From :	Press Of MOLHSA <press@moh.gov.ge>
To :	Press Of MOLHSA <press@moh.gov.ge>
Subject :	მედიამონიტორინგი 17 ივლისი
Cc :	Tea Akhvlediani <takhvlediani@moh.gov.ge>; Zaza Bokhua <zbokhua@moh.gov.ge>; Tamar Barkalaia <tbarkalaia@moh.gov.ge>; Tamar Gabunia <tgabunia@moh.gov.ge>; Giorgi Tsotskolauri <gtsotskolauri@moh.gov.ge>; a.gamkrelidze@ncdc.ge; Kakhaber Dzimistarishvili <kdzimistarishvili@moh.gov.ge>; dtorua@moh.gov.ge; Natia Khmaladze <natkhmaladze@moh.gov.ge>; Avtandil Talakvadze <atalakvadze@moh.gov.ge>; d.khundadze@yahoo.com; worknettbilisi1@gmail.com; Tea Sharashidze <tsharashidze@moh.gov.ge>; Natia Tevdorashvili <ntevdorashvili@moh.gov.ge>; Nino Mamaladze <nmamaladze@moh.gov.ge>; nchanadiri@ssa.gov.ge; Nini Talakhadze <ntalakhadze@moh.gov.ge>; ninomamukashvili@gmail.com; Beka Peradze <bperadze@moh.gov.ge>; lgalumashvili@ssa.gov.ge; igogiava@ssa.gov.ge; mmatiashvili@yahoo.com; Nona Bendeliani <nbendeliani@moh.gov.ge>; Zaal Kapanadze <zkapanadze@moh.gov.ge>; Tinatin Gobronidze <tgobronidze@moh.gov.ge>; Nana Shashiashvili <NShashiashvili@moh.gov.ge>; Naili Shengelidze <nshengelidze@moh.gov.ge>; Gocha Aladashvili <galadashvili@moh.gov.ge>; Tamari Sarishvili <tsarishvili@moh.gov.ge>; tako.sarishvili@gmail.com; tatasturuaa@gmail.com; Tinatin Khardziani <tkhardziani@moh.gov.ge>
Received On :	17.07.2020 08:47
Attachments :	მედიამონიტორინგი 17 ივლისი.doc

მედიამონიტორინგი 17 ივლისი

ტელევიზია

პრემიერ-მინისტრმა ფინანსთა მინისტრს დაავალა, მიზნობრივი სოციალური დახმარების მიმღებთა სია კიდევ ერთხელ გადაიხედოს

16.07.2020

მედია საშუალებები: იმედი - ქრონიკა 14:00

Link: 16.07.2020 - იმედი - ქრონიკა 14:00

გიორგი გახარიამ ფინანსთა მინისტრს იმ სოციალური ჯგუფების სიის გადახედვა დაავალა, რომლებიც სახელმწიფოსგან დახმარებას იღებენ. ამის შესახებ პრემიერ-მინისტრმა მთავრობის სხდომის დაწყებამდე განაცხადა. მისი თქმით, პანდემიის გავლენა ქვეყნის ეკონომიკაზე წლის ბოლომდე იქნება შესამჩნევი, ამიტომ სახელმწიფომ გარკვეული ჯგუფების დასახმარებლად დამატებითი რესურსი უნდა მოიძიოს. „კიდევ ერთხელ ვნახოთ მიზნობრიობის სახით რისი გაკეთება შეუძლია სახელმწიფოს, იმისთვის რომ ჩვენს მოქალაქეებს სოციალურად კიდევ ერთხელ დავეხმაროთ. მიუხედავად ყველა იმ შედარებით პოზიტიური ტენდენციისა, რომელსაც დღეს ქართული ეკონომიკა აჩვენებს, რა თქმა უნდა პანდემიის შოკის ზემოქმედება ჩვენს ეკონომიკაზე, როგორც მინიმუმ წლის ბოლომდე გაგრძელდება. ამიტომ, ჩვენ შეძლებისდაგვარად კიდევ ერთხელ უნდა გადავამოწმოთ ყველა სოციალური ჯგუფი და სადაც განსაკუთრებული აუცილებლობა არსებობს, მოვიზიდოთ რესურსები, იმისთვის რომ ჩვენს მოქალაქეებს დავეხმაროთ“, - განაცხადა პრემიერმა.

