თამუნა დიდი მადლობა პროექტის მოწოდებისთვის. გიგზავნით სადაზღვევო ინუსტრიის შენიშვნებსა და კითხვებს:

1. მუხლი  1.  ე) პუნქტის მიხედვით დამზღვევი შეიძლება იმავდროულად იყოს დაზღვეულიც.  ამავე დროს მუხლი  5-ის პირველი პუნქტით (ასევე განმარტებითი ბარათის მიხედვით) საქართველოში უმაღლესი და პროფესიული საგანმანათლებლო დაწესებულება ვალდებულია უზრუნველყოს მის დაწესებულებაში ჩარიცხული უცხოელი და მოქალაქეობის არმქონე სტუდენტის მიერ ჯანმრთელობისა და უბედური შემთხვევის დაზღვევა აქტიური სტუდენტური სტატუსის ფლობის სრული პერიოდით ამ დადგენილებით განსაზღვრული პირობებით.

დასაზუსტებელია რა შემთხვევაში შეიძლება იყოს დამზღვევი  დაზღვეულიც;

2. მუხლი 3. ზოგადი პირობები:   საქართველოში უმაღლეს და პროფესიულ საგანმანათლებლო დაწესებულებაში სწავლების მსურველი უცხოელი და მოქალაქეობის არმქონე სტუდენტი ვალდებულია საქართველოს ტერიტორაზე შემოსვლისას იქონიოს ამ წესით განსაზღვრული პირობების შესაბამისი ჯანმრთელობისა და უბედური შემთხვევის დაზღვევა, საქართველოში მისი ყოფნის სრული პერიოდის განმავლობაში, მაგრამ არანაკლებ ერთი სემესტრის ვადით. მუხლი 5. ადმინისტირების წესი 1. საქართველოში უმაღლესი და პროფესიული საგანმანათლებლო დაწესებულება ვალდებულია უზრუნველყოს მის დაწესებულებაში ჩარიცხული უცხოელი და მოქალაქეობის არმქონე სტუდენტის მიერ ჯანმრთელობისა და უბედური შემთხვევის დაზღვევა აქტიური სტუდენტური სტატუსის ფლობის სრული პერიოდით ამ დადგენილებით განსაზღვრული პირობებით. 2. უცხოელსა და მოქალაქეობის არმქონე პირს საქართველოს ტერიტორიაზე შემოსვლისას საქართველოს შინაგან საქმეთა სამინისტროს საპატრულო პოლიციის დეპარტამენტის პასუხისმგებელი პირი, საკუთარი უფლებამოსილების ფარგლებში, სასაზღვრო გამტარ პუნქტში განუმარტავს საქართველოს ტერიტორიაზე ჯანმრთელობისა და უბედური შემთხვევის დაზღვევის სავალდებულოობის შესახებ და ამოწმებს უცხოელი და მოქალაქეობის არმქონე სტუდენტის მიერ სადაზღვევო პოლისის ფლობას.

3. საგანმანათლებლო დაწესებულება: ა) ვალდებულია სასწავლო პროცესში არ დაუშვას ის უცხოელი და მოქალაქეობის არმქონე სტუდენტი, რომელიც არ ფლობს ამ დადგენილებით დადგენილ ჯანმრთელობისა და უბედური შემთხვევის სადაზღვევო პოლისს (გარდა დისტანციური სწავლებისა, თუ სტუდენტი არ იმყოფება საქართველოში).

გ) ვალდებულია უცხოელი სტუდენტის მიერ ჯანმრთელობისა და უბედური შემთხვევის დაზღვევის არ ფლობის შემთხვევაში სტუდენტს შეუჩეროს სტუდენტის სტატუსი.

