From :	Samson Uridia <S.Uridia@rs.ge>
To :	Tamar Grigolaia <tgrigolaia@mfa.gov.ge>
Subject :	Re: ICRC (simplified customs procedures)
Cc :	Ketevan Goginashvili <kgoginashvili@moh.gov.ge>; Maia Nikoleishvili <mnikoleishvili@moh.gov.ge>; Shalva Tsiskarashvili <sh.tsiskarashvili@mfa.gov.ge>; David Abesadze <dabesadze@mfa.gov.ge>; Nino Shekriladze <n.shekriladze@mfa.gov.ge>; Mindia Grdzelidze <m.grdzelidze@rs.ge>; Giorgi Kobeshavidze <g.kobeshavidze@rs.ge>
Received On :	01.05.2020 13:50

ქალბატონო თამარ,

საქართველოში წითელი ჯვრის საერთაშორისო კომიტეტის (ICRC) დელეგაციის 22 აპრილის ნოტის თაობაზე საგარეო საქმეთა სამინისტროს მიმდინარე წლის 23 აპრილის №01/11382 წერილის პასუხად გაცნობებთ, რომ საქართველოში საიმპორტო საქონლისათვის ჰუმანიტარული დახმარების სტატუსის მინიჭებას შემოსავლების სამსახურის მომსახურების დეპარტამენტი ახორციელებს საქართველოს პრეზიდენტის 2001 წლის 13 აგვისტოს #326 ბრძანებულების საფუძველზე, რომლის შესაბამისად სტატუსის მინიჭებისათვის წარმოსადგენია მხოლოდ ორი დოკუმენტი: დონორის წერილი (ან ხელშეკრულება) და ინვოისი. საქართველოს მთავრობის 2020 წლის 23 მარტის #181 დადგენილებით კი, საგანგებო მდგომარეობის მოქმედების პერიოდში, სტატუსის მინიჭება ხორციელდება ამ დოკუმენტების სანოტარო წესით დამოწმებული თარგმნის გარეშე. ბრძანებულებით სტატუსის მინიჭებისთვის განსაზღვრულია 10 სამუშაო დღე, თუმცა სასწრაფო სიტუაციებში სტატუსის მინიჭება შესაძლებელია დაუყოვნებლივ (მომართვის დღესვე). ამავე დროს, სრულყოფილი აღრიცხვის მიზნით, „გადასახადების ადმინისტრირების საინფორმაციო სისტემაში“ შექმნილია სპეციალური პროგრამული მოდული, რომლის ბაზაშიც ინფორმაცია ახლდება გადამხდელების მიერ სტატუსის მინიჭების შესახებ ელექტრონულად მომართვის შემთხვევაში. ყოველივე აღნიშნულიდან გამომდინარე, გაცნობებთ, რომ მაქსიმალურად გამარტივებულია საიმპორტო საქონლისათვის ჰუმანიტარული დახმარების სტატუსის მინიჭების პროცედურები. ასევე ასეთი სტატუსის მქონე საქონლის იმპორტისთვის საჭირო ფორმალობები შემოსავლების სამსახურის საბაჟო დეპარტამენტის მიერ ხორციელდება ყოველგვარი შეფერხებების გარეშე, პრიორიტეტულად.

ამის თაობაზე ასევე გეცნობებათ ფორმალური წერილით.

პატივისცემით,

სამსონ

Sent from my iPhone

On Apr 22, 2020, at 20:47, Tamar Grigolaia wrote:

მოგესალმებით,

დროის მოგების მიზნით (მოცემულ ინფორმაციას მოგაწვდით ოფიციალური წერილის სახითაც), გიგზავნით საქართველოში წითელი ჯვრის საერთაშორისო კომიტეტის (ICRC) წარმომადგენლობის 2020 წლის 22 აპრილის ნოტას, რომელშიც კომიტეტი საქართველოში მათ მიერ ჰუმანიტარული დანიშნულების საქონლის იმპორტთან დაკავშირებულ შეზრუდვების მოხსნასა და მათთვის გამარტივებული საიმპორტო საბაჟო პროცედურებით სარგებლობის უფლების მინიჭებას ითხოვს.

გთხოვთ, კომპეტენციის ფარგლებში, განიხილოთ ზემოაღნიშნულ ნოტაში მოცემული საკითხები და საქართველოში წითელი ჯვრის საერთაშორისო კომიტეტის ინფორმირების მიზნით, გვაცნობოთ მიღებული გადაწყვეტილების თაობაზე.

საუკეთესო სურვილებით,

თამარ გრიგოლაია

Tamar Grigolaia

II Secretary

Department of International Organizations

Ministry of Foreign Affairs of Georgia

Office: (+995 32) 294 50 00 ext. 18-24

0118, Tbilisi, Georgia

4, Shio Chitadze Street