From :	Press Of MOLHSA <press@moh.gov.ge>
To :	Press Of MOLHSA <press@moh.gov.ge>
Subject :	მედიამონიტორინგი 11-12-13 ივლისი
Cc :	Tea Akhvlediani <takhvlediani@moh.gov.ge>; Zaza Bokhua <zbokhua@moh.gov.ge>; Tamar Barkalaia <tbarkalaia@moh.gov.ge>; Tamar Gabunia <tgabunia@moh.gov.ge>; Giorgi Tsotskolauri <gtsotskolauri@moh.gov.ge>; a.gamkrelidze@ncdc.ge; Kakhaber Dzimistarishvili <kdzimistarishvili@moh.gov.ge>; dtorua@moh.gov.ge; Natia Khmaladze <natkhmaladze@moh.gov.ge>; Avtandil Talakvadze <atalakvadze@moh.gov.ge>; d.khundadze@yahoo.com; worknettbilisi1@gmail.com; Tea Sharashidze <tsharashidze@moh.gov.ge>; Natia Tevdorashvili <ntevdorashvili@moh.gov.ge>; Nino Mamaladze <nmamaladze@moh.gov.ge>; nchanadiri@ssa.gov.ge; Nini Talakhadze <ntalakhadze@moh.gov.ge>; ninomamukashvili@gmail.com; Beka Peradze <bperadze@moh.gov.ge>; lgalumashvili@ssa.gov.ge; igogiava@ssa.gov.ge; mmatiashvili@yahoo.com; Nona Bendeliani <nbendeliani@moh.gov.ge>; Zaal Kapanadze <zkapanadze@moh.gov.ge>; Tinatin Gobronidze <tgobronidze@moh.gov.ge>; Nana Shashiashvili <NShashiashvili@moh.gov.ge>; Naili Shengelidze <nshengelidze@moh.gov.ge>; Gocha Aladashvili <galadashvili@moh.gov.ge>; Tamari Sarishvili <tsarishvili@moh.gov.ge>; tako.sarishvili@gmail.com; tatasturuaa@gmail.com; Tinatin Khardziani <tkhardziani@moh.gov.ge>
Received On :	13.07.2020 08:45
Attachments :	მედიამონიტორინგი 11-12-13 ივლისი.doc

მედიამონიტორინგი 11-12-13 ივლისი

ტელევიზია

ჯანდაცვის მინისტრი ჩეხეთის ელჩს შეხვდა

11.07.2020

მედია საშუალებები: იმედი - ქრონიკა 11:00

Link: 11.07.2020 - იმედი - ქრონიკა 11:00

ჯანდაცვის მინისტრი ჩეხეთის ელჩს შეხვდა. მხარეებმა პირველადი ჯანდაცვისა და სოციალური მიმართულებით დაგეგმილი პროექსტები განიხილეს. პირველი პროექტი ჯანდაცვაში ელექტრონული და დისტანციური სერვისების დანერგვას, ამასთანავე პირველადი ჯანდაცვის მიმწოდებლების გადამზადებას ითვალისწინებს. სოციალური მიმართულებით დაგეგმილი პროექტი კი დე-ინსტიტუციონალიზაციის პროცესის დასრულებას ხელს შეუწყობს. თამარ გაბუნია:"მნიშვნელოვანი აქცენტი კეთდება იმაზე, რომ ერთიანი რეფერალის მექანიზმი შეიქმნას და მაღალმთიან რეგიონებშ მცხოვრებ მოსახლეობას იგივე სახის სერვისზე ხემისაწვდომობა ჰქონდეს".

---

ასპინძაში სასწრაფო სამედიცინო დახმარების ახალი შენობა გაიხსნა

11.07.2020

მედია საშუალებები: იმედი - ქრონიკა 14:00

Link: 11.07.2020 - იმედი - ქრონიკა 14:00

სამცხე-ჯავახეთის რეგიონში სასწრაფო სამედიცინო დახმარების ახალი შენობა გაიხსნა. ასპინძის სასწრაფო დახმარების მედპერსონალი მუშაობას ახალ სამუშაო გარემოში გააგრძელებს. საერთაშორისო სტანდარტების შესაბამისი ცენტრი სასწრაფო სამედიცინო დახმარების სპეციფიკის გათვალისწინებითაა დაპროექტებული და ადგილზე პერსონალისთვის სამუშაო და მოსასვენებელი ყველა პირობაა შექმნილი.

Link: 11.07.2020 - მაესტრო - ახალი ამბები 15:00

---

რეკომენდაციების დაცვა

13.07.2020

მედია საშუალებები: ტვ პირველი - საქმიანი დილა TV1

Link: 13.07.2020 - ტვ პირველი - საქმიანი დილა TV1

ბოლო პერიოდში კოვიდინფიცირების რაოდენობა საქართველოში საშიში პროგრესით არ იზრდება. საქართველოში ძირითადად იმპორტირებული დაინფიცირების შემთხვევები ფიქსირდება. გუშინ ინფიცირების 5 შემთხვევა დაფიქსირდა. ამირან გამყრელიძე ადასტურებს, რომ ხუთივე შემთხვევა იმპორტირებული იყო. ვაქციას შქნმნას წლის ბოლომდე ელოდებიან.

---

ჯანდაცვის მინისტრი ჩეხეთის ელჩს შეხვდა

11.07.2020

13.07.2020

მედია საშუალებები: რუსთავი 2 - კურიერი 10:00

Link: 13.07.2020 - რუსთავი 2 - კურიერი 10:00

შრომის კოდექსის ცვლილებებთან დაკავშირებით შემაჯამებელი სხდომა გაიმართება დღეს ჯანდაცვის კომიტეტზე. დეპუტატ დიმიტრი ცქიტიშვილის ავტორობით შემუშავებულ კანონპროექტს უკვე ხვალ რიგგარეშე სესიაზე კენჭი უნდა უყარონ. ანალოგიური პროცედურა ჯერ კიდევ 2 კვირის წინ უნდა გამართულიყო, თუმცა საკითხი დამატებითი განხილვის მიზეზით გადაიდო. კანონპროექტის მიზნად დასაქმებულთა უფლებებისა და დამსაქმებლის მხრიდან ექსპლუატაციისგან დაცვა სახელდება. პარლამენტის დამოუკიდებელი წევრი დიმიტრი ცქიტიშვილი იმედოვნებს, რომ დეპუტატები კანონპროექტს დაამტკიცებენ.