---

ევროკავშირი-საქართველოს ბიზნეს საბჭოს ორგანიზებით ეკონომიკის, ფინანსთა და ჯანდაცვის სამინსიტროების წარმომადგენლები ბიზნესის წარმომადგენლებს შეხვდენენ

16.07.2020

მედია საშუალებები: ფორმულა - ფორმულა ნიუს 12:00

Link: 16.07.2020 - ფორმულა - ფორმულა ნიუს 12:00

ევროკავშირი-საქართველოს ბიზნეს საბჭოს ორგანიზებით ეკონომიკის, ფინანსთა და ჯანდაცვის სამინსიტროების წარმომადგენლები ბიზნესის წარმომადგენლებს შეხვდენენ. მხარეებმა ბიზნესისს განვითარების გეგმები და კრიზისიდან გამოსვლის შესაზლებლობები განიხილეს. შეხვედრას "აწარმოე საქართველოში" დირექტორი, საბჭოს წევრი კომპანიების წარმოამდგენლები და ხელმძღვანელებიც ესწრებოდნენ. "მიმოვიხილავთ ეკონომიკაში მიმდინარე მოვლენებს, რომელსაც გეგმავს საქართველოს ხელისუფლება,"-განაცხადა გენადი არველაძემ.

---

ანტისანიტარია, უმძიმესი პირობები და გაუმართავი ინფრასტრუქტურა

16.07.2020

მედია საშუალებები: ტვ პირველი - პირველები 17:00

Link: 16.07.2020 - ტვ პირველი - პირველები 17:00

ანტისანიტარია, უმძიმესი პირობები და გაუმართავი ინფრასტრუქტურა სამედიცინო დაწესებულებებში. სახალხო დაცველის კვლევა, რომელიც 16 მუნიციპალიტეტში ჩატარდა 70 სოფლის ამბულატორიაში არსებულ ვითარებას აღწერს. დასკვნაში რომელიც დღეს გასაჯაროვდა ადასტურებს რომ ანტისანიტარიის გარდა ე.წ სოფლის ექიმებს მუშაობა მიზერულ ხელფასზე უწევთ. კიდევ ერთ გამოწვევად რჩება ინტერნეტი. ექიმებს არ ეძლევათ საშუალება პაციენტის მონაცემები ეიყვანონ ბაზაში და მათ თავად ნახონ პაციენტის ისტორია. ჯანდაცვის მინისტრის მოადგილე ჩვნთან საუბარიშ ამბობს რომ ეს პრობლემები მათთვის ცნობილია და უკვე ერთი წელია საკითხზე დაწყებულია მუშაობა. "უკვე დასრულებულაი 350 სოფლის ამბულატორიის რმონტი, ინფრასტრუქტურის სამინისტრომ აქტიურად იმშავა ამ მიმართულებით და მომავალი წლიდან იგეგმება 400-მდე შენობის აშენება რეაბილიტაცია", - თამარ გაბუნია.

---

რა ეშველება ხალხს ვინც კორონა პანდემიამ უმუშევარი დატოვა და ამ დრომდე დაუსაქმებელია?

16.07.2020

მედია საშუალებები: ტვ პირველი - პირველები 17:00

Link: 16.07.2020 - ტვ პირველი - პირველები 17:00

რა ეშველება ხალხს ვინც კორონა პანდემიამ უმუშევარი დატოვა და ამ დრომდე დაუსაქმებელია? პრემიერი გახარია აანონსებს რომ ეკონომიკური კრიზისი წლის ბოლომდე გაგრძელდება და მთავრობა სოციალურ დახმარებებს კიდევ ერთხელ გასცემს. პრემიერის წუხილი და გამოსავალი მოქალაქეების წინასააღჩევნოდ მოსყიდვის მცდელობად აღიქვეს ოპოზიციაში. "საქართველოს ხელისუფლება მოექცა ბოროტად და უნამუსოდ საკუთარ მოქალაქეებს, როდესაც ყველაზე მძიმე დროს არ გაუწია პანდემიით დაზარალებულ მოქალაქეებს დახმარება ", რომან გოცირიძე. პრემიერ-მინისტრმა ფინანსთა სამინისტროს დაავალა ვისაც სახელმწიფოს მხრიდან სოციალური დახმარება უკვე გაეწია, მდგომარეობა კიდევ ერთხელ გადაიხედოს და დახმარების გასაწევად დამატებითი ფინანსები მოიძიოს.

