მოგესალმებით,

გაცნობებთ, რომ გუშინ დავესწარი შტაბის შეხვედრას.

შეხვედრაზე აღინიშნა, რომ კოვიდდადასტურებულ და სიმპტომიან პაციენტებზე ოჯახის ექიმების რეაგირების პროცესში გამოიკვეთა შემდეგი ხარვეზები:

• ოჯახის ექიმები, "112"-ის მიერ გადაცემულ ქეისებს დროულად არ იღებენ მართვაში, შესაბამისად კოვიდდასტურებულ პაციენტს შესაძლოა 24 სთ-ის განმავლობაში არ გაეწიოს საჭირო კონსულტაცია.
• 112-ის ბაზაში საშედეგო ინფორმაციას არ მიუთითებენ დროულად, შესაბამისად დაგვიანებით ისახება/ ან არ არსებობს ინფორმაცია პაციენტის მიმართ განხორციელებული ქმედების შესახებ (დარჩა ბინაზე, გადაყვანილ იქნა კლინიკაში თუ კოვიდ სასტუმროში.)
• დაფიქსირდა ფაქტები, როდესაც ოჯახის ექიმს მითითებული ჰქონდა რომ საქმე აიღო მართვაში და გაუწია კონსულტაცია, თუმცა რეალურად არ დაურეკავთ პაციენტთან.
• ზოგიერთი ოჯახის ექიმი პაციენტთან დაფარული ნომრით ახდენს კომუნიკაციას, შესაბამისად პაციენტები ვერ ახერხებენ სიმპტომების გართულების ან სხვა საჭიროების შემთხვევაში ექიმთან უკუკავშირს.
• გამოიკვეთა, რომ ოჯახის ექიმების მცირე რაოდენობა ახდენს რეაგირებას შაბათ-კვირას და ღამის საათებში შესულ შემთხვევებზე.
  გადაწყდა, რომ 112"-ის ჯგუფი ყოველდღიურად, დღის დასაწყისში დაადგენს წინა დღის იმ შეტყობინებებს, რომლებიც ოჯახის ექიმებს მართვაში არ აუღიათ/გაწეული კონსულტაციის შესახებ ინფორმაცია არ მიუთითებიათ და შემდგომი რეაგირებისთვის გადასცემს შტაბს და ჯანდაცვის სამინისტროს.
  
  დღის ბოლოს შეფასდება განხორციელებული რეაგირების შესახებ მონაცემი.
  
  დღეს უკვე გადმოაგზავნეს 9 ოქტომბრის ინფორმაცია. ყველა რეგიონს გამოგიგზავნით ცალცალკე.
  
  გთხოვთ, შესაძლო მოკლე ვადაში გააკეთოთ ყველა შემთხვევაზე რეაგირება და შემატყობინოთ.
  
   
  
  პატივისცემით,
  
   
  
  ლელა წოწორია