---

ინტერნეტი

ეკატერინე ტიკარაძემ და ჩეხეთის ელჩმა პირველადი ჯანდაცვისა და სოციალური მიმართულებით დაგეგმილი პროექტები განიხილეს

11.07.2020

მედია საშუალებები: ინტერპრესნიუს.ჯი

Link: 11.07.2020 - ინტერპრესნიუს.ჯი

ჩეხეთის რესპუბლიკა და განვითარების სააგენტო საქართველოში პირველადი ჯანდაცვის გაძლიერების ხელშეწყობისა და ალტერნატიული სოციალური სერვისების განვითარების მიზნით ორ პროექტზე მუშაობს. ამის შესახებ ინფორმაციას ჯანდაცვის სამინისტრო ავრცელებს. მათივე ცნობით, პირველადი ჯანდაცვისა და სოციალური მიმართულებით დაგეგმილი პროექტები ჯანდაცვის სამინისტროში, მინისტრ ეკატერინე ტიკარაძესა და ჩეხეთის ელჩს შორის გამართულ შეხვედრაზე განიხილეს. როგორც სამინისტროში განმარტავენ, პროექტი პირველად ჯანდაცვაში ელექტრონული და დისტანციური სერვისების დანერგვას, ამასთანავე პირველადი ჯანდაცვის მიმწოდებლების გადამზადებას ითვალისწინებს. მინისტრის პირველი მოადგილე, თამარ გაბუნია აღნიშნავს, რომ პირველადი ჯანდაცვის სექტორის გაძლიერების ახალი ეტაპი იწყება. მისივე თქმით, აღნიშნული არამხოლოდ ინფექციური დაავადებების მართვის ხელშეწყობას გულისხმობს, არამედ მოხდება არაგადამდები დაავადებების მართვის გაუმჯობესება და პრევენციული პრაქტიკის გაძლიერება. „აქცენტი კეთდება კიბოს სკრინინგზე, ასევე იმაზე, რომ შეიქმნას ერთიანი რეფერალი პირველადი ჯანდაცვისა და მეორეული დონის სამსახურების ერთმანეთთან დაკავშირებისთვის, რათა მაღალმთიან რეგიონებში მცხოვრებ მოსახლეობას ჰქონდეს იგივე ხარისხის სერვისზე წვდომა, რაც არის ცენტრალურ ქალაქებში. ამის საშუალებას მოგვცემს ტელემედიცინის სერვისების განვითარება“, - აღნიშნავს თამარ გაბუნია. ჩეხეთის რესპუბლიკის საგანგებო და სრულუფლებიანი ელჩი საქართველოში პეტერ მიკისკა განმარტავს, რომ აღნიშნულ პროექტებთან დაკავშირებით სულ მალე სამინისტროსთან მემორანდუმიც გაფორმდება. „მინისტრთან ერთად ორი პროექტი განვიხილეთ, რომელსაც ჩეხეთის რესპუბლიკა და განვითარების სააგენტო აფინანსებს. თითოეული პროექტი დაახლოებით 1 მილიონი ევროს ღირებულებისაა. ფოკუსირება ხდება პირველადი ჯანდაცვის გაძლიერებისა და ასევე, შშმ პირებისთვის სოციალური სერვისების განვითარების კუთხით. პირველადი ჯანდაცვის გაძლიერების ხელშეწყობის პროექტის იმპლემენტაცია გარკვეულწილად უკვე დაწყებულია. კორონავირუსის ეპიდემიის პერიოდში მოხდა სოფლის ექიმების გადამზადება, მაგრამ, რა თქმა უნდა, პროგრამა ბევრად ფართოა და ის პირველადი ჯანდაცვის მთლიან სექტორს მოიცავს. მეორე პროექტი შშმ პირებისთვის ალტერნატიული სერვისების მიწოდებას ისახავს მიზნად. აღნიშნული პროექტი იმ პირებს, ვინც დიდ ინსტიტუციებში ცხოვრობენ საოჯახო ტიპის გარემოს შესთავაზებს და მათი ცხოვრების ხარისხს მკვეთრად გააუმჯობესებს“, - აღნიშნავს დიპლომატი. შეხვედრას სამინისტროს სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ხელმძღვანელიც ესწრებოდა. მერი მაღლაფერიძემ ხაზი გაუსვა სოციალური მიმართულებით დაგეგმილი პროექტის მნიშვნელობას და განმარტა, რომ აღნიშნული დეინსტიტუციონალიზაციის პროცესის საბოლოოდ დასრულებას შეუწყობს ხელს.