---

17.07.2020

მედია საშუალებები: I არხი - მოამბე 09:00

Link: 17.07.2020 - I არხი - მოამბე 09:00

მიუხედავად იმისა, რომ დღეს დაფიქსირდა კორონავირუსის ორი შემთხვევა, სადაც არ ვიცით წყარო, საქართველოში ეპიდსიტუაცია არის დამაკმაყოფილებელი, – ამის შესახებ ჯანდაცვის მინისტრმა, ეკატერინე ტიკარაძემ განაცხადა. „ჩვენთვის ცნობილია, რომ წყაროების დადგენას სჭირდება გარკვეული დრო. ეპიდსიტუაციიდან გამომდინარე, გვაქვს იმის რესურსი, რომ მოხდეს წყაროს დადგენა. ის, რომ საქართველოში ვირუსი არ ფიქსირდება, ამის თქმა, რა თქმა უნდა, არ შეგვიძლია, ვინაიდან გვაქვს 108 აქტიური შემთხვევა. ჯერ კიდევ, თუნდაც საზღვრიდან შემოსული მძღოლების შემთხვევაში, გყავს დაავადებული ადამიანების გარკვეული რიცხვი. აქედან გამომდინარე, ვრჩებით რეჟიმში, როდესაც ვაკვირდებით და გვაქვს მუდმივი მონიტორინგი ვირუსის გავრცელებასთან დაკავშირებით“,- აღნიშნა მინისტრმა. მისივე თქმით, „ამ მონაცემების მიხედვით, რისკი იმისა, რომ საქართველოში მეორე ტალღა განვითარდეს, არ არის“. „თუმცა, ვირუსის თვისებიდან გამომდინარე და გამომდინარე იქიდან, თუ რა ეპიდვითარებაა ჩვენს მეზობელ ქვეყნებსა და ასევე მსოფლიოში, რა თქმა უნდა, იმის რისკი, რომ შეიძლება საქართველოშიც გვქონდეს ვირუსის რისკის ზრდა, ჩვენ გვაქვს. შესაბამისად, ამისთვის ვამზადებთ ჰოსპიტალურ სექტორს. ვაძლიერებთ მას იმისთვის, რომ შეძლონ ვირუსის და პაციენტების შესაბამისი მართვა“,- განაცხადა ტიკარაძემ.

---

17.07.2020

მედია საშუალებები: იმედი - ქრონიკა 09:00

Link: 17.07.2020 - იმედი - ქრონიკა 09:00

ეპიდვითარება და სწავლის დაწყების თარიღი

---

ეკატერინე ტიკარაძე: დღევანდელი ეპიდსიტუაციიდან გამომდინარე სწავლის გადადების რისკი არ არსებობს

17.07.2020

მედია საშუალებები: მაესტრო - ახალი ამბები 10:00

Link: 17.07.2020 - მაესტრო - ახალი ამბები 10:00

„დღევანდელი ეპიდსიტუაციიდან გამომდინარე, რისკი იმისა, რომ გავცეთ რეკომენდაცია და არ დაიწყოს სწავლა, არ არსებობს, - ამის შესახებ ჯანდაცვის მინისტრმა, ეკატერინე ტიკარაძემ განაცხადა. მისი თქმით, მნიშვნელოვანია, დააკვირდნენ, რა ვითარება იქნება შემოდგომაზე და უკვე კონკრეტულად, სწავლის დაწყების თარიღისთვის მიიღონ დამატებითი გადაწყვეტილებები. „ამ მიმართულებით ჩვენ ვმუშაობთ განათლების სამინისტროსთან ერთად, რომელიც თავის მხრივ მუშაობს სასწავლო დაწესებულებებთან ერთად. დღევანდელი ეპიდსიტუაციიდან გამომდინარე, რისკი იმისა, რომ გავცეთ რეკომენდაცია და არ დაიწყოს სწავლა, არ არსებობს, თუმცა მნიშვნელოვანია, დავაკვირდეთ ეპიდვითრებას, რა ვითარება იქნება შემოდგომაზე და უკვე კონკრეტულად, სწავლის დაწყების თარიღისთვის მივიღოთ დამატებითი გადაწყვეტილებები“, - აღნიშნა მინისტრმა.

---

სასწავლო წელი შესაძლოა შერეული მოდელით დაიწყოს და ძალაში დარჩეს ონლაინ-სწავლება

17.07.2020

მედია საშუალებები: მაესტრო - ახალი ამბები 11:00

Link: 17.07.2020 - მაესტრო - ახალი ამბები 11:00

სასწავლო წელი შესაძლოა შერეული მოდელით დაიწყოს და ძალაში დარჩეს ონლაინ-სწავლებაც - აცხადებს ჯანდაცვის მინისტრის მოადგილე. ერთი მნიშვნელოვანი მოდელი, რომელზეც ჩვენ ვფიქრობთ და გლობალურად აღიარებულია, ეს იქნება შერეული მოდელი, რომელიც გარკვეულწილად ონლაინ სწავლებას და გარკვეულწილად საკლასო სწავლებას ითვალისწინებს, - ამის შესახებ ჟურნალისტებს ჯანდაცვის მინისტრის მოადგილემ, თამარ გაბუნიამ სასწავლო პროცესის განახლებაზე საუბრისას განუცხადა. მისივე თქმით, შესაბამისი რეკომენდაციები უახლოეს პერიოდში გამოქვეყნდება. „დღევანდელი ეპიდემიოლოგიური სიტუაციიდან გამომდინარე, იმის საფუძველი, რომ ჩვენ სწავლის დაწყებისთვის მოსალოდნელ რისკებზე ვიფიქროთ, არ არსებობს, თუმცა, მომზადება მიდის იმისთვის, რომ სასკოლო გარემო იყოს მაქსიმალურად ეპიდემიოლოგიურად უსაფრთხო. რეკომენდაციები დასრულდება ამ დღეებში და გამოქვეყნდება სკოლებთან დაკავშირებით. ერთი მნიშვნელოვანი მოდელი, რომელზეც ჩვენ ვფიქრობთ და გლობალურად აღიარებულია, ეს იქნება შერეული მოდელი, რომელიც გარკვეულწილად ონლაინ სწავლებას და გარკვეულწილად საკლასო სწავლებას ითვალისწინებს. ამდენად, ამ ორი მეთოდის ბალანსირებული გამოყენებით, ვფიქრობ, შესაძლებელი იქნება სასკოლო პროცესის უსაფრთხოდ დაწყება და შემდეგ გაგრძელება“, - განაცხადა გაბუნიამ.

