ქალბატონო თამარ,

მოგმართავთ თბილისის ფსიქიკური ჯანმრთელობის ცენტრის მიმღები და ამბულატორიული განყოფილების რეკონსტრუქციის საკითხთან დაკავშირებით.

მოგახსენებთ, რომ დაწესებულებაში არსებული  უმძიმესი ინფრასტრუქტურული მდგომარეობა, სხვა ბევრ პრობლემასთან ერთად, ეპიდემიის პირობებში მნიშვნელოვნად ართულებს  სტაციონარში პაციენტების დროულ მიღებას და უსაფრთხო მკურნალობას. დაწესებულებას არ აქვს დაყოვნების ოთახები და იზოლირებული პალატები, რაც ზრდის ინფექციის გავრცელების რისკს. ამიტომ, იძულებულები ვართ, რომ ბევრ ინფიცირების რისკის მქონე პაციენტს უარი ვუთხრათ სტაციონირებაზე.

ასევე, რისკის ქვეშ არიან ამბულატორიული პაციენტები, რომლებსაც, ჩვენი ძალისხმევის მიუხედავად, არ აქვთ ფუნქციურად გამართული სივრცე, რომ დაიცვან ფიზიკური დისტანცირების მოთხოვნები.

ჩვენს მიერ შემუშავებული რეკონსტრუქციის გეგმა, რომელიც გამოგზავნილია სამინისტროში,  ამ ხარვეზების მოკლე ვადაში აღმოფხვრის საშუალებას იძლევა.

გთხოვთ განიხილოთ აღნიშნული საკითხი და დაგვეხმაროთ პროცესის დაჩქარებაში, რომ დროულად მოხდეს რეკონსტრუქციისთვის თანხების მობილიზება.

პატივისცემით,

ეკა ჭყონია