Link: 11.07.2020 - ექსპრესნიუს.ჯი

Link: 11.07.2020 - აქცენტნიუს.ჯი

Link: 11.07.2020 - ინტერპრესნიუს.ჯი

Link: 11.07.2020 - აიპრეს.ჯი

---

თამარ გაბუნია: ჯანდაცვის სექტორის გაძლიერების ახალი ეტაპი იწყება

11.07.2020

Link: 11.07.2020 - პია.ჯი

ჩეხეთის რესპუბლიკა და განვითარების სააგენტო საქართველოში პირველადი ჯანდაცვის გაძლიერების ხელშეწყობისა და ალტერნატიული სოციალური სერვისების განვითარების მიზნით ორ პროექტზე მუშაობს. ამის შესახებ საქართველოს ჯანდაცვის სამინისტროში აცხადებენ. უწყების ინფორმაციით, პირველადი ჯანდაცვისა და სოციალური მიმართულებით დაგეგმილი პროექტები ჯანდაცვის სამინისტროში, მინისტრ ეკატერინე ტიკარაძესა და ჩეხეთის ელჩს შორის გამართულ შეხვედრაზე განიხილეს.პროექტი პირველად ჯანდაცვაში ელექტრონული და დისტანციური სერვისების დანერგვას, ამასთანავე პირველადი ჯანდაცვის მიმწოდებლების გადამზადებას ითვალისწინებს. მინისტრის პირველი მოადგილე, თამარ გაბუნია აღნიშნავს, რომ პირველადი ჯანდაცვის სექტორის გაძლიერების ახალი ეტაპი იწყება. მისივე თქმით, აღნიშნული არამხოლოდ ინფექციური დაავადებების მართვის ხელშეწყობას გულისხმობს, არამედ მოხდება არაგადამდები დაავადებების მართვის გაუმჯობესება და პრევენციული პრაქტიკის გაძლიერება. „აქცენტი კეთდება კიბოს სკრინინგზე, ასევე იმაზე, რომ შეიქმნას ერთიანი რეფერალი პირველადი ჯადაცვის და მეორეული დონის სამსახურების ერთმანეთთან დაკავშირებისთვის, რათა მაღალმთიან რეგიონებში მცხოვრებ მოსახლეობას ჰქონდეს იგივე ხარისხის სერვისზე წვდომა, რაც არის ცენტრალურ ქალაქებში. ამის საშუალებას მოგვემს ტელემედიცინის სერვისების განვითარება“, - აღნიშნავს თამარ გაბუნია. ჩეხეთის რესპუბლიკის საგანგებო და სრულუფლებიანი ელჩი საქართველოში პეტერ მიკისკა განმარტავს, რომ აღნიშნულ პროექტებთან დაკავშირებით სულ მალე სამინისტროსთან მემორანდუმიც გაფორმდება. „მინისტრთან ერთად ორი პროექტი განვიხილეთ, რომელსაც ჩეხეთის რესპუბლიკა და განვითარების სააგენტო აფინანსებს. თითოეული პროექტი დაახლოებით 1 მილიონი ევროს ღირებულებისაა. ფოკუსირება ხდება პირველადი ჯანდაცვის გაძლიერების და ასევე შშმ პირებისთვის სოციალური სერვისების განვითარების კუთხით. პირველადი ჯანდაცვის გაძლიერების ხელშეწყობის პროექტის იმპლემენტაცია გარკვეულწილად უკვე დაწყებულია. კორონავირუსის ეპიდემიის პერიოდში მოხდა სოფლის ექიმების გადამზადება, მაგრამ რა თქმა უნდა პროგრამა ბევრად ფართოა და ის პირველადი ჯანდაცვის მთლიან სექტორს მოიცავს. მეორე პროექტი შშმ პირებისთვის ალტერნატიული სერვისების მიწოდებას ისახავს მიზნად. აღნიშნული პროექტი იმ პირებს, ვინც დიდ ინსტიტუციებში ცხოვრობენ საოჯახო ტიპის გარემოს შესთავაზებს და მათი ცხოვრების ხარისხს მკვეთრად გააუმჯობესებს“, - აღნიშნავს დიპლომატი. შეხვედრას სამინისტროს სსიპ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს ხელმძღვანელიც ესწრებოდა. მერი მაღლაფერიძემ ხაზი გაუსვა სოციალური მიმართულებით დაგეგმილი პროექტის მნიშვნელობას და აღნიშნა, რომ აღნიშნული დეინსტიტუციონალიზაციის პროცესის საბოლოოდ დასრულებას შეუწყობს ხელს.

---

დევნილთა სააგენტოში საერთაშორისო დაცვის მქონე პირთა ინტეგრაციის ცენტრი იწყებს ფუნქციონირებას

11.07.2020

მედია საშუალებები: ინტერპრესნიუს.ჯი

Link: 11.07.2020 - ინტერპრესნიუს.ჯი

დევნილთა, ეკომიგრანტთა და საარსებო წყაროებით უზრუნველყოფის სააგენტოში ფუნქციონირებას საერთაშორისო დაცვის მქონე პირთა ინტეგრაციის ცენტრი იწყებს. ამის შესახებ ინფორმაციას ჯანდაცვის სამინისტრო ავრცელებს. ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კამპანიის - „ერთი თვე სამინისტროსთან ერთად“ ფარგლებში, ეკატერინე ტიკარაძე ინტეგრაციის ცენტრის მუშაობას გაეროს ლტოლვილთა უმაღლესი კომისარიატის საქართველოს წარმომადგენლობის ხელმძღვანელ კემლინ ფურლესთან ერთად გაეცნო. როგორც სამინისტროში აცხადებენ, ცენტრში საერთაშორისო დაცვის მქონე პირები შეისწავლიან ქართულ ენას, გაეცნობიან მოქმედი კანონმდებლობის საბაზისო პრინციპებს, ქვეყნის მოკლე ისტორიასა და კულტურულ თავისებურებებს, რაც ხელს შეუწყობს მათი შემდგომი ინტეგრაციის პროცესს. „ამასთან, საერთაშორისო დაცვის სტატუსის მქონე პირებს იმ სახელმწიფო პროგრამების შესახებაც გაუწევენ კონსულტაციებს, რომლებსაც მათ საქართველო ჯანმრთელობის, სოციალური დაცვის, განათლებისა და დასაქმების მიმართულებით სთავაზობს. ინტეგრაციის ცენტრის არსებობა საქართველო-ევროკავშირის ასოცირების შესახებ შეთანხმების ფარგლებში ნაკისრ ვალდებულებას წარმოადგენდა, რომელიც წარმატებით შესრულდა. ცენტრი 2017 წელს გაიხსნა, 2020 წლიდან კი მის მუშაობას დევნილთა, ეკომიგრანტთა და საარსებო წყაროებით უზრუნველყოფის სააგენტო უზრუნველყოფს“, - ნათქვამია ინფორმაციაში.

