ქალბატონო ეკა,
მოგესალმებით! მინდა საქმის კურსში ჩაგაყენოთ ნარკოტიკების ბრუნვაზე მონიტორგინგის ცენტრის შექმნის აუცილებლობის თაობაზე. ამის შესახებ დღეს მქონდა შეხვედრა იუსტიციის მინისტრის მოადგილე ბ-ნ გოჩა ლორთქიფანიძესთან. გაეროს რიგი კონვენციების მიღებამ წევრი ქვეყნებისათვის სავალდებულოა რეგულარული ანგარიშგება ნარკოვითარებაზე. საქართველოში, სხვა ქვეყნებისგან განსხვავებით ჯერჯერობით არ არის ამოქმედებული მონიტორინგის ცენტრი, თუმცა დაავადებათა კონტროლის ცენტრი ევროკავშირის და UNDP-ის ხელშეწყობით უკვე ამზადებს ანგარიშს ამ საკითხზე (South Caucasus Anti-Drug Program (SCAD) პროგრამის ფარგლებში).
იუსტიციის სამინისტროსა და ევროკავშირის ექსპერტების (European Monitoring Centre for Drugs and Drug Addiction) შეფასებით დაავადებათა კონტროლის ცენტრი არის საუკეთესო ადგილი საქართველოს პირობებში, სადაც ამგვარი ერთეული უნდა ჩამოყალიბდეს.ეს ფუნქცია შესაბამისობაში მოდის ცენტრის ორგანულ ფუნქციებთან და სათანადო სამთავრობო გადაწყვეტილებისა და ტექნიკური რესურსის მობილიზების საფუძველზე შესაძლებელი იქნება არსებული საერთაშორისო ვადებულების სრულად დაკმაყოფილება. არსებობს ევროკავშირის მიმდინარე პროექტების ფარგლებში (2020-2023 წლებში) ტექნიკური დახმარების მიღების შესაძლებლობაც-რაც მიმართული იქნება საჭირო კვლევების ჩატარებისა და პერსონალის მობილიზებისკენ. წინასწარი შეფასების ერთეულის ფუნქციონირებისთვის საჭიროა 5 ადამიანი (აქედან 3 დროებით შესაძლოა დაფინანსდეს ევროკავშირის პროექტების მიერ).
საკითხი უაღრესად აქტუალურია, მინდა გთხოვოთ დამატებითი კონსულტაცია ამ თემაზე გადაწყვეტილების მისაღებად, რათა პროცესს მიეცეს შემდგომი მსვლელობა.
პატივისცემით,
თამარ გაბუნია
მინისტრის მოადგილე
Sincerely,
Tamar Gabunia, MD, MPH
Deputy Minister