---

ჯანდაცვის კომიტეტის სხდომა

17.07.2020

მედია საშუალებები: მაესტრო - ახალი ამბები 11:00

Link: 17.07.2020 - მაესტრო - ახალი ამბები 11:00

ჯანდაცვის კომიტეტი ჯანმრთელობის დაცვის შესახებ კანონში ცვლილებებს განიხილავს. ინიციატივის მიხედვით, მარეგულირებელს სამედიცინო დაწესებულებებში გეგმიურად შესვლის უფლება წელიწადში სამჯერ ექნება. ცვლილებები ექნება ლიცენზირებით ნაწილსაც. კანონპროექტი მეორე მოსმენით განიხილება. ზურაბ ჭიაბერაშვილი:" სამინისტრის არ აინტერესებს სინამდვილეში სამედიცინო მომსახურების ხარისხი და პაციენტის ჯანმრთელობა". თამარ გაბუნია:"შედის ცვლილება ლიცენზირებისა და ნებართვების შესახებ კანონში, რაც გაააქტიურებს ლიცენზიისა და ნებართვის შეჩერების მექანიზმს".

---

ინტერნეტი

სამშობლოში დაბრუნებულ მიგრანტთა სარეინტეგრაციო დახმარების სახელმწიფო პროგრამა დაიწყო

16.07.2020

მედია საშუალებები: კვირა.ჯი

Link: 16.07.2020 - კვირა.ჯი

დასაქმების ხელშეწყობის სახელმწიფო სააგენტოს ინფორმაციით, 16 ივლისის მდგომარეობით, ჯანდაცვის სამინისტროს სარეგისტრაციო პორტალის მეშვეობით სულ დარეგისტრირდა კომპენსაციის მიმღები თვითდასაქმებული 215 826 პირი. მათგან 121 525 პირმა მიიღო 300-ლარიანი კომპენსაცია. სულ გადაირიცხა 36 457 500 ლარი. რაც შეეხება დასაქმებულებს, რომლებიც პანდემიის გამო დაზარალდნენ – მათივე ცნობით, 200 ლარის ოდენობით კომპენსაცია ჩაერიცხა 221 131 პირს. გადარიცხული თანხა შეადგენს 44 426 200 ლარს. აქედან მაისის თვის კომპენსაცია – 14 426 200 ლარი 72 131 პირზე და ივნისის თვის კომპენსაცია – 30 მლნ ლარი 150 000 პირზე. თანხები ეტაპობრივად ირიცხება. “სახელმწიფო კომპენსაციის მისაღებად თვითდასაქმებულთა რეგისტრაციის ვადა 1-ელ აგვისტომდე გახანგრძლივდა. უკვე რეგისტრირებულ პირებსაც ეძლევათ შესაძლებლობა, არასრული/დაუზუსტებელი მიმაგრებული დოკუმენტაცია განაახლონ 2020 წლის 1-ელ აგვისტომდე. ასევე, მთავრობის გადაწყვეტილებით, მოქალაქეების სოციალური დახმარების პროგრამის მიზნობრიობა თვითდასაქმებულების ნაწილში გაფართოვდა და დახმარებით საზღვარგარეთ სეზონურ სამუშაოებზე დასაქმებული ადამიანებიც სარგებლობენ”, – ნათქვამია დასაქმების ხელშეწყობის სახელმწიფო სააგენტოს ინფორმაციაში. მოქალაქეები უნდა დარეგისტრირდნენ ჯანდაცვის სამინისტროს სარეგისტრაციო პორტალზე https://compensation.moh.gov.ge

