მოგესალმებით კოლეგებო,

როგორც იცით ბაღების საგანმანათლებლო პროცესის აღდგენა დაგეგმილია 1 ოქტომბრიდან, რის გამოც მუნიციპალიტეტებს ესაჭიროებათ დამატებით თანხების მობილიზება, რათა შეძლონ პროტოკოლით განსაზღვრული მოთხოვნების დაცვა. ამ მიზნით ფინანსთა სამინისტროსთან აქვთ აქტიური მოლაპარაკება, თანხების გამოყოფასთან დაკავშირებით.

ეხლა მქონდა საუბარი ინფრასტრუქტურის და ფინანსთა სამინისტროს შესაბამის კომპეტენტურ პირებთან. პრობლემურად ასახელებენ 2 საკითხს, რომელიც მოითოვს დიდი ოდენობის თანხების გამოყოფას, რისი საშუალებაც არ აქვთ და შესაბამისად, შეფერხებულია საკითის მსვლელობა, კერძოდ:

პროტოკოლის მიხედვით განსაზღვრულია თეთრეულის ჰიგიენური რეჟიმის დაცვის წესი, რომლის მიხედვითაც :

1.         თეთრეულის ჰიგიენური რეჟიმის დაცვის წესი:

o თეთრეული გამოიცვალოს საჭიროების მიხედვით;

o ნახმარი თეთრეულის შეგროვება მოხდეს სპეციალურად ამ მიზნისთვის განკუთვნილ

ტომარაში ან სხვა თავდახურულ მოცულობაში;

o კატეგორიულად იკრძალება გამონაცვალი თეთრეულის იატაკზე მოგროვება, დაბერტყვა,

შეფუთვის გარეშე ტრანსპორტირება;

o თეთრეულის (ასევე, პირსახოცების) რეცხვა განხორციელდეს დაწესებულების სამრეცხაოში

ან სპეციალურ სამრეცხაოებში ხელშეკრულების საფუძველზე (ამ უკანასკნელის

შემთხვევაში, აუცილებელია თეთრეულის რეცხვის მთელი ციკლისათვის (მიღება,

დახარისხება, რეცხვა, გაშრობა, გაუთოვება, დასაწყობება, შენახვა და გაცემა)

დამოუკიდებელი ტექნოლოგიური ხაზის არსებობა);

o თუ თეთრეულის მართვისთვის გამოიყენება გარე მომსახურება, გამოყენებულ უნდა იქნეს

შემდეგი ეტაპები:

 თეთრეულის შეკრება;

 ტრანსპორტირება;

 რეცხვა და დეზინფექცია;

 დაუთოება;

 შეფუთვა;

 სუფთა თეთრეულის შენახვა;

o სამრეცხაოში თეთრეულის დასამუშავებლად უზრუნველყავით ტექნოლოგიური

პროცესების ნაკადურობა, რათა გამოირიცხოს ჭუჭყიანი და სუფთა თეთრეულის

ნაკადების გადაკვეთა (თუ დაწესებულებაში ვერ ხერხდება ჭუჭყიანი და სუფთა

თეთრეულის მოძრაობის ნაკადების სრული გამიჯვნა, მაშინ შესაძლებელია მისი

შეფუთვა გასაცემად);

o დაბინძურების ხარისხისა და თეთრეულის ტიპის მიხედვით შეირჩეს რეცხვის

შესაბამისი პროგრამა. COVID-19-ის შესაძლო გავრცელების პრევენციის მიზნით,

მიზანშეწონილია, გამოყენებულ იქნეს რეცხვის არანაკლებ 600C ტემპერატურა და სათანადო

სარეცხი ფხვნილის კომბინაცია. აღნიშნული ტემპერატურული რეჟიმის უზრუნველყოფის

შეუძლებლობის შემთხვევაში, რეცხვა წარმოებს შესაბამისი სადეზინფექციო საშუალებებით

(მაგ., 0,5 %-იანი ქლორშემცველი ხსნარი) დეკონტამინაციის შემდეგ.

2.       მეორე საკითხი, რომელიც პრობლემურად სახელდება არის ინდივიდუალური ყუთები, კერძოდ პროტოკოლი მოითხოვს -  უზრუნველყავით ბავშვებისთვის ფანქრების, მაკრატლებისა და სხვა საშუალებებისთვის ინდივიდუალური ყუთების შექმნა ისე, რომ სახელოვნებო/გასართობი საქმიანობის დრო თითოელმა გამოიყენოს მისთვის ინდივიდუალურად განკუთვნილი ყუთი.