Link: 11.07.2020 - ექსპრესნიუს.ჯი

Link: 11.07.2020 - პია.ჯი

Link: 11.07.2020 - აიპრეს.ჯი

---

პაატა იმნაძე - მადლობა ყველა მოქალაქეს, ვინც ამ „კორონიან“ სამყაროში, თავისი ქცევით, ჩვენი ქვეყანა ოაზისად აქცია

11.07.2020

მედია საშუალებები: ექსპრესნიუს.ჯი

Link: 11.07.2020 - ექსპრესნიუს.ჯი

ორი დღით ვიყავი ბათუმში, მართლა გაოცებული ვარ იმ უდიდესი სითბოსა და პატივისცემის გამო, რომელიც უამრავი უცნობი ადამიანისაგან მივიღე ამ ორი დღის განმავლობაში, - ამის შესახებ დაავადებათა კონტროლის ეროვნული ცენტრის ხელმძღვანელის მოადგილე, პაატა იმნაძე სოციალურ ქსელში წერს. პაატა იმნაძე მადლობას უხდის მოქალაქეებს კორონავირუსის საწინააღმდეგო პრევენციული ზომების დაცვისთვის. "ორი დღით ვიყავი ბათუმში, საკონსტიტუციო სასამართლოში, საჩივრები იხილებოდა საგანგებო მდგომარების გამოცხადების გარშემო, ახლა ამაზე მეტს არაფერს ვიტყვი, მაგრამ, მართლა გაოცებული ვარ იმ უდიდესი სითბოსა და პატივისცემის გამო, რომელიც უამრავი უცნობი ადამიანისაგან მივიღე ამ ორი დღის განმავლობაში. „მადლობა ყველაფრისთვის“ – ეს ის სიტყვებია, რაც სულ მესმოდა. მეც მადლობას ვუხდიდი მათ. მადლობა ყველა მოქალაქეს, ვინც ამ „კორონიან“ სამყაროში, თავისი ქცევით, ჩვენი ქვეყანა მართლა ოაზისად აქცია. ჩვენ ჩვენი საქმე გავაკეთეთ, მაგრამ ჩვენი ხალხის ბრძნული მოქმედების გარეშე არაფერი გამოვიდოდა. სამწუხაროდ, იმ თბილ და მადლიერ ადამიანებს ვერც მოვნიშნავ (სახელებიც კი არ ვიცი), ვინც მადლობას მიხდიდა, კიდევ ერთხელ მადლობა მათ“, – წერს პაატა იმნაძე.

---

ასპინძაში სასწრაფო სამედიცინო დახმარების ახალი შენობა გაიხსნა

11.07.2020

მედია საშუალებები: ინტერპრესნიუს.ჯი

Link: 11.07.2020 - ინტერპრესნიუს.ჯი

სამცხე-ჯავახეთის რეგიონში საგანგებო სიტუაციების კოორდინაციისა და გადაუდებელი დახმარების ცენტრის ახალი შენობა გაიხსნა. ამის შესახებ ინფორმაციას ჯანდაცვის სამინისტრო ავრცელებს. მათი ცნობით, დღეიდან, ასპინძის სასწრაფო დახმარების მედპერსონალი მუშაობას ახალ სამუშაო გარემოში გააგრძელებს. ახალი შენობა საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, ავთანდილ თალაკვაძემ, სამცხე-ჯავახეთში სახელმწიფო-რწმუნებულ ბესიკ ამირანაშვილთან და ასპინძის მუნიციპალიტეტის მერ როსტომ მაგრაქველიძესთან ერთად გახსნა. ჯანდაცვის სამინისტროს ინფორმაციით, საერთაშორისო სტანდარტების შესაბამისი ცენტრი სასწრაფო სამედიცინო დახმარების სპეციფიკის გათვალისწინებითაა დაპროექტებული და ადგილზე პერსონალისთვის სამუშაო და მოსასვენებელი ყველა პირობაა შექმნილი. სამინისტროში აცხადებენ, რომ ამ დრომდე, ასპინძის სასწრაფო სამედიცინო დახმარების მედპერსონალი ძველ შენობაში იყო განთავსებული, სადაც თანამშრომლებისთვის შესაბამისი პირობები არ არსებობდა. უწყების ცნობით, რეგიონებში საგანგებო სიტუაციების კოორდინაციისა და გადაუდებელი დახმარების ცენტრის უკვე 23 ახალი ადმინისტრაციული შენობაა გახსნილი და ამჟამად კიდევ 30 ცენტრის მშენებლობა მიმდინარეობს. „საგანგებო სიტუაციების კოორდინაციისა და გადაუდებელი დახმარების ცენტრისთვის ადმინისტრაციული შენობებით უზრუნველყოფის პროექტს რეგიონული განვითარებისა და ინფრასტრუქტურის სამინისტრო ადგილობრივი თვითმმართველობის ორგანოებთან ერთად ახორციელებს. პროექტი ქვეყანაში გადაუდებელი დახმარების ხარისხის გაუმჯობესებას ისახავს მიზნად“ , - ნათქვამია ინფორმაციაში.

Link: 11.07.2020 - ესქეინიუს.ჯი

Link: 11.07.2020 - პია.ჯი

Link: 11.07.2020 - ექსპრესნიუს.ჯი

Link: 11.07.2020 - კვირა.ჯი

Link: 11.07.2020 - აიპრეს.ჯი

---

BBC: “როგორ დაეხმარა “სამი მუშკეტერი” საქართველოს ვირუსის წინააღმდეგ ბრძოლაში“ არ არის შეკვეტილი სტატია

11.07.2020

მედია საშუალებები: აიპრეს.ჯი

Link: 11.07.2020 - აიპრეს.ჯი

სიმართლეს არ შეესაბამება ვარაუდი, რომ სტატია სახელწოდებით, „როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში“, შეკვეთილია, – ამის შესახებ „ბიბისის“ პრესსამსახურის ინფორმაციაშია აღნიშნული. facebook sharing button twitter sharing button messenger sharing button whatsapp sharing button საუბარია პარტია „გირჩის“ ლიდერის, ზურაბ ჯაფარიძის 7 ივლისის განცხადებაზე, „რომ „ბიბისიზე“ უკვეთავენ სტატიებს, როგორ გადაარჩინა ქვეყანა სამმა მუშკეტერმა“. ამასთან დაკავშირებით, საქართველოს პირველმა არხმა კითხვით მიმართა „ბიბისის“, საიდანაც პასუხი დღეს მიიღო. „სიმართლეს არ შეესაბამება ვარაუდი, რომ ეს სტატია შეკვეთილია. მართალია, ვებგვერდ BBC.COM-ზე რეკლამა ქვეყნდება, თუმცა „ბიბისი ნიუსი” და მიმდინარე ამბები ვერ იქნება დასპონსორებული. ჩვენ არ ვიღებთ პოლიტიკურ რეკლამას. ისევე როგორც „ბიბისი ნიუსის” მთელი კონტენტი, ეს სტატია არის ჟურნალისტიკის დამოუკიდებელი და მიუკერძოებელი ნაწილი, რომელიც შეესაბამება ჩვენს მტკიცე სარედაქციო წესებს”, – აცხადებენ „ბიბისის“ პრესსამსახურში. შეგახსენებთ, ბრიტანულმა მაუწყებელმა „ბიბისი“-მ ქართველი ეპიდემილოგების შესახებ სტატიას გამოაქვეყნა სათაურით – „როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში“. სადაც აღნიშნულია, რომ 3,7 მილიონიანი მოსახლეობის მქონე ქვეყანაში „კოვიდ-19“-ის ათასზე ნაკლები შემთხვევაა რეგისტრირებული, გარდაცვლილია 15 ადამიანი. როგორც სტატიაშია ნათქვამი, პანდემიაზე წარმატებული რეაგირების მართვისთვის აქებენ სახელმწიფო მეცნიერთა ჯგუფს, რომლესაც „სამი მუშკეტერი“ უწოდეს.

