ძვირფასო თამარ

 

დიდი მადლობა ამ განმარტებებისთვის. ვფიქრობ საკითხის აქტუალობიდან და შეზღუდული ვადებიდან (ასევე პარლამენტის ფუნქციონირების მიმდინარე რეჟიმის გათვალისიწნებით) მოგვიწევს მუშაობის დაწყება მთავრობის დადგენილებით, რომელიც უნდა შეეხებოდეს, როგოც მოგზაურებს, ასევე სტუდენტებს. თუ შეიძლება რომ გთხოვოთ ამ მიმართულებით დახმარება დადგენილების პროექტის დრაფტის მომზადებაში?

 

პატივისცემით,

თამარ გაბუნია

მინისტრის პირველი მოადგილე

 

Sincerely,

Tamar Gabunia, MD, MPH

First Deputy Minister

 

 

 

 

 

From: Tamar Kerdzaia [mailto:kerdzaia.t@gmail.com]
Sent: 5 August, 2020 12:29
To: Tamar Gabunia <tgabunia@moh.gov.ge>
Cc: Tatia Khabeishvili <tatia.khabeishvili@gmail.com>
Subject: დაზღვევის სამართლებრივ რეგულირებასთან დაკავშირებით მისაღები გადაწყვეტილებები

 

ქალბატონო თამარ,

 

იმისათვის, რომ ჩამოვყალიბდეთ დაზღვევის სასურველ მოწესრიგებაზე, პირველ რიგში გადასაწყვეტია მისი სამართლებრივი რეგულირების მიდგომაზე შეჯერება. ამისათვის, უნდა გადავჭრათ შემდეგი საკითხი:

·         მოხდეს კანონის მიღება (პარლამენტის მიერ), თუ დარეგულირდეს საკითხი მთავრობის დადგენილებით.

იმისათვის, რომ გაგიადვილოთ გადაწყვეტილების მიღება, მოგახსენებთ ორივე მიდგომის დადებით და უარყოფით მხარეებს.

 

კანონის მიღება:

 

ა) დადებითი მხარე

·  ვინაიდან საკითხი შეეხება სხვა ქვეყნების მოქალაქეებს და წყვეტს მათ სამართლებრივ ბედს ქვეყანაში შემოსვლისას, ძალიან რეკომენდირებულია, რომ აღნიშნული საკითხი მოწესრიგებული იყოს კანონით, რომელსაც იღებს მაღალი ლეგიტიმაციის მქონე ორგანო - პარლამენტი;

·  კანონის მიღება ასევე ძალიან სასურველია იმისათვის, რომ უცხო ქვეყნის მოქალაქეებისათვის ხელმისაწვდომი იყოს სამართლებრივი აქტი უნიფიცირებული დოკუმენტის - კანონის ფორმით და არ მოუწიოთ ნაკლები სამართლებრივი წონის მქონე დოკუმენტებში შესაბამისი ნორმების ძიება.

ბ) უარყოფითი მხარე

·  კანონის მიღებისთვის საჭიროა პარლამენტის საშემოდგომო სესიის დალოდება. პარლამენტის მიმდინარე საკითხებისა და იმის გათვალისწინებით, რომ ახალი კანონის მიღება შეუძლებელია დაჩქარებული წესით, საკითხის განხილვა ვერ მოესწრება უახლოესი რამდენიმე თვე (ამასვე გვიდასტურებენ პარლამენტშიც).

 

მთავრობის დადგენილება:

 

ა) დადებითი მხარე

·  მთავრობის დადგენილების მთავარი დადებითი მხარე არის ის, რომ მისი მიღება შესაძლებელია უმოკლეს ვადებში;

·  ასევე, მთავრობის დადგენილებით აღნიშნული საკითხის მოწესრიგების შემთხვევაში, საჭიროებისას, მარტივი იქნება მასში ცვლილებების შეტანა.