ვინაიდან ეს საკითები მეტად პრობლემურია მათი მხრიდან, რამდენად არის შესაძლებელი, რომ თეთრეულის მოტანანის უფლება დავრთოთ სახლიდან (როგორც აქამდე ხდებოდა) და ასევე ჩავუწეროთ შესაძლებლობად, რომ ინდივიდუალური ყუთების მოტანის საშუალება ჰქონდეთ სახლებიდან, ან საერთოდ ამოვიღოთ ეს უკანასკნელი.

ვინაიდან საკითხი სასწრაფოა, გთხოვთ შეძლებისდაგვარად შემჭიდროებულ ვადებში თქვენს პოზიციას.

პატივისცემით

ბექა ფერაძე

მოგესალმებით კოლეგებო,

გიგზავნით საბოლოო  რეკომენდაციების პროექტს  უმაღლესი და პროფესიული სასწავლებლების, ასევე საბავშვო ბაღებისთვის.

გთხოვთ შეძლებისდაგვარად შემჭიდროვებულ ვადებში გვაცნობოთ თქვენი პოზიცია.

პატივისცემით

ბექა ფერაძე

ბატონო ბექა,

ჩვენ ვიმსჯელეთ ცენტრში და რადგან პირბადეები სავალდებულო იქნება, რასაც სრულად ვუჭერთ მხარს, დისტანციის შემცირება 1 მეტრამდე, მისაღებად მიგვაჩნია.

პატივისცემით

პაატა

მოგესალმებით კოლეგებო, ქალბატონო ნუნუ/თამარ,

გიგზავნით რეკომენდაციების ცვლილებების პაკეტს პროფესიული და უმაღლესი  სასწავლებლებისთვის. გთხოვთ განიხილოთ და გვაცნობოთ ტქვენი პოზიცია.

დამატებით დღეს სამედიცინო უნივერსიტეტის წარმომადგენლებმა გამოგზავნეს გარკვეული რეკომენდაციები, რომელთაგან განსხვავებული და ყურადსაღებია ერთი მონაკვეთი:

1.1  თუ სასწავლო ოთახების/აუდიტორიების ფართი არ იძლევა იმის საშუალებას, რომ დაცული იყოს დისტანცია, სასწავლო დაწესებულებას უფლება აქვს გადავიდეს შერეულ/ჰიბრიდულ მოდელზე.  ასეთი შემთხვევისთვის  ადმინისტრაციამ უნდა შეიმუშაოს და დაამტკიცოს შესაბამისი  წესი;

გთხოვთ ასევე დაგვიფიქსიროთ თქვენი პოზიცია აღნიშნულთან დაკავშირებით.

პატივისცემით

ბექა ფერაძე

ბატონო პაატა, ბატონო ბექა, კოლეგებო,

მადლობა  თქვენი რჩევებისა და მოსაზრებებისთვის!

ასევე ველოდებით თქვენს რეკომენდაციებს უმაღლეს საგანმანათლებლო დაწესებულებებში სასწავლო პროცესის უსაფრთხოდ დაწყებისა და წარმართვისთვის.

ბატონო პაატა,

გმადლობთ განმარტებისთვის.

ბატონო ბექა,

კოლეგებო,

გვესმის რა, რომ ჩვენი ბავშვები, სამწუხაროდ, სკოლაში ყოფნის მთელი პერიოდის განმავლობაში ნიღბებს ვერ (არ) მოიხმარენ, მხოლოდ დერეფნებში ნიღბის ტარება, არ მიგვაჩნია გამოსავლად. ჯერ ერთი შესვენებებისას საერთო სივრცეში კონტაქტები ხანგრძლივი არ არის, მეორეც შეიძლება უფრო რისკის შემცველი ნიღბების არასათანადო შენახვა და მოხმარება გახდეს. ამავე დროს გარკვეული მტკიცებულებების საფუძველზე, რომელსაც ქვემოთ წარმოგიდგენთ, ალბათ გამოსავალი იქნება ბ ვარიანტი, რომ მხოლოდ ზოგადსაგანმანათლებლო დაწესებულებაში მოსწავლეებისათვის სავალდებულო არ იყოს პირბადის ტარება. რადგან ასევე არარეალისტური იქნება, მხოლოდ უფროსკლასელებისათვის პირბადის ტარების მოთხოვნა, რაც საუკეთესო გამოსავალი იქნებოდა.

