შენარჩუნებული იყოს ერთიდაიგივე უნიკალური კოდი როგორც სტაციონარული, ისე ამბულატორიული სერვისის მიღებისას.  ყველა სხვა ცვლადები როგორც დემოგრაფიული, ასევე საცხოვრებელი სოფელი/რაიონი, ფაქტობრივი მისამართი და სხვა კლინიკური ინფორმაცია და შემთხვევაზე მოთხოვნილი თანხა უნდა იყოს ბაზაში შენარჩუნებული.
1. საყოველთაო ჯანდაცვის პროგრამებისთვის
2. დიალიზის ვერტიკალური პროგრამისთვის
2. 2014-2019 წლების სტატისტიკური მონაცემები სხვა სახელმწიფო პროგრამების (ვერტიკალური პროგრამები) შესახებ კერძოდ:

1. დაფინანსებული შემთხვევების რაოდენობა, პროგრამების, დაწესებულებების, რაიონებისა და რეგიონების მიხედვით (პროგრამის ქვეკომპონენტების მითითებით)
2. გადარიცხული თანხა პროგრამაში გატარებული შემთხვევის, დაწესებულების, რაიონებისა და რეგიონების მიხედვით (პროგრამის ქვეკომპონენტების მითითებით)

3. დაავადების კონტროლის ცენტრისგან ანგარიშები საჭიროა რაიონულ და რეგიონულ ჭრილში 2014-2019წწ- არაუგვიანეს 30 ივნისისა

                                                              i.      ფIV-66 - სტაციონარიდან გასული პაციენტების აღრიცხვის ელექტრონული სისტემის ანგარიში

                                                            ii.      ფIV-025 - ამბულატორული სერვისის მიმწოდებელ დაწესებულებაში დაავადებების ახალი შემთხვევების აღრიცხვის ელექტრონული სისტემის ანგარიში

                                                         iii.      ფIV-020 ორსულთა და ახალშობილთა ჯანმრთელობის მეთვალყურეობის ელექტრონული მოდული-მხოლოდ იმ წლებისთვის, რომლებიც სტანდარტულია და ამჟამად ფუნქციონირებს

                                                          iv.      ფIV-13 -  სასწრაფო  სამედიცინო  დახმარების  სერვისის  მიმწოდებელი  სუბიექტის  ანგარიში

4. რაიონულ და რეგიონულ ჭრილში 2014-2019 წლების მიხედვით კერძოდ თუ რამდენი ექთანი და ექიმია დასაქმებული ჰოსპიტალურ და ამბულატორიულ სექტორში და რაც მთავარია ექმიმების სტატისტიკა სპეციალობების მიხედვით რაიონულ ჭრილში. როგორც შევთანხმდით, თქვენ გაქვთ განახლებული ინფორმაცია და მოგვცემთ როგორც თქვენს ხელთ არსებულ ინფორმაციას ასევე დკსჯეც-ისაც 30 ივნისამდე
5. დაავადებათა კონტროლის ეროვნული ცენტრიდან ინფორმაცია დაწესებულებების მიხედვით საწოლთა ფონდის შესახებ 2014-2019 წლის მდგომარეობით- არაუგვიანეს 30 ივნისისა

მემგონი არაფერი გამომრჩა, და ქეთისგან ველოდებით იმეილს არაუგვიანეს ხვალისა, თუ რა ბაზები იქნება მოცემულ ვადებში ხელმისაწვდომი და რა არა.

პატივისცემით,

ქეთი