ბ) უარყოფითი მხარე

·  საკანონმდებლო ტექნიკის თვალსაზრისით არ არის გამართლებული ასეთი მნიშვნელობის საკითხის დადგენილებით მოწესრიგება. თუ მაინც გადაწყდა ამ გზით წასვლა და იქნება შესაბამისი პოლიტიკური ნება, მაშინ შეგვიძლია მოვიშველიოთ 1. უცხოელთა და მოქალაქეობის არმქონე პირთა სამართლებრივი მდგომარეობის შესახებ კანონის მე-11 მუხლის პირველი ნაწილის "დ" ქვეპუნქტი, რომლის თანახმადაც, უცხოელს საქართველოში შემოსვლაზე შეიძლება ეთქვას უარი, თუ მას არ აქვს ჯანმრთელობისა და უბედური შემთხვევის დაზღვევა. ოღონდ, ამ შემთხვევაში გასათვალისწინებელია, რომ ვინაიდან აღნიშნული კანონი არ აკეთებს დათქმას, რომ საკითხი მოწესრიგდეს მთავრობის შესაბამისი დადგენილებით, შესაძლოა მომავალში "დაინტერესებულმა პირებმა" დააყენონ აღნიშნული დადგენილება ეჭვქვეშ. თუმცა, ისიც გასათვალისწინებელია, რომ ამ პერიოდში შეგვიძლია უკვე პარლამენტის მეშვეობით კანონიც მივიღოთ და პრობლემაც გადაიჭრება; 2. ნორმატიული აქტების შესახებ კანონის მე-12 მუხლის მე-2 ნაწილი, რომლის თანახმადაც საქართველოს მთავრობა უფლებამოსილია მიიღოს დადგენილება, შესაბამისი კანონის გარეშე, თუ მისი მიღება გამოწვეულია გადაუდებელი აუცილებლობით. ამ ნორმაზე მითითებით, შესაძლებელია სასწრაფოდ მივიღოთ დადგენილება და პარალელურად მივმართოთ პარლამენტს შესაბამისი კანონპროექტით.

ამდენად, დასკვნის სახით რომ შევაჯამოთ: თუ გვაქვს მოცემულობა, რომ გვეჩქარება საკითხის მოწესრიგება, დავარეგულიროთ იგი საქართველოს მთავრობის დადგენილებით და პარალელურად მივმართოთ პარლამენტს შესაბამისი საკანონმდებლო წინადადებით.

 

აქვე, ვეცდებით გიპასუხოთ თქვენს მიერ დასმულ შეკითხვაზე იმასთან დაკავშირებით, რამდენად მართებული იქნება ყველა უცხოელს სავალდებულოდ მოეთხოვოს საქართველოში დაზღვევის შეძენა, მიუხედავად იმისა, აქვს თუ არა მას თავის ქვეყანაში შეძენილი სადაზღვევო პაკეტი, რომელიც ფარავს საქართველოს. 

 

ჩვენი რეკომენდაციაა, არ მოხდეს საკითხის ამგვარად რეგულირება იმდენად, რამდენადაც, აღნიშნული დაკავშირებულია დიდ საერთაშორისო რისკთან. კერძოდ, იმ ქვეყნების მოქალაქეებისთვის მსგავსი შეზღუდვის დაწესება, რომლებიც ჩვენს მოქალაქეებს არ უწესებენ იგივე შეზღუდვებს სარკისებრი პრინციპით, არ იქნება შეფასებული დადებითად და შესაძლოა, შეფასდეს კრიტიკულადაც ჩვენი პარტნიორი ქვეყნების მიერ. ამის პრაქტიკა უკვე ჰქონდა ქვეყანას მაგალითად ავტომობილების დაზღვევასთან დაკავშირებით.

 

გთხოვთ, მოგვაწოდოთ თქვენი პოზიცია აღნიშნულ 2 საკითხთან დაკავშირებით, რის შემდეგაც შეგვეძლება გავაგრძელოთ მუშაობა.

 

--

With Respect,

Tamar Kerdzaia

Expert - Advisor of Ministry of Internally Displaced Persons from the Occupied Territories, Labour, Health and Social Affairs of Georgia Rector of European University Tel: 995 32 2 000 171 Mob: +995 599209282 Addr: Guramishvili ave. 76, 0141, Tbilisi, Georgia Web: www.eu.edu.ge