---

დევნილთა და ეკომიგრანტთა სააგენტო კიდევ 126 ეკომიგრანტ ოჯახს სახლებს შეუსყიდის

12.07.2020

მედია საშუალებები: ინტერპრესნიუს.ჯი

Link: 12.07.2020 - ინტერპრესნიუს.ჯი

დევნილთა, ეკომიგრანტთა და საარსებო წყაროებით უზრუნველყოფის სააგენტო სახლს კიდევ 126 ეკომიგრანტი ოჯახისთვის შეისყიდის. ამის შესახებ „ინტერპრესნიუსს“დევნილთა და ეკომიგრანტთა სააგენტოდან აცნობეს. მათი ინფორმაციით, ეკომიგრანტი ოჯახების განსახლების საკითხების მარეგულირებელმა კომისიამ 317 განაცხადი, კრიტერიუმების შესაბამისად, განიხილა და 126 სახლის შესყიდვის თაობაზე დადებითი გადაწყვეტილება მიიღო. „აღნიშნულ ოჯახებს, საქართველოს ნებისმიერ რეგიონში, საცხოვრებელი ფართის შერჩევისთვის ერთთვიანი ვადა ეძლევათ. სააგენტო სტიქიური მოვლენების შედეგად დაზარალებულ ოჯახებს სახლსა და საკარმიდამო მიწის ნაკვეთს, 25 000 ლარის ფარგლებში, შეუსყიდის. 2020 წლის ბოლომდე, სააგენტო, ჯამში, უსაფრთხო გარემოში სტიქიური მოვლენების შედეგად დაზარალებულ 180 ოჯახს განასახლებს“,-აღნიშნულია ინფორმაციაში.

მედია საშუალებები: კვირა.ჯი

Link: 12.07.2020 - კვირა.ჯი

ავსტრიული საზოგადოებრივი მაუწყებლის ბეჭდური გამოცემა “ORF Nachrichten” სტატიას აქვეყნებს საქართველოს, როგორც კორონავირუსის წინააღმდეგ ბრძოლაში განსაკუთრებულად წარმატებული ქვეყნის შესახებ. სტატიის ავტორი აღნიშნავს, რომ ინფიცირების მაღალი მაჩვენებლის ქვეყნებით გარშემორტყმული სამხრეთ კავკასიის პატარა სახელმწიფო ერთგვარი კუნძულია, რომელმაც ვირუსის წინააღმდეგ შემუშავებული ბრძოლის სტრატეგიით სახელი გაითქვა. „საქართველომ ყველას დაუმტკიცა, რომ სწრაფი რეაგირება, დისციპლინა და მკაცრი ქმედებები (ზოგჯერ არცთუ ისე პოპულარული) კოვიდ-ვირუსის წინააღმდეგ ბრძოლაში წარმატების რეცეპტია“, – ნათქვამია სტატიაში. ავტორი აღნიშნავს, რომ ვირუსთან ბრძოლაში წარმატებული ქმედებების გამო საქართველომ არაერთი გავლენიანი საერთაშორისო გამოცემა თუ ანალიტიკური ცენტრი (BBC, ამერიკული და ბრიტანული ანალიტიკური ცენტრები) დააინტერესა, რომლებმაც ქვეყნის მაგალითი ამომწურავად შეისწავლეს. მათივე დასკვნით, გარდა ქმედითი ნაბიჯებისა, რომლებიც საქართველოს მთავრობამ ქვეყანაში ვირუსით ინფიცირების პირველივე შემთხვევის აღმოჩენისთანავე გადადგა, დიდი როლი ითამაშეს ე.წ. სამმა მუშკეტერმა – დაავადებათა კონტროლის ცენტრის დირექტორმა ამირან გამყრელიძემ, ლუგარის კვლევითი ცენტრის ხელმძღვანელმა პაატა იმნაძემ და ვირუსოლოგმა თენგიზ ცერცვაძემ, რომლებმაც დაავადებათა კონტროლის ცენტრთან ერთად ერთობლივი სტრატეგია შეიმუშავეს. პუბლიკაციაში ასევე ნათქვამია, რომ საქართველოს მთავრობა მკაცრად აკონტროლებდა დაწესებული შეზღუდვების აღსრულებას. მათი დარღვევის შემთხვევაში კერძო პირებს, ისევე როგორც კომპანიებს ჯარიმები ეკისრებოდა. ავტორი აღნიშნავს, რომ მთავრობის მიერ მიღებული გადაწყვეტილებები მოსახლეობაში ყოველთვის პოპულარობით არ სარგებლობდა, თუმცა მოქალაქეთა დიდი ნაწილი მთავრობის მოწოდებას დაემორჩილა და სახლში დარჩა. ავტორი ყურადღებას ქართულ მართლმადიდებლურ ეკლესიასაც უთმობს და წერს, რომ ის ღვთისმსახურებას კარანტინის დროსაც აგრძელებდა. სტატიის დასასრულს კი ნათქვამია, რომ საქართველო საერთაშორისო ტურისტების მიღების აღდგენას 1-ლი ივლისიდან გეგმავდა, თუმცა ამ თარიღმა გადაიწია, რადგან ქვეყანა სიფრთხილეს იჩენს.

