მოგესალმებით პატივცემულო კომისიის წევრებო,

როგორც თქვენთვის ცნობილია, ჯანმრთელობის მსოფლიო ორგანიზაციის მიერ 2017–2018 წლის სეზონისთვის, გრიპის საწინააღმდეგო ვაქცინაციისთვის,  რისკის პრიორიტეტულ ჯგუფებად განსაზღვრულია იგივე ჯგუფები რაც 2016-2017 წლების სეზონისთვის, კერძოდ:

ა) სპეციფიკური ქრონიკული დარღვევების მქონეთაგან:

·         18 წლამდე ასაკის დიაბეტის მქონე პირები;

·         დიალიზზე მყოფი პირები;

·         C ჰეპატიტის მქონე პირები (მკურნალობაზე მყოფნი);

·         აივ ინფექცია/შიდსის მქონე პირები;

ბ) სხვა პრიორიტეტული ჯგუფები:

·    ბავშვთა (მ.შ. მცირე საოჯახო ტიპის) და მოხუცთა თავშესაფრების ბენეფიციარები და მათი მომვლელი პერსონალი;

·    სამედიცინო დაწესებულებაში  მომუშავე პერსონალი, საზოგადოებრივი ჯანმრთელობის ცენტრების/სამსახურების თანამშრომლები;

·    ორსულები.

აღნიშნული ჯგუფები შეთანხმებულია ICC კომისიასთან და შესაბამისად, დაავადებათა კონტროლის ცენტრი, გრიპის სეზონის დასაწყისიდან, ახორციელებს ამ მიზნობრივი ჯგუფების ვაქცინაციას.

ამასთან, სამინისტროს წერილობით მომართა საქართველოს თავდაცვის სამინისტრომ სეზონური ვაქცინაციის პროცესში საქართველოს შეიარაღებული ძალების პირადი შემადგენლობის ჩართვის მიზნით.

აქვე დამატებით გაცნობებთ, რომ დაავადებათა კონტროლის ცენტრის მიერ მიღწეულია შეთანხმება საერთაშორისო ორგანიზაცია PIVI - Partners on Influenza Vaccination Program Introduction, Evaluation and Planning-თან 10 ათასი დოზა, ავსტრალიური წარმოების გრიპის საწინააღმდეგო ვაქცინის  ჰუმანიტარულად მოწოდების თაობაზე.

ყოველივე ზემოაღნიშნულიდან გამომდინარე, მიზანშეწონილად ჩაითვალა, ჰუმანიტარულად მიღებული ვაქცინები გადაეცეს თავდაცვის სამინისტროს, ხოლო ვაქცინაციის მიზნობრივ ჯგუფებს დაემატოს საქართველოს შეიარაღებული ძალების პირადი შემადგენლობა.

როგორც მოგეხსენებათ, ეპიდსიტუაციიდან გამომდინარე დამატებითი მიზნობრივი ჯგუფების განსაზღვრა, უნდა განხორციელდეს საკითხის იმუნიზაციის განხორციელების ხელშემწყობ კომისიასთან შეთანხმების გზით.

გიგზავნით შესაბამის დოკუმენტაციას და გთხოვთ, თქვენს თანხმობას, მოსაზრებებს აღნიშნულთან დაკავშირებით.

აქვე, დანართის სახით გიგზავნით იმუნიზაციის განხორციელების ხელშემწყობი კომისიის განახლებულ ბრძანებას.

პატივისცემით,

ეკა

Ekaterine Adamia,

Head of Public Health and Programs Division

Health Care Department

Ministry of Labour, Health and Social Affairs of Georgia

0119, Tbilisi, Tsereteli ave.144 

Tel: (+995 32) 25100381110

Mob: (+995 577) 28 28 25