---

17.07.2020

მედია საშუალებები: რეზონანსი

Link: 17.07.2020 - რეზონანსი

დეპუტატი: „ესაა მინისტრის ხუშტური, რაც ძალიან ბევრი დაგროვდა ჯანდაცვის სექტორში“ მედიკამენტების რეგისტრაციის ვადა 7-დან 15 დღემდე იზრდება. პარლამენტს კანონპროექტი მხოლოდ მესამე მოსმენით დარჩა დასამტკიცებელი. რა იქნება შედეგი და რატომ სურს მთავრობას ბიუროკრატიული ვადების გაზრდა, ეს დამოუკიდებელ დეპუტატს ეჭვს უჩენს. კანონპროექტს არ ეთანხმებიან არც პროფესიულ წრეებში. მათი აზრით, შედეგი წამლებზე ფასის 7-10%-ით ზრდა და ბაზარზე ოლიგოპოლია იქნება. ფარმაცევტთა ასოციაციაში მიიჩნევენ, რომ წამლის რეგისტრაციის ვადების 7 დღიდან 15 დღემდე გახანგრძლივება მედიკამენტების ღირებულებას 7-10%-ით გაზრდის. როგორც ასოციაციის პრეზიდენტმა ლევან გოგიბერიძემ აღნიშნა, მედიკამენტების ფასების ზრდა არ იქნება ისეთი დიდი, როგორიც ეს 30 დღის დადგენის შემთვევაში მოხდებოდა, თუმცა ამ პერიოდსაც ექნება გავლენა ფასებზე. „მედიკამენტების რეგისტრაციის პროცესის გახანგრძლივება, ბუნებრივია, აისახება მედიკამენტების ფასებზე, არა იმ რაოდენობით და არა იმ პროცენტით, რომელიც თავიდან იყო დაგეგმილი და გათვლილი, თუმცა მაინც იქონიებს გავლენას. რაც არ უნდა ვთქვათ, რომ წამალი ბიზნესი არ არის, ჩვენ ვერ გავექცევით ამას. მარჟა სხვადასხვა მედიკამენტზე სხვადასხვაა, იმის მიხედვით, რომელ ჯგუფს განეკუთვნება, თუმცა, საშუალოდ, ალბათ, 7-10%-ით მოხდება მედიკამენტების გაძვირება“, - განაცხადა ფარმაცევტთა ასოციაციის პრეზიდენტმა. ლევან გოგიბერიძე ასევე აღნიშნავს, რომ ამ პროცესმა შესაძლოა, ბაზარზე გარკვეული მედიკამენტების დეფიციტი გამოიწვიოს, თუმცა ვერ აკონკრეტებს, რომელი მიმართულებით შეიძლება, შეიქმნას დეფიციტი. „პანდემიამ თავისი გავლენა იქონია ფარმაცევტულ ბაზარზე, განსაკუთრებით - საწყის ეტაპზე, როდესაც ტრანსპორტირება შეჩერებული იყო და იმპორტი - შეფერხებული. აქედან გამომდინარე, ამან გამოიწვია, გარკვეულწილად, გაძვირება, თუმცა დღეს ექსპორტისა და იმპორტის მიმართულებით რაიმე პრობლემა არ არსებობს“, - აღნიშნა გოგიბერიძემ. პარლამენტში განხილვების ეტაპზევე გამოთქვა ეჭვი დამოუკიდებელმა დეპუტატმა ლევან კობერიძემ. მისი შეფასებით, ეს არის მინისტრის ხუშტური. როგორც დეპუტატი ,,რეზონანსთან“ ამბობს, გაძლიერდა ოლიგოპოლიის საფრთხეც, რაც უკვე არსებობს ფარმაცევტულ ბაზარზე. ,,კარგია, რომ არა 30 დღემდე და მხოლოდ 15 დღემდე იზრდება რეგისტრაციის ვადა, თუმცა მაინც ვერ ვხედავ ლოგიკას. რატომ არ შეიძლება, შეიქმნას ბაზა, სადაც ე.წ. სანდო ქვეყნების კომპანიები დარეგისტირდებიან, აღარ დასჭირდება არანაირი დრო კომპანიას და ბაზარზე ყველანაირი დეფიციტის საფრთხეც აღმოიფხვრება? რასაკვირველია, ჩნდება ბევრი ეჭვი, მათ შორის, ფარმაცევტული ბიზნესის ლობირების, რამაც უკვე შექმნა ბაზარზე ოლიგოპოლია. ბიზნესი ამბობს, რომ 7-დღიანი ვადა აწყობს წამლების რეგისტრაციისთვის. როგორც უკვე არაერთხელ ვთქვი, არგუმენტები არ არსებობს, ამიტომ ესაა მინისტრის ხუშტური, რაც ძალიან ბევრი დაგროვდა ჯანდაცვის სექტორში“, - განაცხადა პარლამენტარმა. ცვლილებები არც არასამთავრობო და პროფესიულ წრეებში მოსწონთ. სამედიცინო სფეროს სპეციალისტი, დოქტორი სერგო ჩიხლაძე ,,რეზონანსთან“ ამბობს, რომ წამლის ფასი ისედაც მუდმივად იზრდება ობიექტური თუ სუბიექტური მიზეზების გამო და საერთოდ გაუგებარია ხელოვნური ბარიერების შექმნა, რომლებიც აუცილებლად მოიტანს ფასის ცვლილებას. ,,თავიდან საერთოდ 30 დღეს ითხოვდნენ მთავრობის წევრები, რაც იქნება სრული კატასტროფა. შემდეგ რაღაცნაირად შეჯერდნენ და საბოლოოდ 15 დღეზე შეთახმდნენ. არც პირვანდელი და არც ეს ვერსია არ არის გამართლებული არაფრით და ვერც ვერავინ ახსნა. ვერ ვხედავთ საჭიროებას და არც არავინ ამბობს ლოგიკურ არგუმენტს. ფაქტია, რომ ბიუროკრატიული ბარიერების გახანგრძლივება გააძვირებს და რაღაც დროით დეფიციტსაც შექმნის კონკრეტულ მედიკამენტებზე, რომლებზეც გაჩნდება მოთხოვნა. ეს არის ზედმეტი ბიუროკრატია. მაშინ, როცა წამლის ფასი ისედაც იზრდება, ობიექტური თუ სუბიექტური მიზეზების გამო, გაუგებარია ასეთი გადაწყვეტილებების მიღება. ეს არაფერს გააუმჯობესებს, ერთადერთი ვარაუდი შეიძლება იყოს, რომ, ნებსით თუ უნებლიეთ, აპირებენ მსხვილი მოთამაშეების უპირატეს მდგომარეობაში ჩაყენებას“, - განუცხადა „რეზონანსს" სერგო ჩიხლაძემ. შეგახსენებთ, „წამლისა და ფარმაცევტული საქმიანობის შესახებ“ კანონში დაგეგმილი ცვლილებების თავდაპირველი ვარიანტის მიხედვით, აღიარებითი რეჟიმით მედიკამენტის რეგისტრაციის ვადა 30 დღემდე იზრდებოდა, პარალელური იმპორტის შემთხვევაში კი 20 დღე იყო მოთხოვნილი. შეთანხმებული ვერსიით, ეს ვადა განახევრებულია და პარლამენტი კანონპროექტს ძალიან მალე დაამტკიცებს.

