ბატონო გრიგოლ,

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში შემოსული თქვენი NMIA 4 20 00238590 წერილის პასუხად, რომელიც ეხება თამარ გრიგოლის ას მიქაძის (დაბ. 04/03/1988წ. პ/ნ 01025019605) შესახებ ინფორმაციის მოწოდებას გაცნობებთ, რომ სამედიცინო დაწესებულება არის იურიდიული პირი, რომელიც საქართველოს კანონმდებლობით განსაზღვრული წესით, სარგებლობს პროფესიული და საფინანსო დამოუკიდებლობით („ჯანმრთელობის დაცვის შესახებ“ საქართველოს კანონი, 58-ე მუხლი, პირველი პუნქტი) შესაბამისად, პაციენტის სამედიცინო დოკუმენტაცია განთავსებულია მათ არქივებში, რომელთა შენახვის ვადად, „სამედიცინო დაწესებულებებში სამედიცინო ჩანაწერების შენახვის წესის შესახებ“ საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის მინისტრის 2019 წლის 17 აპრილის N01-35/ნ  ბრძანების მე-6 მუხლის მე-5 პუნქტით და „სამედიცინო დაწესებულებებში სტაციონარული სამედიცინო დოკუმენტაციის წარმოების წესის დამტკიცების შესახებ“ საქართველოს შრომის, ჯანმრთელობისა და სოციალური დაცვის მინისტრის 2009 წლის 19 მარტის N108/ნ ბრძანებით დამტკიცებული წესით  არის განსაზღვრული. 

ასევე, გაცნობებთ, რომ „პაციენტის უფლებების შესახებ“  საქართველოს კანონის 27-ე მუხლის შესაბამისად „სამედიცინო მომსახურების გამწევი ვალდებულია პაციენტის შესახებ მის ხელთ არსებული ინფორმაციის კონფიდენციალობა დაიცვას როგორც პაციენტის სიცოცხლეში, ისე მისი სიკვდილის შემდეგ“.  ამავე კანონის 21-ე მუხლის, „პერსონალურ მონაცემთა დაცვის“ საქართველოს კანონის მე-6 მუხლის და „ფსიქიატრიული დახმარების შესახებ“ საქართველოს კანონის 26-ე მუხლის შესაბამისად, კონფიდენციალური ინფორმაციის გაცემა მესამე პირზე შესაძლებელია პაციენტის ან მისი კანონიერი წარმომადგენლის წერილობითი თანხმობით ან/და სასამართლოს გადაწყვეტილებით.

შესაბამისად, თქვენთვის სასურველი ინფორმაციის მოსაპოვებლად, კანონით გათვალისწინებული დოკუმენტის არსებობის შემთხვევაში  შეგიძლიათ  მიმართოთ უშუალოდ  სამედიცინო დაწესებულებას, რადგან „პაციენტის უფლებების შესახებ“  საქართველოს კანონის 17-ე  მუხლის მე-2 პუნქტის საფუძველზე „სამედიცინო ჩანაწერების გაცნობის, აგრეთვე მათი ასლის მიღების შესახებ მოთხოვნა წერილობით წარედგინება სამედიცინო დაწესებულებას“ ("ფსიქიკური ჯანმრთელობის" სახელმწიფო პროგრამით გათვალისწინებული სამედიცინო სერვისების მიმწოდებლები განსაზღრულია 2019 წლის ჯანმრთელობის დაცვის სახელმწიფო პროგრამების დამტკიცების შესახებ საქართველოს მთავრობის  2019 წლის 31 დეკემბერის N674 დადგენილებით).

ამდენად, თქვენი თხოვნის დაკმაყოფილების შესაძლებლობა სცილდება სამინისტროსთვის კანონმდებლობით მინიჭებული უფლებამოსილების ფარგლებს.