From : Tamar Gabunia <tgabunia@moh.gov.ge>
To : Ketevan Goginashvili <kgoginashvili@moh.gov.ge>
Subject : FW: Bediani Hospital
Received On : 08.07.2019 04:57
Attachments :

FYI-to keep you posted on this.

 

From: Tamar Gabunia
Sent: 5 July, 2019 20:56
To: Kakhaber Dzimistarishvili ; Ivane Bibilashvili ; Mariam Darakhvelidze
Cc: Giorgi Tsotskolauri
Subject: Bediani Hospital

 

ძვირფასო კოლეგებო

დიდი მადლობა დღეს ტყვიავსა და ბედიანის ფსიქიატრულ დაწესებულებაში ვიზიტში მონაწილეობისთვის. რადგან მომდევნო კვირაში მივლინებაში ვარ მინდა გაგიზიაროთ ჩემი პოზიცია საჭირო ცვლილებების თაობაზე.

ჩემი აზრით ტყვიავის საავადმყოფოს შენობის გარემონტება კარგი გადაწყვეტა იქნება შემდეგი მიზეზების გამო:

1.             შენობა კარგ მდგომარეობაშია და მისი რეაბილიტაცია შესაძლებელი იქნება მოკლე დროში და გონივრული დანახარჯებით.

2.             შენობის ფართი (3200 კვმ) დაიტევს სავარაუდოდ 60 ფსიქიატრიულ საწოლს, რაც ფსიქიატრიული საავადმყოფოსთვის, დეინსტიტუციონალიზაციის კონტექსტშიც კი, მისაღებად უნდა ჩაითვალოს.

3.             ტყვიავის საავადმყოფოში 60 ფსიქიატრიული საწოლი მოგვცემს საშუალებას სრულად განვტვირთოთ ბედიანის ქალთა კორსუპი, რომელიც შედარებით უკეთეს მდგომარეობაშია და გამოვიყენოთ ეს კორპუსი დროებით მამაკაცების განსათავსებლად.

4.             უდავოდ მნიშვნელოვანია ტყვიავის საავადმყოფოსთან არსებული პჯდ და გადაუდებელი დახმარების სამსახურების გაზიარების პერსპექტივა, რაც მოაგვარებს სომატური დაავადებების მკურნალობის პრობლემას (არაერთხელ აღინიშნა სახალხოი დამცველის მიერ).

5.             რისკების თვალსაზრისით გასათვალისწინებელი იქნება ადგილობრივი მოსახლეობის რეაქცია ფსიქიკური ჯანმრთელობის სერვისის იქ განთავსებაზე. თუმცა შენობის შემოღობვა და გამიჯვნა სხვა სერვისებისგან სავარაუდოდ გადაჭრის ამ პრობლემას. ასევე გასათვალისწინებელია ადგილობრივი მოსახლეობის იქ დასაქმების პერსპექტივა.

ბედიანში არსებული 2 კორპუსის რეაბილიტაცია არ უნდა იყოს გამართლებული ვარიანტი:

1.             ბედიანის კომპლექსი მოწყვეტილია და დაშორებულია სხვა ტიპის სამედიცინო სერვისებისგან, რაც ართულებს პაციენტების საჭიროებების სრულად მოცვას

2.             დეინსტიტუციონალიზაციის კონტექსტში ამ ზომის და ტიპის დაწესებულებაში ინვესტირება გაუმართლებელია.

3.             რისკების თვალსაზრისით გასათვალისწინებელი იქნება ბედიანში დასაქმებული ადგილობრივი პერსონალის მოსალოდნელი უკმაყოფილება. თუმცა, ბედიანის კომპლექსი შესაძლოა საინტერესო იყოს კერძო ინვესტორებისთვის, როგორც საკურორტო ან გამაჯანსაღებელი დაწესებულება. ამ ტიპის პროექტი ხელს შეუწყობს ადგილობრივი მოსახლეობის დასაქმებასაც.

თუ გაიზიარებთ ამ პოზიციას-შეგვიძლია უკვე კონკრეტულ სამოქმედო გეგმაზე შევჯერდეთ.

პატივისცემით,

თამარ გაბუნია

მინისტრის მოადგილე

 

Sincerely,

Tamar Gabunia, MD, MPH

Deputy Minister

 

cid:image001.jpg@01D50033.645805C0