---

ყარაჯალაში კოვიდ 19-ის არსებობის არ სჯერათ

17.07.2020

მედია საშუალებები: ახალი თაობა

Link: 17.07.2020 - ახალი თაობა

ყარაჯალა კიდევ ერთი სოფელია საქართველოში, სადაც კორონავირუსის არ სჯერათ. ე.წ. ოქროს სტანდარტით ჩატარებული - PCR ტესტით დადგენილია, რომ 10 თვის ბავშვს COVID-19 აქვს, თუმცა ადგილობრივები ფაქტს კატეგორიულად უარყოფენ, მათი არგუმენტია, რომ სოფელში COVID-19-ის არც ერთი დადასტურებული შემთხვევა არ არის გამოვლენილი, არც ჩვილის ოჯახის წვერები არიან ინფიცირებულები. ადგილზე მისულ "კურიერის" გადამღებ ჯგუფს უთხრეს, რომ ბავშვის სიმპტომები კბილის ამოსვლას უკავშირდება. ჩვილის ბებია და პაპა კი ამტკიცებენ, რომ ტემპერატურა, დიარეა და ცხელება ბავშვის მოწამვლამ გამოიწვია. ისინი ექიმების წინააღმდეგ სამართლებრივ ბრძოლას აპირებენ. სოფელ ყარაჯალაში კი პარალელურად ეპიდემიოლოგები ინფიცირების წყაროს და კავშირებს ეძებენ. მედიკოსებმა წყაროს ამ დრომდე ვერ მიაგნეს, 17 კავშირი კი უკვე მოძიებულია. 10 თვის ბავშვი თელავის სამედიცინო ცენტრიდან თბილისში დედასთან ერთად ბავშვთა ინფექციურ საავადმყოფოში გადმოიყვანეს. ექიმების ინფორმაციით, პატარას ვირუსი ნაწლავური ინფექციით და ტემპერატურით დაეწყო, ახლა მისი ჯანმრთელობის მდგომარეობა დამაკმაყოფილებელია. პაციენტის მონაცემები 2-ჯერ PCR ტესტით გადამოწმდა. 16 ივლისს დადასტურდა კიდევ ერთი შემთხვევა, სადაც ასევე უცნობია რა გახდა 72 წლის კაცის ინფიცირების წყარო. ხანში შესული მამაკაცი მცხეთის სამედიცინო ცენტრში ბოქსირებულ განყოფილებაში გადის მკურნალობას. ამ დრომდე მიმდინარეობს პაციენტის კონტაქტების კვლევა. ქვეყანაში ვირუსი ისევ ცირკულირებს, თუმცა ჯანდაცვის მინისტრი ამბობს, რომ დღის განმავლობაში დადასტურებული ერთეული შემთხვევები, რომლის წყაროც უცნობია არ ნიშნავს, რომ ვირუსი უფრო გააქტიურდა, თუმცა თვლის, რომ საყურადღებოა. საქართველოში დღის განმავლობაში ინფიცირებულთა რიცხვი 10-ს არ აღემატება. მათი უმრავლესობა იმპორტირებულია. უკვე 70-ს აღწევს სატვირთო ავტომობილების ინფიცირებული მძღოლების რაოდენობა საქართვლოში, მათ შორის არიან უცხო ქვეყნის მოქალაქეებიც.

