მოგესალმებით,  

როგორც მოგეხსენებათ,  გაეროს უშიშროების საბჭოს რეზოლუციის „1325 (ქალები მშვიდობა და უსაფრთხოება)“ 20 წლის იუბილის აღსანიშნავად,  2019 წლის აპრილში, საქართველომ აიღო 10 განახლებული ვალდებულება, მათ შორის: გაეროს უშიშროების საბჭოს რეზოლუციების ლოკალიზაცია, სექსუალური შვიწროების წინააღმდეგ შიდა მექანიზმის დანერგვა საქართველოს შინაგან საქმეთა სამინისტროში, სამოქალაქო სექტორთან აქტიური თანამშრომლობის უზრუნველყოფა ჟენევის სამშვიდობო დისკუსიებისა და IPRM - ის განხილვებში, თავდაცვის სისტემის თანამშრომლების შესაძლებლობების გაზრდა და სხვა (დეტალურად ვალდებულებები იხილეთ დანართში).

აღნიშნულთან დაკავშირებით, 29 იანვარს ქ ნიუ-იორკში, გერმანიისა და დიდი ბრიტანეთის ორგანიზებით გაიმართება follow up შეხვედრა, რომლის დროსაც წევრ-სახელმწიფოებს ექნებათ შესაძლებლობა წარმოადგინონ მოკლე (1-წუთიანი) ინფორმაცია აღებული ვალდებულებების შესრულების შესახებ.

გვინდა მოგმართოთ თხოვნით, თქვენი კომპეტენციის ფარგლებში, რამდენიმე წინადადებით მოგვაწოდოთ ინფორმაცია აღებული ვალდებულებების შესრულების შესახებ (ასეთის არსებობის შემთხვევაში), ინგლისურ ენაზე, 2020 წლის 23 იანვრამდე.

უღრმესი მადლობა წინასწარ,

პატივისცემით,