Link: 12.07.2020 - კომერსანტ.ჯი

Link: 12.07.2020 - ფორ.ჯი

---

ვინ და როგორ იმარჯვებს უკონკურენტოდ ტენდერებში

13.07.2020

მედია საშუალებები: ბიპიენ.ჯი

Link: 13.07.2020 - ბიპიენ.ჯი

ბოლო დროს აშშ-ის საკანონმდებლო ორგანო სულ უფრო ხშირად მიგვითითებს ქვეყანაში კორუფციის რისკების არსებობაზე, თუმცა ხელისუფლება პასუხად ამბობს, რომ საქართველოს პოზიციები საერთაშორისო რეიტინგებში მხოლოდ გაუმჯობესდა და შესაბამისად, როგორ შეიძლება ქვეყანა, ერთი მხრივ, მიმზიდველი იყოს ბიზნესის, გლობალური კონკურენტუნარიანობის ან თუნდაც ეკონომიკური თავისუფლების ინდექსის თვალსაზრისით და, მეორე მხრივ, კორუფციაში იფლობოდეს. რამდენიმე თვის წინ საქართველოში ანტიკორუფციული რეფორმების სტაგნაციაზე მიუთითებდა "საერთაშორისო გამჭვირვალობა - საქართველოს" ბერლინის ბიუროც, რომელმაც კორუფციის აღქმის ინდექსი გამოაქვეყნა და თქვა, რომ საქართველოში გასულ წელს, 2018-თან შედარებით, მაჩვენებლები ორი ქულით გაუარესდა. ოფიციალურ სტატისტიკას თუ ჩავხედავთ, რომელიც საქართველოს ყველა საგამოძიებო ორგანოს მიერ რეგისტრირებულ დანაშაულს აღრიცხავს, 2020 წლის იანვარ-მაისში ქვეყანაში მოხდა 224 სამოხელეო დანაშაული და აქედან 4% გაიხსნა. შარშანდელ იმავე პერიოდში ეს მაჩვენებელი 7% იყო (248 შემთხვევა). ამ სტატისტიკაში ერთი საგულისხმო მონაცემია. მართალია, წინა წელთან შედარებით ოდნავ შემცირებულია სამსახურებრივი უფლებამოსილების ბოროტად გამოყენების ფაქტები, მაგრამ გაზრდილია გადამეტება; შემცირებულია ქრთამის აღება, მიცემა და სამსახურებრივი გულგრილობა, სამაგიეროდ, მთელი 1400%-ით(!) არის გაზრდილი სხვა კატეგორიის სამოხელეო დანაშაული, მათ შორის ბრალდებულის სისხლისსამართლებრივი პასუხისმგებლობისგან უკანონოდ გათავისუფლება, ჩვენების მიცემის იძულება, სამეწარმეო საქმიანობაში უკანონო მონაწილეობა, ზეგავლენით ვაჭრობა, კანონით აკრძალული საჩუქრის მიღება და სხვა. საგანგებოდ და გამარტივებულად "საერთაშორისო გამჭვირვალობა - საქართველომ" შეისწავლა სახელმწიფო შესყიდვები საგანგებო მდგომარეობის პერიოდში. აღმოჩნდა, რომ საგანგებო მდგომარეობის დროს გამოცხადდა 1495 ელექტრონული ტენდერი, ჯამურად 557 მლნ ლარის ღირებულების. გამართული ტენდერების ნახევარზე მეტში ერთი მიმწოდებელი მონაწილეობდა.2019 წლის იმავე პერიოდთან შედარებით, ტენდერების რაოდენობა თითქმის ორჯერ შემცირდა. ასევე შემცირდა კონკურენციაც.საგანგებო მდგომარეობის პერიოდში გამარტივებული შესყიდვის გზით 127,2 მლნ ლარის ღირებულების 11 316 კონტრაქტი გაფორმდა. აქედან 57 მლნ ლარი გადაუდებელი აუცილებლობის საფუძვლით, ხოლო 29,2 მლნ ლარი სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების საფუძვლით დაიხარჯა. შესყიდვის დაჩქარებისთვის ამ საფუძვლების გამოყენებას კანონი უშვებს, მაგრამ პრობლემაა მათი ხშირი გამოყენება და შერჩეული მიმწოდებლის კავშირი სახელისუფლებო პარტიასთან. "ქართული ოცნებისა" და სალომე ზურაბიშვილის შემომწირველებთან დაკავშირებულმა კომპანიებმა საგანგებო მდგომარეობის დროს პირდაპირი შესყიდვის გზით მიიღეს 45 მლნ ლარამდე ღირებულების კონტრაქტები (პირდაპირი შესყიდვებით დახარჯული თანხის 35%). კვლევაში განხილული 21 შესყიდვა სახელისუფლებო პარტიის შემომწირველებსა და მოგებულ კონტრაქტებს შორის კავშირზე მიუთითებს. არის ისეთი შესყიდვებიც, როცა მიმწოდებელს კონტრაქტი თანხის შეწირვიდან რამდენიმე დღეში გაუფორმეს...კვლევაში ვკითხულობთ, რომ მთავრობის ადმინისტრაცია, სახელმწიფო უსაფრთხოების სამსახური, შინაგან საქმეთა სამინისტრო და შსს-ს დაქვემდებარებული ზოგიერთი უწყება არ აქვეყნებს გამარტივებული შესყიდვების კონტრაქტებს. ინფორმაცია გამჭვირვალე არ არის, რაც ართულებს ანალიზსა და კორუფციული რისკების გაკონტროლებას. თითო პრეტენდენტი 580 ტენდერში ბესო ნამჩავაძე, "საერთაშორისო გამჭვირვალობა - საქართველოს" უფროსი ანალიტიკოსი: "საქართველოში კორონავირუსით ინფიცირების პირველი ფაქტი 2020 წლის 26 თებერვალს დადასტურდა, საგანგებო მდგომარეობა კი 21 მარტს გამოცხადდა. გაჩნდა განსაზღვრული საქონლისა და მომსახურების შეძენის გადაუდებელი აუცილებლობა. ასეთ შემთხვევაში შემსყიდველს უფლება აქვს გამარტივებული (პირდაპირი) შესყიდვების