---

მთავრობა უცხო ქვეყნის მოქალაქეებს საქართველოდან დისტანციურად მუშაობის შესაძლებლობას სთავაზობს

17.07.2020

მედია საშუალებები: ჯორჯია თუდეი

Link: 17.07.2020 - ჯორჯია თუდეი

ქვეყნის ეტაპობრივი გახსნის სტრატეგიის ფარგლებში, მთავრობის საკოორდინაციო საბჭომ მიიღო გადაწყვეტილება საქართველოში უცხო ქვეყნის მოქალაქეთა სპეციალური რეჟიმით შემოსვლის შესახებ. ეკონომიკის სამინისტროს ინფორმაციით, აღნიშნული პროექტი საქართველოს პრემიერ-მინისტრის ინიციატივითა და დავალებით, ეკონომიკისა და მდგრადი განვითარების სამინისტრომ, ტურიზმის ეროვნულ ადმინისტრაციასთან ერთად მოამზადა და გათვლილია იმ უცხოელებზე, რომლებიც არიან ფრილანსერები (თვითდასაქმებულები); მუშაობენ დისტანციურად ან შეუძლიათ, საკუთარი ბიზნესი მსოფლიოს ნებისმიერი წერტილიდან მართონ. ეკონომიკისა და მდგრადი განვითარების მინისტრის ნათია თურნავას განცხადებით, შემუშავებული პროექტის თანახმად, საქართველოს მთავრობა გამონაკლისის წესით დაუშვებს ყველა ქვეყნის მოქალაქის საზღვრის კვეთას, რომელსაც საქართველოს ტერიტორიაზე მინიმუმ 6 თვით ცხოვრების უფლება ექნება. „ჩვენ ამ მიზნობრივ აუდიტორიას ვიწვევთ საქართველოში და სპეციალური პირობებით ჩვენს ქვეყანაში ცხოვრებას ვთავაზობთ. საქართველოს მსოფლიოში ეპიდემიოლოგიური თვალსაზრისით უსაფრთხო ქვეყნის იმიჯი აქვს და ჩვენ ამ შესაძლებლობის გამოყენება გვინდა - საუბარია საზღვრის გახსნაზე ისე, რომ ერთი მხრივ, მაქსიმალურად დავიცვათ ჩვენი ქვეყნის მოქალაქეთა ჯანმრთელობა, მაგრამ, მეორე მხრივ, საქართველოში შემოვუშვათ უკლებლივ ყველა ქვეყნის მოქალაქე, რომელიც ზემოთხსენებულ კატეგორიას მიეკუთვნება,“ - განაცხადა ნათია თურნავამ. მისი თქმით, პროექტის ფარგლებში შემუშავდა განაცხადების მიღების პლატფორმა, რომლითაც გრძელვადიანი პერიოდით საქართველოში ყოფნის მსურველებს შეეძლებათ, რომ ისარგებლონ. ინიციატივის მიხედვით, გრძელი ვადით შემოსული ვიზიტორის ქვეყანაში შემოსვლისთვის სავალდებულოა სამივე კატეგორიის მოგზაურმა შეავსოს სავალდებულო აპლიკაცია და მიიღოს ქვეყანის საზღვრის კვეთისთვის საჭირო წინასწარი დასტური. აპლიკაციაში პირები წარმოადგენენ პირად ინფორმაციას, ცნობას დამსაქმებლის ან კონტაქტორის შესახებ, წინასწარი დასტურს სავალდებულო 14 დღიანი კარანტინის გავლის თაობაზე და სხვ. მინისტრის განცხადებით, ე.წ. გრძელვადიანი ვიზიტორები 14-დღიანი კარანტინს კომერციული ტარიფით საკუთარი ხარჯით გაივლიან, ასევე განიხილება 6 თვიანი სამოგზაურო დაზღვევის ქონაც. სიახლე სამინისტროს ხელმძღვანელობამ ტურიზმის ეროვნულ ადმინისტრაციასთან ერთად დარგის წარმომადგენლებს გააცნო და დადებითი უკუკავშირიც მიიღო. „ტურიზმის ინდუსტრიისგან ჩვენ პოზიტიური შეფასება მივიღეთ, რაც ძალიან მნიშვნელოვანია,“ - განაცხადა მინისტრმა. ნათია თურნავას განცხადებით, ინიციატივა ხელს შეუწყობს საქართველოში უფრო მეტად მხარჯველუნარიანი ვიზიტორების შემოსვლას. „ეს ადამიანები დიდი ხნით იცხოვრებენ საქართველოში, რაც იმას ნიშნავს, რომ ამით პირდაპირპროპორციულად დავეხმარებით ბინის გაქირავების ბიზნესსაც, რომელიც პანდემიამ ძალიან დააზარალა, ასევე სასტუმროების სექტორს კარანტინის დროს, სარესტორნო ბიზნესს და სხვ. პროექტი ხელს შეუწყობს ასევე ტურისტულ კომპანიებს, ტრანსპორტისა და გიდების სერვისების აქტიურად გამოყენებას, რადგან გრძელვადიანი ვიზიტორები ქვეყანაში მხარჯველუნარიანი ტურისტები იქნებიან,“ - განაცხადა თურნავამ. „ჩვენ პროექტს უახლოეს დღეებში საჯაროდ გამოვიტანოთ განსახილველად, რათა მიზნობრივი ჯგუფების წარმომადგენლებს ჰქონდეთ იმის საშუალება, რომ დაიწყონ აპლიკაციების შევსება, საქართველოში იმოგზაურონ და საკუთარი ბიზნეს საქმიანობა აქედან აწარმოონ,“ - განაცხადა ეკონომიკისა და მდგრადი განვითარების მინისტრმა.

