მოგესალმებით, კოლეგებო,

როგორც გახსოვთ, საჯარო პოლიტიკის ანალიზის ტრენინგების ციკლის დაწყებამდე, გვქონდა ასეთი შეთანხმება, რომ „ყველაზე წარმატებულ მონაწილეებს ექნებათ პრივილეგია, რომ შიდაუწყებრივად ჩაატარონ იგივე ტიპის ტრენინგი (შემჭიდროვებულ ფორმატში), რაშიც საორგანიზაციო მხარდაჭერას უზრუნველყოფს გაეროს განვითარების პროგრამა (UNDP) საქართველოში“. შესაბამისად, ჩვენ ვიწყებთ ამ პროგრამის მეორე ფაზას, რაც გულისხმობს განახლებული სატრენინგო მოდულის საფუძველზე, საჯარო მოხელეების გადამზადებას პოლიტიკის ანალიზის, დაგეგმვის, მონიტორინგის, ანგარიშგებისა და შეფასების საკითხებში“. აღსანიშნავია, რომ აქტივობა საჯარო მმართველობის რეფორმის 2019-2020 წლების სამოქმედო გეგმით გათვალისწინებული ერთ-ერთი ვალდებულებაა.

მოხარული ვართ გაცნობოთ, რომ თქვენ, გამოცდის, საბოლოო ნაშრომისა და ტრენერის შეფასების საფუძველზე, დასახელებული ხართ ერთ-ერთ ყველაზე წარმატებულ მონაწილედ, რაც გაძლევთ საშუალებას ჩართული იყოთ პროგრამის მეორე ფაზაში:

მეორე ფაზის ფარგლებში:

• გადამუშავდება შემოთავაზებული ტრენინგ მოდული - შემცირდება არსებული საკითხები და დაემატება პრაქტიკული საკითხები განახლებული პოლიტიკის დაგეგმვის, მონიტორინგისა და შეფასების სახელმძღვანელოს შესაბამისად;
• თქვენ გექნებათ საშუალება დამატებით გაიაროთ ტრენერთა ტრენინგი (ToT) - რომელიც გარდა შინაარსობრივი ნაწილისა (რაც უკვე გაიარეთ), ასევე მოიცავს მეთოდოლოგიურ ნაწილს ტრენინგების წარმართვისთვის;
• თქვენთვის შემუშავდება ტრენერთა სახელმძღვანელო, რაც დაგეხმარებათ ტრენინგების სწორად წარმართვაში;
• მიმდინარე წლის მეორე ნახევრიდან დაიწყება განახლებული მოდულის, მასალებისა და სახელმძღვანელოს შესაბამისად ტრენინგების ახალი ციკლი, სადაც თქვენ გექნებათ საშუალება წარმოდგენილი იყოთ თანა-ტრენერად. ასევე გადმოგეცემათ ტრენერის სერტიფიკატი.

პროცესში ტექნიკურ და საორგანიზაციო მხარდაჭერას გაგვიწევს გაეროს განვითარების პროგრამა (UNDP) საქართველოში.

პირველ რიგში, ამ ეტაპზე გვაინტერესებს თქვენი პოზიცია. კერძოდ, თუ გაქვთ სურვილი, რომ ჩაერთოთ პროგრამის მეორე ფაზაში. გთხოვთ, თქვენი პოზიცია მოგვწეროთ, პარასკევს, 3 მაისამდე. დაინტერესებული მონაწილეებისთვის გაიმართება შეხვედრა, სადაც დეტალური ინფორმაცია იქნება მოწოდებული შემდგომ ნაბიჯებთან დაკავშირებით.

პატივისცემით,