წესით ისარგებლოს. ჩვენ შევისწავლეთ სახელმწიფო შესყიდვები 21 მარტიდან 22 მაისამდე. პირდაპირი შესყიდვის გამოყენების საფუძვლად შემსყიდველები ყველაზე ხშირად გადაუდებელ აუცილებლობას ასახელებდნენ. ამ საფუძვლით დახარჯული 57 მლნ ლარი მთლიანი დანახარჯის თითქმის 45%-ია. გამარტივებული შესყიდვის გზით ყველაზე მეტი თანხა (24,4 მლნ ლარი) ჯანდაცვასთან დაკავშირებულ საქონელსა და მომსახურებაზე დაიხარჯა, მეორე ადგილზეა სასტუმროების მომსახურების შეძენა (23,6 მლნ). აღსანიშნავია საკვებ პროდუქტებსა და სასმელებზე დახარჯული 15,3 მლნ, აგრეთვე სანიტარიულ მომსახურებასა და ჰიგიენურ საშუალებებზე დახარჯული 1,4 მლნ ლარი. სასტუმროებს საკარანტინო სივრცედ ისე ქირაობდნენ, რომ შერჩევის კონკრეტული კრიტერიუმები არ არსებობდა. სასტუმროს ზოგადი მოთხოვნები უნდა დაეკმაყოფილებინა, მაგალითად, როგორიც არის ადგილმდებარეობა და პრიორიტეტი ენიჭებოდა აეროპორტებსა და სასაზღვრო-გამშვებ პუნქტებთან ახლომდებარე ობიექტებს; ასევე მჭიდროდ დასახლებული ადგილებისგან მოშორებით მდებარე ობიექტებს. მნიშვნელოვანი კრიტერიუმი იყო სავენტილაციო სისტემა - სასტუმროს ნომრებს უნდა ჰქონოდა ცენტრალური ან ინდივიდუალური გათბობა-გაგრილების ისეთი სისტემა, რომელიც არ ითვალისწინებს ოთახებს შორის ჰაერის ცირკულაციას. სასტუმროების დაქირავება საგანგებო მდგომარეობის გამოცხადებამდე დაიწყო. საგანგებო მდგომარეობის გამოცხადებამდე სასტუმროების საკარანტინო სივრცეებად დაჯავშნისას სასტუმროს ნომრის ღირებულება ყოველ ჯერზე მოლაპარაკების საგანს წარმოადგენდა. 2020 წლის 21 მარტიდან კი ახალი სასტუმროების საკარანტინო სივრცეებად დაჯავშნისას პროექტში ჩართული ყველა სასტუმროსთვის ერთიანი ტარიფი ამოქმედდა - მაქსიმუმ 100 ლარი 1 ნომრის ღირებულება. 21 მარტი-22 მაისის პერიოდში გამარტივებული შესყიდვების გზით ყველაზე მეტი - 19,9 მლნ ლარი ტურიზმის ეროვნულმა ადმინისტრაციამ დახარჯა. თბილისის სატრანსპორტო კომპანიამ 10,4 მლნ ლარი დახარჯა, საიდანაც 10 მლნ-მდე მოდის სატრანსპორტო საშუალებების შეკეთებისა და ტექნიკური მომსახურების შესყიდვაზე. თბილისის მერიას დაქვემდებარებულმა კიდევ ერთმა სამსახურმა - ტრანსპორტის განვითარების სააგენტომ 7,7 მლნ ლარი დახარჯა გამარტივებული შესყიდვების გზით, საიდანაც 6 მლნ ლარამდე სატრანსპორტო მოწყობილობებისა და სათადარიგო ნაწილებისთვის დაიხარჯა. ჯანდაცვის სამინისტრომ საგანგებო მდგომარეობის პერიოდში პირდაპირი შესყიდვით 9,4 მლნ ლარი დახარჯა, აქედან 8,2 მლნ სამედიცინო მოწყობილობებზე, ხოლო 1 მლნ - ფარმაცევტულ პროდუქტებზე. 190 ათასი დაიხარჯა საჰაერო ტრანსპორტის მომსახურებაზე. სულ საგანგებო მდგომარეობის დროს გამოცხადდა 1495 ელექტრონული ტენდერი, რომელთაგან 328 შეწყდა, არ შედგა ან უარყოფითი შედეგით დასრულდა. შემდგარი ტენდერების ჯამური ღირებულება 557 მლნ ლარია. შესყიდვის საშუალებად შემსყიდველები, ძირითადად, ირჩევდნენ ელექტრონულ ტენდერს, აუქციონის გარეშე. ასეთ ტენდერში წინადადების ღირებულების წარდგენა ერთხელ შეიძლება, ფასების კლება ვაჭრობის დამატებით რაუნდებში არ ხდება. ეს შესყიდვის საშუალება 2016 წლიდან არსებობს, რომლის მიზანიც დამატებით რაუნდებში ფასის მნიშვნელოვანი კლების თავიდან აცილებაა, რათა ეს მისაწოდებელი საქონლისა და მომსახურების ხარისხის გაუარესების ხარჯზე არ მოხდეს.ჩვენი ყურადღება იმან მიიქცია, რომ ყოველი მეორე ელექტრონული ტენდერი კონკურენციის გარეშე გაიმართა. 974-დან 580 ტენდერში მხოლოდ ერთი პრეტენდენტი მონაწილეობდა. აქედან 400-მდე ტენდერში გამარჯვებული უკვე გამოვლინდა, დანარჩენი გადაწყვეტილების მიღების პროცესშია. ჯამში 235 მლნ ლარი განაწილდა ისეთი ტენდერებით, რომლებშიც მხოლოდ ერთი პრეტენდენტი მონაწილეობდა, რაც ტენდერების ჯამური თანხის 54%-ია". "საკომპენსაციო კონტრაქტები" სასტუმროებისთვის?! კვლევაში ცალკეა გამოყოფილი შესყიდვები, რომლებმაც ყურადღება სხვადასხვა საეჭვო გარემოების გამო მიიქცია. ძირითადად, ეს მმართველი პარტიის და მისი საპრეზიდენტო კანდიდატის, სალომე ზურაბიშვილის შემომწირველების სახელმწიფო შესყიდვებში მონაწილეობას უკავშირდება. "საერთაშორისო გამჭვირვალობა - საქართველოს" მიერ შესწავლილი კონტრაქტებიდან გამოვლინდა, რომ "ქართული