მუხლი 3 და მუხლის 5 1 და მეორე პუნქტის მიხედვით დაზღვევა სავალდებულოა და სტუდენტის მიერ საზღვრის კვეთის ერთ-ერთი წინაპირობაა. ამავე დროს, მუხლი 5-ის  მესამე პუნქტის გ) ქვეპუნქტის მიხედვით  სტუდენტი საქართველოში შესაძლოა იმყოფებოდეს დაზღვევის გარეშეც (სტუდენტის მიერ ჯანმრთელობისა და უბედური შემთხვევის დაზღვევის არ ფლობის შემთხვევაში სტუდენტს შეუჩეროს სტუდენტის სტატუსი). გთხოვთ განმარტოთ,  სავალდებულოა თუ არა დაზღვევა და რა შემთხვევაში შეიძლება სტუდენტი არ იყოს  დაზღვეული;

3. მუხლი 4-ის პუნქტი 10-ის ბ) ქვეპუნქტის მიხედვით: 112 თავის მხვრივ შეტყობინებას გადაცემს სსიპ საგანგებო სიტუაციების კოორდინაციისა და გადაუდებელი დახმარების ცენტრს (შემდგომში ცენტრი), რომელიც დაუყონებლივ აწვდის სამედცინო მომსახურებას დაზღვეულს.

სადაზღვევო კომპანიებს ეკისრებათ ვალდებულება კონტრაქტორად აიყვანონ და  პირდაპირი ანგარიშსწორება აწარმოონ  სსიპ საგანგებო სიტუაციების  კოორდინაციისა და გადაუდებელი დახმარების ცენტრთან. სადაზღვევო კომპანიები  თავისუფალი კონკურენციის პირობებში აწარმოებენ სამედიცინო დაწესებულებების  დაკონტრაქტებას. რადგან ყველა სადაზღვევო კომპანიის კონტრაქტორს არ  წარმოადგენს აღნიშნული ცენტრი ეს ფაქტორი შესაძლოა კონკურენციის შეზღუდვის  მიზეზი გახდეს, რაც პრინციპულად მიუღებელია;

4. ამავე ქვეპუნქტის მიხედვით: მზღვეველი ვალდებულია ცენტრ-ს მუდმივად  განუახლოს დაზღვეული პირების შესახებ ინფორმაცია: ............. 

პრინციპულად მიუღებელია წინასწარ, შემთხვევის ხდომილებამდე რაიმე ტიპის  ინფორმაციის გაცემა დაზღვეულთა შესახებ, გაურვეველია რას ნიშნავ  „მუდმივად“, აგრეთვე რა ტიპის ინფორმაციის მიწოდებაზეა საუბარი;

5. დადგენილებაში არ არის განმარტებული სადაზღვევო პერიოდი და სადაზღვევო პოლისის  მოქმედების ვადა. მნიშნელოვანია ამ ცნების დეფინიციების ჩვენს მიერ  მოწოდებული ფორმულირებით ასახვა;

6. პროექტში არაფერია ნახსენები სემესტრულ სწავლებაზე, თუმცა სადაზღვევო სექტორის მიერ მოკლევადიან დაზღვევაზე (სულ მცირე ერთი სემესტრის მოცულობით) თანხმობაა დაფიქსირებული. სემესტრული დაზღვევის შემთხევევაში  პროპორციულად შემცირდება დაფარვებიც; იმ შემთხვევაში, თუ სტუდენტი მხოლოდ ერთი სემესტრით შეიძენს დაზღვევას სადაზღვევო ბარათი გაითვალისწინებს ლიმიტების გამესამედებას

7. განმარტებით ბარათში ვკითხულობთ, რომ „დგინდება აღნიშნული პაკეტის ზედა  ზღვარი, რომელიც გააგარიშებულ იქნა სადაზღვევო სექტორთან გამართული  კონსულტაციების შესაბამისად.“ მუხლი 4, პუნქტი 11-ის მიხედვით  „მინიმალური სადაზღვევო პირობებით პრემიის ოდენობა არ უნდა აღემატებოდეს  თვეში 30 ლარს“.

გამართული ინტენსიური კონსულტაციების ფარგლებში, COVID 19 მართვის შესახებ მოწოდებული ინფორმაციის საფუძველზე, სადაზღვევო ინდუსტრიის მიერ გაანგარიშებული წლიური პრემია შეადგენს 600 ლარს. დადგენილებაში მითითებული პრემიის ზედა ზღვარი მნიშვნელოვნად ნაკლებია გაანგარიშებულზე, რამაც შესაძლოა შეაფერხოს აღნიშნული პროექტის წარმატებული განხორციელება და ტვირთად დააწვეს სადაზღვევო სექტორს.

პატივისცემით,

დევი