From: Vladimer Getia <khgetia@gmail.com>
Sent: ორშაბათი, 17 აგვისტო, 2020 12:32
To: Amiran Gamkrelidze Gmail <gamkrelidzea@gmail.com>; Lali Ebanoidze <L.Ebanoidze@ncdc.ge>; Irma Khonelidze Gmail <ikhonelidze@gmail.com>
Cc: Magda Gurabanidze <MGurabanidze@ssa.gov.ge>; Amiran Gamkrelidze <A.Gamkrelidze@ncdc.ge>; Aleko Turdziladze Gmail <turdziladze@gmail.com>; Eka Utiashvili <eutiashvili777@gmail.com>; Otar Namicheishvili <o.namicheishvili@ncdc.ge>; Gia Kobalia <G.Kobalia@ncdc.ge>; Maia Alkhazashvili <M.Alkhazashvili@ncdc.ge>; Tamar Jashiashvili <t.jashiashvili@ncdc.ge>; Paata Imnadze <pimnadze@ncdc.ge>; Khatuna Zakhashvili <episurv@ncdc.ge>
Subject: Re: სასწრაფო დავალება - 674 ცვლილების პროექტის ცვლილება

ბატონო ამირან

ქალბატონი ირმას და ლალის ჩასმა გამომრჩა მიმოწერაში.

 

 

ბატონო ამირან,

თქვენი დავალების შესაბამისად დავაკორექტირე N974 დადგენილება, პულირების მეთოდის გამოყენება სავალდებულო ხდება ამ დადგენილების ხელმოწერისთანავე, იმ ჯგუფებში, რომლებიც პროტოკოლითაა განსაზღვრული. ამასთან პულირებაში ნიმუსების შესაძლო რაოდენობა მეწერა 2-4 ერთეულის ოდენობით, ტესტების მოსალოდნელი დეფიციტის გათვალისწინებით ხისტად 4 ნიმუში ჩავწერე.

 

გ.ბ.გ) პულირების (დაჯგუფების) მეთოდის გამოყენების შემთხვევაში ტესტსისტემების ღირებულების გათვალისწინებით ტესტირების (პულში არა უმეტეს 4 ნიმუშის ტესტირებისას, ერთდროულად 4-ზე მეტი ნიმუშის პულირება დაუშვებელია) ღირებულება არაუმეტეს 90 ლარისა;

გ.ბ.დ) პულირების (დაჯგუფების) მეთოდის გამოყენების შემთხვევაში ტესტსისტემების ღირებულების გარეშე ტესტირების (პულში არა უმეტეს 4 ნიმუშის ტესტირებისას, ერთდროულად 4-ზე მეტი ნიმუშის პულირება დაუშვებელია) ღირებულება  − არაუმეტეს 25 ლარისა;“.

 

11. პულირების (დაჯგუფების) გზით პჯრ ტესტირებას ექვემდებარება „კორონავირუსით (SARS-CoV-2) გამოწვეულ ინფექციაზე (COVID-19) სავალდებულო ტესტირებას დაქვემდებარებულ პრიორიტეტულ პირთა ნუსხისა და ჩატარების წესის დამტკიცების შესახებ“ საქართველოს მთავრობის 2020 წლის 15 ივნისის N975 დადგენილებით განსაზღვრული ჯგუფები გარდა შემდეგი ჯგუფებისა:

·       შემთხვევის სტანდარტული განმარტებით მოცული შემთხვევები;

·       დადასტურებული შემთხვევების ახლო კონტაქტები;

·       „იზოლაციისა და კარანტინის წესების დამტკიცების შესახებ“ საქართველოს მთავრობის 2020 წლის 23 მაისის №322 დადგენილების მე-18 მუხლის პირველი პუნქტით დამტკიცებული №1 და №2 დანართებით განსაზღვრულ სამედიცინო დაწესებულებებში მოხვედრილი პაციენტები;

·       ნებისმიერ სამედიცინო დაწესებულებაში მოხვედრილი პაციენტი პნევმონიის დიაგნოზით, ან ცხელებით მიმდინარე შემთხვევა, თუ ამავდროულად აღენიშნება რესპირატორული დაავადების ნიშნები, ან ექიმის გადაწყვეტილებით მხოლოდ ცხელების და/ან სხვა საეჭვო კლინიკური ნიშნების მქონე პირები;

·       საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის ბრძანებით განსაზღვრულ ამბულატორიულ დაწესებულებებში მოხვედრილი ცხელებით მიმდინარე შემთხვევა, თუ ამავდროულად აღენიშნება რესპირატორული დაავადების ნიშნები, ან ექიმის გადაწყვეტილებით მხოლოდ ცხელების და/ან სხვა საეჭვო კლინიკური ნიშნების მქონე პირები;

·       საერთაშორისო სატვირთო გადაზიდვების განმახორციელებელი ავტოსატრანსპორტო საშუალებების მძღოლები (გარდა ტრანზიტისა);

·       კომერციული სარგებლის მიღების მიზნით ჩატარებული კვლევები;

12. იმ ლაბორატორიების მიერ, რომლებიც რეგისტრირებულნი არიან სახელმწიფო პროგრამის პჯრ ტესტირების მომსახურების მიმწოდებლებად, მე-9 მუხლის მე-11 პუნქტით გათვალისწინებული ჯგუფების ტესტირება ნებადართულია მხოლოდ პულირების (დაჯგუფების) მეთოდით და პჯრ ტესტირების მომსახურების ღირებულება ანაზღაურდება მე-4 მუხლის „გ.ბ.გ“ და „გ.ბ.დ“ ქვეპუნქტების შესაბამისად;

 

თანხმობის შემთხვევაში ჯანდაცვას გადავუგზავნი.

 

პატივისცემით

 

ხვიჩა