From :	Tengiz Tsertsvadze <tt@aidscenter.ge>
To :	Tamar Gabunia <tgabunia@moh.gov.ge>
Subject :	Re: Discharge criteria -COVID 19
Cc :	akaki abutidze <akakiabutidze@yahoo.com>; Khatuna Zakhashvili <episurvncdc@gmail.com>; Paata Imnadze <pimnadze@ncdc.ge>; Ekaterine Adamia <eadamia@moh.gov.ge>; Goguadze.tamta@gmail.com; Vladimer Getia <khgetia@gmail.com>; Amiran Gamkrelidze <a.gamkrelidze@ncdc.ge>; Avtandil Talakvadze <atalakvadze@moh.gov.ge>; amiran gogitidze <amikogogitidze2@gmail.com>
Received On :	04.08.2020 18:36
Attachments :	image001.jpg

ქალბატონო თამარ,

რამდენადაც თქვენი ა.წ. 3 აგვისტოს წერილიდან გავიგეთ, ძირითადად გაინტერესებთ ორი საკითხი:

1. დავაკანონოთ, თუ არა პაციენტების გაწერა, ჯანმო-ს ახალი რეკომენდაციების მიხედვით, კლინიკიდან გაწერისას SARS-CoV-2-ზე PCR ტესტირების გარეშე.

2. კლინიკიდან გაწერილი პაციენტისთვის დარჩეს ძალაში აუცილებელი 14-დღიანი კარანტინი ან თვითიზოლაცია, თუ გაწერა მოხდეს ყოველგვარი შემდგომი შეზღუდვების გარეშე

მოგაწვდით ჩვენს მოსაზრებებს:

1. რამდენადაც მთლად ბოლომდე მაინც არ არის დადასტურებული შეიძლება იყოს თუ არა ავადმყოფი გადამდები 10+3 დღის შემდეგ, ჩვენ შინაგანად ვემხრობით გაწერისას SARS-CoV-2-ზე PCR ტესტირების ჩატარებას. მაგრამ რამდენადაც ჯანმო-ს ახალი (ბოლო) რეკომენდაცია იძლევა ტესტირების გარეშე კლინიკიდან გაწერის უფლებას (თუმცა ქვეყანას უტოვებს არჩევანს გაწერისას ჩაატაროს PCR ტესტირება) და თუ ეს სამინისტროს გამართლებულად მიაჩნია ეკონომიის ან სხვა მოსაზრებების თვალსაზრისით, ჩვენ თანახმა ვართ, რომ სიმპტომური პაციენტი გაეწეროს COVID-19-ის სიმპტომების დაწყებიდან 10+3 დღის შემდეგ, ხოლო უსიმპტომო პაციენტი გაეწეროს დიაგნოზის დადასტურებიდან 10 დღის შემდეგ.

2. რაც შეეხება კლინიკიდან პაციენტის გაწერის შემდეგ კარანტინის ან თვითიზოლაციის საჭიროებას, მიგვაჩნია, რომ ეს საკითხი მთლიანად NCDC-ის გადასაწყვეტია.

პატივისცემით,

თენგიზ ცერცვაძე

On Mon, Aug 3, 2020 at 7:03 PM Tamar Gabunia <tgabunia@moh.gov.ge> wrote:

ბატონო თენგიზ

ბატონო პაატა და ქალბატონო ხათუნა

ძვირფასო კოლეგებო

როგორც იცით უკანასკნელი რამდენიმე შეხვედრა კოვიდ პასუხის ცენტრალურ საკოორდინაციო ჯგუფში დაეთმო კლინიკიდან პაციენტების გაწერის და იზოლაციიდან მათი გადმოყვანის საკითხებს. მოქმედი გაიდლაინის თანახმად გამოჯანმრთელების კრიტერიუმი შემდეგია:

კლინიკური სიმპტომების არ არსებობა სულ ცოტა 3 დღის მანძილზე და ზემო და/ან ქვემო სასუნთქი გზებიდან აღებულ მასალაში პჯრ კვლევით SARS-CoV-2-ის რნმ-ზე ორი თანმიმდევრული უარყოფითი პასუხი არანაკლებ 24 საათის შუალედით.