გიგზავნით CDC-ის შეჯამებას COVID-19-ის ტრანსმისიაში ბავშვების როლზე. რამდენიმე საინტერესო წყაროა მითითებული, თუმცა, ყველაზე საინტერესო მაინც ეს აბზაცია (ბოლოში მოცემულია წყარო):

Scientific studies suggest that COVID-19 transmission among children in schools may be low.  International studies that have assessed how readily COVID-19 spreads in schools also reveal low rates of transmission when community transmission is low.  Based on current data, the rate of infection among younger school children, and from students to teachers, has been low, especially if proper precautions are followed.  There have also been few reports of children being the primary source of COVID-19 transmission among family members.[6],[7],[8]  This is consistent with data from both virus and antibody testing, suggesting that children are not the primary drivers of COVID-19 spread in schools or in the community.[9],[10],[11]  No studies are conclusive, but the available evidence provides reason to believe that in-person schooling is in the best interest of students, particularly in the context of appropriate mitigation measures similar to those implemented at essential workplaces.

https://www.cdc.gov/coronavirus/2019-ncov/community/schools-childcare/reopening-schools.html#fn9

პატივისცემით

პაატა იმნაძე

მოგესალმებით ბატონო ამირან, ბატონო პაატა,

როგორც მოგეხსენებათ, მიმდინარეობს მუშაობა „სამუშაო ადგილებზე ახალი კორონავირუსის (COVID-19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 29 მაისის №01-227/ო ბრძანების დანართის პროექტზე, რომლითაც უნდა განისაზღვროს რეკომენდაციები ზოგადსაგანმანათლებლო დაწესებულებების მიმართ.

აღნიშნულ პროექტთან დაკავშირებით დასაზუსტებელია ორი საკითხი:

ა) რეკომედირებულია თუ არა ზოგადსაგანმანათლებლო დაწესებულებაში პირბადის ტარება მუდმივ რეჟიმში მოსწავლეების მიერ? ხომ არ არის დაზუსტება საჭირო, რომ პირბადე გამოყენებულ უნდა იქნას მხოლოდ საერთო სარგებლობის სივრცეებში, ხოლო საკლასო ოთახებში სათანადო დისტანციის დაცვის შემთხვევაში, შესაძლებელი იყოს მისი მოხსნა;

ბ) რამდენად მიზანშეწონილია სკოლის მოსწავლემ სრულად მოიხსნას პირბადე, ხოლო მასწავლებლები და ადმინისტრაციული პერსონალი ატარებდეს მას, სათანადო წესების დაცვით.

როგორც ჩემთვის ცნობილია, სკოლის ბავშვების ასაკიდან გამომდინარე თქვენ უპირატესობას ანიჭებთ მეორე ვერსიას. სავარაუდოა რომ შემსუბუქებას ექნება გადაცემითი ეფექტი და სხვა მსგავსი და მომიჯნავე ტიპის საჯარო თუ კერძო ორგანიზაციებიც მოითხოვენ პირბადის ტარების წესის შემსუბუქებას, რაც გასათვალისწინებელი ფაქტორია.

იმის გათვალისწინებით რომ პირბადის ტარების წესს ზოგადსაგანმანათლებლო დაწესებულებებში განსაზღვრავდა პირბადის ტარების წესების დამტკიცების შესახებ საქართველოს მთავრობის დადგენილება, მოხდა ცვლილებების პროექტის შემუშავება. აღნიშნული პროექტის შესაბამისად, პირბადის ტარების წესები ზოგადსაგანმანათლებლო, პროფესიულ და უმაღლეს საგანმანათლებლო დაწესებულებებში განისაზღვრება 2020 წლის 29 მაისის №01-227/ო ბრძანების შესაბამისი დანართების შესაბამისად.

აღნიშნულიდან გამომდინარე, გიგზავნით შემუშავებული რეკომენდაციების პროექტს. გთხოვთ მოგვაწოდოთ თქვენი საბოლოო პოზიცია აღნიშნულ რეკომენდაციებთან დაკავშირებით.  ჩვენ მზად ვართ ვიმოქმედოთ თქვენი პროფესიული აზრის გათვალისწინებით.

პატივისცემით

ბექა ფერაძე