---

კვლევა - რაც უფრო ხშირად იყენებენ ადამიანები საინფორმაციო წყაროებს, მით უფრო მეტ ცოდნას ფლობენ ვირუსთან დაკავშირებული საკითხების შესახებ

17.07.2020

მედია საშუალებები: ჯორჯია თუდეი

Link: 17.07.2020 - ჯორჯია თუდეი

რაც უფრო ხშირად იყენებენ რესპონდენტები საინფორმაციო წყაროებს, მით უფრო მეტ ცოდნას ფლობენ ვირუსთან დაკავშირებული საკითხების შესახებ , - ამის შესახებ COVID 19- ის პანდემიის პირობებში, საქართველოს მოსახლეობის ცოდნის, რისკების აღქმის, პრევენციული ქცევისა და ნდობის მონიტორინგის შედეგებშია ნათქვამი. ამავე კვლევაში აღნიშნულია, რომ არსებობს გარკვეული ნაპრალები რესპონდენტთა ცოდნაში, სამივე ტალღაში. საშუალოდ 27%-ს ან ჰგონია, რომ არსებობს კორონავირუსის სამკურნალო წამალი/ვაქცინა ან არაფერი იცის ამის შესახებ; საშუალოდ მესამედი აცხადებს, რომ არ იცის, გადაეცემა თუ არა ინფექცია ფეკალურ-ორალური გზით, ხოლო კიდევ დაახლოებით 16%-ს ჰგონია, რომ არ გადაეცემა; სამივე ტალღაში უმრავლესობა მიიჩნევს, რომ ჩვილები, 1-5 წლის ბავშვები და ორსული ქალები რისკ-ჯგფებს მიეკუთვნებიან „რაც უფრო იზრდება რესპონდენტთა ასაკი, მით უფრო ვერ ახერხებენ რესპონდენტები სწორი ქცევების განსაზღვრას. სასოფლო ტიპის დასახლებებში ცხოვრება უარყოფით გავლენას ახდენს პრევენციული ზომების შესახებ ინფორმირებულობაზე. ის რესპონდენტები, რომლებიც თვლიან, რომ ვირუსი მათთან ახლოსაა, უკეთ ინფორმირებულები აღმოჩდნენ იმათთან შედარებით, ვინც თვლის, რომ ვირუსი მათგან შორსაა.“, - ნათქვამია მონიტორინგის შედეგებში. კვლევის თანახმად, სამივე ტალღაში რესპონდენტების 90%-ზე მეტი აღნიშნავს, რომ ისინი კორონავირუსით დაინფიცირების პრევენციულ ზომებს ასრულებენ. კვლევა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროსთან შეთანხმებით, ჯანმრთელობის მსოფლიო ორგანიზაციის ევროპის რეგიონული ბიუროს და საქართველოს ოფისის და გაეროს ბავშვთა ფონდის მიერ, ჯანმრთელობის მსოფლიო ორგანიზაციის ევროპის რეგიონული ბიუროს, ევროკავშირის და ბრიტანეთის მთავრობის ფინანსური მხარდაჭერით ჩატარდა. კვლევის სამი ტალღის შედეგად, რომელიც 21 აპრილიდან 15 მაისის პერიოდში, თითოკვირიანი ინტერვალებით ტარდებოდა, საქართველოს 11 რეგიიონის სრულწლოვანი (18 წლის და მეტი) მოსახლეობა გამოიკითხა. თითოეული ტალღა 1000 რესპოდენტს მოიცავდა. შერჩევის ცდომილება მთელი შერჩევისთვის ±3,1%-ია 95%-იანი სანდოობით. ,,იუნისეფი და ჯანდაცვის მსოფლიო ორგანიზაცია აქტიურად თანამშრომლობენ საქართველოს ჯანდაცვის სამინისტროსთან და დაავადებათა კონტროლის ცენტრთან პანდემიასთან ბრძოლის პროცესში,"-ამბობს ღ.ხალილი, იუნისეფის წარმომადგენელი.

---

თბილისის ონკოლოგიური საავადმყოფო მუშაობას რამდენიმე თვით შეაჩერებს

17.07.2020

მედია საშუალებები: საქართველოს რესპუბლიკა

Link: 17.07.2020 - საქართველოს რესპუბლიკა

---