გაიდლაინშივე დაზუსტებულია, რომ სიმპტომების ალაგების მიუხედავად თუ პჯრ ტესტი დადებითი რჩება გაწერის გადაწყვეტილება განიხილება ინდივიდუალურად. ამგვარი ჩანაწერი სამედიცინო პერსონალს აძლევს ჰოსპიტალიზაციის შემდეგ პაციენტის არა ბინაზე, არამედ კარანტინში გადაყვანის საფუძველს.

COVID-19-ით პაციენტის გამოჯანმრთელების კრიტერიუმები COVID-19-ით პაციენტის ბინაზე გაწერა

შენიშვნა: 1.სიმპტომური პაცინტებისთვის:იმ შემთხვევაში, როდესაც COVID-19-ის სიმპტომების დაწყებიდან10 დღისა და პლუს სულ მცირე3 დამატებითი უსიმპტომო(ცხელების, რესპირაციული სიმპტომების და სხვ. არარსებობა) დღის შემდეგაც ზემო და/ან ქვემო სასუნთქი გზებიდან აღებულ მასალაში პჯრ კვლევით SARS-CoV-2-ის რნმ რჩება განსაზღვრადი, პაციენტის ბინაზე გაწერის გადაწყვეტილება შესაძლებელია განხილულ იქნეს ინდივიდუალურად(ყველა შესაძლო რისკის გათვალისწინებით).

2.უსიმპტომო პაცინტებისთვის:იმ შემთხვევაში, როდესაც COVID-19-ის დიაგნოზის დადასტურებიდან 10 დღის შემდეგაც ზემო და/ან ქვემო სასუნთქი გზებიდან აღებულ მასალაში პჯრ კვლევით SARS-CoV-2-ის რნმ რჩება განსაზღვრადი, პაციენტის ბინაზე გაწერის გადაწყვეტილება შესაძლებელია განხილულ იქნეს ინდივიდუალურად(ყველა შესაძლო რისკის გათვალისწინებით). ბინაზე გაწერილ ყველა პაციენტს უნდა მიეცეს გაფრთხილება, რომ მიმართოს ჰოსპიტალს მდგომარეობის გაუარესების შემთხვევაში.

თუ ემხრობით იმ პოზიციას (ჯანმოს ახალი გაიდლაინი), რომ ინფექციის გადაცემის რისკის შემცირების ღონისძიებების (მათ შორის კარანტინი და იზოლაცია) გატარების ჩვენება იხსნება ქვემოთ მითითებულ შემთხვევებში, გთხოვთ შემოგვთავაზოთ გაიდლაინში საჭირო ცვლილებების ფორმულირება, რათა თავიდან ავიცილოთ ჰოსპიტალიზაციის შემდეგ გამოჯანმრთელებული პირების ხანგრძლივი დაყოვნება კარანტინში.

სიმპტომურ პაციენტებში, სიმპტომების დაწყებიდან 10 დღეში და დამატებით სამ დღეში, როდესაც მას სიმპტომი (ცხელება და რესპირაციული სიმპტომები) აღარ აღენიშნება.

ასიმპტომურ პირებში: SARS-CoV-2 ის დიაგნოზის დადგენიდან (დადებითი ტესტის პასუხი) 10 დღეში

მაგალითად, თუ პაციენტს ჰქონდა სიმპტომები 2 დღის განმავლობაში, მისი გამოყვანა იზოლაციის რეჟიმიდან დასაშვებია 10 დღეს+3= 13 დღეში სიმპტომების დაწყებიდან. თუ პაციენტს სიმტომები ჰქონდა 14 დღის განმავლობაში, მისი იზოლაციის გამოყვანა დასაშვებია 14 დღეს+ 3 დღე =17 დღეში სიმპტომების დაწყებიდან. თუ პაციენტს სიმპტომები ჰქონდა 30 დღის მანძილზე, მისი გამოყვანა იზოლაციიდან დასაშვებია 30+3= 33 დღეში სიმპტომების დაწყებიდან.

გთხოვთ მოსაზრებები მოგვაწოდოთ ხვალ 4 აგვისტოს დღის ბოლომდე.

პატივისცემით,

თამარ გაბუნია

მინისტრის პირველი მოადგილე

Sincerely,

Tamar Gabunia, MD, MPH

First Deputy Minister