ბატონო გიგი
დიდი მადლობა ამ ინფორმაციისთვის! ნამდვილად უაღრესად მნიშვნელოვანი ინიციატივაა, რომლის განხორციელებაში სამინისტრო აქტიურად ჩაერთვება. დაველოდებით შეტყობინებას შეხვედრის თარიღის თაობაზე.
პატივისცემით,
თამარ გაბუნია
მინისტრის პირველი მოადგილე
Sincerely,
Tamar Gabunia, MD, MPH
First Deputy Minister
From: Gigi Bregadze [mailto:gigi.bregadze@undp.org]
Sent: 30 June, 2020 20:59
To: Tamar Gabunia
Cc: Ekaterine Adamia
Subject: Risk Communication Strategy and Your Ministry
ქალბატონო თამარ,
მოგესალმებით და მოგახსენებთ, რომ დაავადებათა კონტროლისა და საზოგადოებრივი ჯანმრთელობის ეროვნულ ცენტრთან (NCDC) და მთავრობის ადმინისტრაციასთან კონსულტაციების საფუძველზე, გაეროს განვითარების პროგრამამ (UNDP) დიდი ბრიტანეთის მთავრობის მხარდაჭერით წამოიწყო პროექტი, რომლის მიზანია საზოგადოებრივი ჯანმრთელობის კრიზისული სიტუაციებისთვის რისკების კომუნიკაციის ეროვნული სტრატეგიის შემუშავება. პროექტის უშუალო შემსრულებელია საქართველოს გაეროს ასოციაცია, NCDC-სთან მჭიდრო თანამშრომლობით.
მიუხედავად იმისა, რომ საქართველო დღეს კოვიდ 19-თან ბრძოლის ერთ-ერთი წარმატებული მაგალითია, რასაც მრავალი ადგილობრივი და საერთაშორისო შეფასება ადასტურებს, მიმდინარე პანდემიამ ნათლად დაგვანახა რისკების კომუნიკაციის ეროვნული სტრატეგიის არსებობის აუცილებლობა. შესაბამისად, ეს პროექტი დაეხმარება ქვეყნის საზოგადოებრივი ჯანდაცვის ორგანიზაციებს ამ მნიშვნელოვანი დოკუმენტის შემუშავებაში და იმ აქტივობების განხორციელებაში, რაც რისკების კომუნიკაციის მიმართულებით შესაბამისი უწყებების შესაძლებლობების შემდგომ განვითარებას ითვალისწინებს.
მიმდინარე ეტაპზე, NCDC-სთან ინტენსიური თანამშრომლობის შედეგად, შემუშავებულია რისკების კომუნიკაციის ეროვნული სტრატეგიის დოკუმენტის სტრუქტურა, დამუშავებულია საერთაშორისო დოკუმენტები, დაგეგმილია თვისებრივი კვლევა, რომელიც საფუძვლად დაედება სტრატეგიის დოკუმენტს, განსაზღვრულია პარტნიორი და ჩართული ორგანიზაციების სია, რათა სრულად იყოს მოცული საზოგადოების ყველა ჯგუფი, მათ შორის მოწყვლადი ჯგუფები. დოკუმენტის შექმნის შემდეგ კი, იგეგმება სტრატეგიის დანერგვა, მისი გაცნობა დაინტერესებული მხარეებისთვის, მათთვის ტრენინგების ჩატარება და საინფორმაციო კამპანიის განხორციელება.
რისკების კომუნიკაციის ეროვნული სტრატეგიის შექმნის პროცესი მონაწილეობითია და, არსებული პირობების გათვალისწინებით, მაქსიმალურად ვცდილობთ უზრუნველვყოთ სტრატეგიის შემუშავების პროცესში ფართომასშტაბიანი ჩართულობა. პროექტის გამახორციელებელი ჩვენი პარტნიორი გაეროს ასოციაცია აქტიურად მუშაობს, როგორც NCDC -ს სამუშაო ჯგუფთან, ასევე სხვადასხვა ორგანიზაციებთან, როგორებიცაა მაგალითად WHO, UNICEF, საქართველოს წითელი ჯვრის ასოციაცია და სხვები, რათა დოკუმენტში თავი მოიყაროს ადგილობრივმა და საერთაშორისო საუკეთესო პრაქტიკამ და გამოცდილებამ. პროცესი ასევე გულისხმობს გაფართოებული შეხვედრებსა და განხილვებსაც.
მოხარული ვიქნებით, თუ თქვენ და სამინისტროს მმართველი რგოლი შეძლებდით ინიციატივის ფარგლებში ჩვენ მხარდაჭერას. ასევე, ვფიქრობთ, რომ თქვენი ან თქვენი წარმომადგენლის გაფართოებულ შეხვედრებში მონაწილეობა ძალიან სასარგებლო და მნიშვნელოვანი იქნება. აღნიშნულ შეხვედრებზე შეგვეძლება გაგიზიაროთ დოკუმენტის შინაარსი და მოვისმინოთ თქვენი შენიშვნები და რეკომენდაციები.
ერთ-ერთი პირველი გაფართოებული შეხვედრა გაიმართება 2020 წლის ივლისში. ზუსტ თარიღს შეგატყობინებთ უახლოეს მომავალში.
წინასწარ დიდ მადლობას მოგახსენებთ თანამშრომლობისთვის!
პატივისცემით,
გიგი
| Gigi Bregadze
|
