ძვირფასო თაკო,

დიდი მადლობა ამ ინფორმაციის გაზიარებისთვის. ინიციატივა უდავოდ ძალიან მნიშვნელოვანია   პჯდ შესაძლებლობების გაძლიერების თვალსაზრისით ბავშვთა განვითარებაზე მეთვალყურეობის მიმართულებით. დიდი ინტერესით გავეცნობი დეტალებს მომდევნო ეტაპების თაობაზე.

პატივისცემით,

თამარ გაბუნია

~

 

 

ძვირფასო ქალბატონებო და ბატონო ზაზა,

 

ნება მომეცით, რომ ჩაგაბაროთ მოკლე ანგარიში  აჭარის რეგიონში იუნისეფის ხელშეწყობით მიმდინარე აქტივობის შესახებ.  

 

მოგეხსენებათ, რომ საქმე შეეხება პირველადი ჯანდაცვის დონეზე ბავშვთა განვითარების მეთვალყურეობის ასპექტის გაძლიერებას; განვითარების შეფერხების თუ განვითარების ხელის შემშლელი რისკ ფაქტორების დროულ გამოვლენას და სოციალურ სისტემაში ამ ბავშვების დროული რეფერირების უზრუნველყოფას.

 

იუნისეფის შემოთავაზებული მოდული მოიაზრებს პირველადი ჯანდაცვის პროფესიონალების (ექიმები, ექთნები) გადამზადებას განვითარების პედიატრიის მიმართულებით. ამავდროულად, ამ პროფესიონალების დასახმარებლად იუნისეფის ხელშეწყობით შეიქმნა ელექტრონული საინფორმაციო სისტემა  „0-დან 6-წლამდე ასაკის ბავშვების ზრდისა და ზედამხედველობის მოდული“, რომელიც ერთის მხრივ ემსახურება დედათა და ბავშვთა მოვლის უწყვეტობას (დაკავშირებულია დაბადების რეგისტრთან და აქვს პოტენციალი, რომ პირდაპირ დაუკავშირდეს სოციალური პროგრამების ელექტრონულ მოდულებს), ხოლო მეორეს მხრივ უზრუნველყოფს პჯდ დონეზე ბავშვთა განვითარებასთან დაკავშირებული მონაცემების შეგროვებას. აგრეთვე, მოდული ქმნის რეალურ დროში მონაცემების ინტერპრეტაციისა და ანალიზის საფუძველს.

 

ალბათ, გახსოვთ, რომ საუბარი იყო ამ მიდგომის პილოტირებაზე აჭარის ორ რაიონში (ქედასა და ხელვაჩაურში). აჭარის სამინისტროს დახმარებით მოგვეცა შესაძლებლობა, რომ ეს მიდგომა მთელ აჭარაში დავნერგოთ. შესაბამისად, აჭარის ყველა პჯდ გუნდს დაურიგდება პლანშეტები, რომელზეც აიტვირთება „განვითარების მოდული“ (აქვს როგორც online, ასევე offline ოპერირების შესაძლებლობა). აჭარის ჯანდაცვის სამინისტროს თხოვნით, იგივე პლანშეტი მოემსახურება იმუნიზაციის მოდულში მონაცემების შეყვანას. ინტერნეტ პაკეტი უზრუნველყოფილი იქნება იუნისეფის მიერ 4 თვის მანძილზე და შემდგომ პერიოდში ამ ხარჯს აჭარის მუნიციპალიტეტები იღებენ თავის თავზე.

 

ამ ეტაპზე, გადამზადებულია ხელვაჩაურის რაიონი, ყველა პჯდ ბრიგადა აღჭურვილია პლანშეტით და მათი საქმიანობის დამხმარე სუპერვიზია იწყება 11 მარტიდან. ტრენინგები ტარდება ბათუმში ყოველ შაბათ-კვირას (პარასკევი, შაბათი, კვირა ან შაბათი, კვირა, ორშაბათი) და გასტანს აპრილის ბოლომდე. ამგვარად, მაისისათვის მთელი აჭარა იქნება გადამზადებული ბავშვთა განვითარების მიმართულებით და შესაბამისი ელექტრონული მოდული იქნება ამუშავებული.

 

მოგეხსენებათ, რომ იუნისეფი ამ საქმიანობას ევროკავშირის ფინანსური დახმარებით ახორციელებს. თუ პილოტი იქნება წარმატებული, ჩვენ ვაპირებთ აქტიურ ადვოკატირებას მისი მთელი ქვეყნის მასშტაბით გავრცელების მიზნით. ამისათვის, ევროკავშირთან წინასწარი საუბრები უკვე დაწყებულია.

 

ჩვენი დიდი სურვილია, რომ ყველა დაინტერესებულ მხარეს (ევროკავშირის ჩათვლით) უკეთესად გავაცნოთ პროექტი (თუმცა, ამ ეტაპზე შედეგებზე საუბარი ცოტა ნაადრევია).

 

ამისათვის, ვგეგმავთ:

ü  პროექტის გაფართოებულ პრეზენტაციას ბათუმში (აჭარის ჯანდაცვის სამინისტროში)

ü  ტრენინგ ცენტრის მონახულებას და გარკვეული დროით დასწრებას

ü  ხელვაჩაურის  ერთერთი ამბულატორიის გუნდთან ერთად  ახალშობილის შეფასების პროცესზე დაკვირვებას

 

ვფიქრობთ, რომ წარმოდგენილი პროგრამა ორ დღეზე გავანაწილოთ და რადგან ტრენინგები კვირის ბოლოს იმართება ხოლმე, შემოგთავაზოთ მარტის ბოლო კვირა (29 და 30).

 

და ბოლოს, იუნისეფი გიწვევთ, რომ ამ ორ დღიან პროგრამას წარუძღვეთ ჩვენთან ერთად.

 

გთხოვთ, მიიღოთ ჩვენი შემოთავაზება და ერთად დავგეგმოთ ბათუმში გასვლა.

 

იმედს ვიტოვებ, რომ დაგაინტერესებთ და წინასწარ დიდი მადლობას მოგახსენებთ.

 

პატივისცემით,

თაკო უგულავა

Tamar (Tako) Ugulava, MD, PhD
Health Specialist
UNICEF Georgia
Address: 9, Eristavi str. UN Building, IV floor, 0179, Tbilisi

Tel: (995 32) 2 23 23 88, 2 25 11 30,  ext.230;

Fax: (995 32) 2 25 12 36
Cell: (995 599) 92 90 09
tugulava@unicef.org

www.unicef.ge

Follow us on facebook: www.facebook.com/unicefgeorgia