ოცნების" შემომწირველებთან დაკავშირებულმა 25-მა კომპანიამ საგანგებო მდგომარეობის დროს გამარტივებული შესყიდვით ჯამში 45 მლნ ლარამდე ღირებულების 68 კონტრაქტი მიიღო (პირდაპირი შესყიდვებით დახარჯული თანხის 35%). ამ 25 კომპანიის მფლობელებმა 2016-2020 წლებში "ქართულ ოცნებას" ჯამში 2,3 მლნ ლარზე მეტი შესწირეს. მაგალითად, შპს "ყვარლის ედემის" მფლობელებმა და დირექტორმა 2020 წლის 20 და 23 მარტს "ქართულ ოცნებას" ჯამში 65.000 ათასი ლარი შესწირეს, რამდენიმე დღეში კი საქართველოს ტურიზმის ეროვნული ადმინისტრაციისგან გამარტივებული შესყიდვის გზით 277.300-ლარიანი კონტრაქტი მიიღეს. სასტუმროს 2013-2019 წლებში 400.000 ლარის ღირებულების გამარტივებული სახელმწიფო შესყიდვის კონტრაქტები აქვს გაფორმებული, თუმცა აქამდე ერთი კონტრაქტით მაქსიმუმ 76.000 ლარი ჰქონდა მიღებული. "ყვარლის ედემთან" დაკავშირებულ პირებს 2019-2020 წლებში "ქართული ოცნებისთვის" სულ 235.000 ლარი აქვთ შეწირული. საქართველოს ტურიზმის ეროვნულმა ადმინისტრაციამ პირდაპირი შესყიდვის გზით კომპანია შპს "ბაკურიანი ინს" სასტუმროს საკარანტინო სივრცედ გამოყენების მიზნით 21 მარტს 675.740 ლარის, ხოლო 19 მაისს 257.072 ლარის ღირებულების კონტრაქტი გაუფორმა. 3 მარტს და 12 მაისს "სასტუმრო "ივერია ინმა" ტურიზმის ადმინისტრაციისგან პირდაპირი შესყიდვის გზით ჯამში 1,9 მლნ ლარის ღირებულების ორი კონტრაქტი მიიღო. 25 მარტს ტურიზმის ეროვნული ადმინისტრაციისგან პირდაპირი შესყიდვით შპს "რენესანს კონსტრაქშენმა" 88.740-ლარიანი კონტრაქტი მიიღო. 13 მარტს ტურიზმის ადმინისტრაციამ პირდაპირი შესყიდვის გზით შპს სასტუმრო "გუდაური ინს" სასტუმროს საკარანტინო სივრცედ გამოყენების მიზნით 700.620-ლარიანი, ხოლო 12 მაისს - 176,246 ლარიანი კონტრაქტი გაუფორმა... აღნიშნულ ოთხ სასტუმროს ერთმანეთთან ის აკავშირებს, რომ ოთხივეში წილის მფლობელია პაატა კოკაია, რომელმაც 2018 წლის ოქტომბერში სალომე ზურაბიშვილს 55.000 ლარი შესწირა. საგანგებო მდგომარეობის დროს პაატა კოკაიას კუთვნილმა სასტუმროებმა ჯამში 3,8 მლნ ლარამდე ღირებულების კონტრაქტები მიიღეს. სახელმწიფო შპს "სახელმწიფო კვებითმა უზრუნველყოფამ" პირდაპირი შესყიდვის გზით სს "თ&რ დისტრიბიუშენიდან" 200.000 ლარამდე ღირებულების სიგარეტი შეიძინა. კონტრაქტები 1-ლ და 23 აპრილს გაფორმდა. 2015-2020 წლებში ამ კომპანიას სულ 875.000 ლარამდე ღირებულების 15 კონტრაქტი აქვს მიღებული პირდაპირი სახელმწიფო შესყიდვით. სს "თ&რ დისტრიბიუშენის" სამეთვალყურეო საბჭოს თავმჯდომარე რაფიელ სურამელაშვილმა 2016-2017 წლებში "ქართულ ოცნებას" 105.000 ლარი შესწირა, კომპანიის საბჭოს წევრმა ნიკა ზაუტაშვილმა ამავე პარტიასა და სალომე ზურაბიშვილს - 130.000 ლარი, კიდევ ერთმა წევრმა და კომპანიის დირექტორმა ზურაბ აღნიაშვილმა კი სხვადასხვა წელს ჯამში 145.000 ლარი გაიღო იმავე სუბიექტების სასარგებლოდ. კომპანია "თ&რ დისტრიბიუშენმა" საკუთარი სახელით 2016-2017 წლებში "ქართულ ოცნებას" 115.000 ლარი შესწირა. ჯამში ამ კომპანიამ და მასთან დაკავშირებულმა ყველა პირმა ერთად 495.000 ლარი შესწირეს "ქართულ ოცნებასა" და სალომე ზურაბიშვილს. საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ პირდაპირი შესყიდვის გზით შპს "უიკენდისგან" 6 აპრილს 1.329.680 აშშ დოლარის (დაახლოებით 4,2 მლნ ლარის) ღირებულების სამედიცინო მოწყობილობები შეისყიდა. 7 აპრილს კომპანიამ კიდევ ერთი, 20.617-დოლარიანი (დაახლოებით 68.000 ლარის) კონტრაქტი მიიღო. შპს "უიკენდი" პირდაპირი შესყიდვით კონტრაქტებს 2020 წლის აპრილიდან იღებს და ზემოაღნიშნული ორი ხელშეკრულების გარდა, 60.000 ლარამდე ჯამური ღირებულების 23 კონტრაქტი აქვს მიღებული. შპს "უიკენდის" 100%-იანი წილის მფლობელმა და დირექტორმა ბონდო გოლეთიანმა 2018 წელს სალომე ზურაბიშვილს 25.000 ლარი შესწირა.

---

პრესა

ფარმაცევტული კომპანიების არაეთიკური ქმედებების გამო საერთაშორისო კომპანიები საქართველოში წარმომადგენლობებს ხურავენ

13.07.2020

მედია საშუალებები: ბანკები და ფინანსები

Link: 13.07.2020 - ბანკები და ფინანსები

საერთაშორისო ფარმაცევტული კომპანიები საქართველოში წარმომადგენლობებს ხურავენ. ამის შესახებ ფარმაცევტული კომპანიების წარმომადგენელთა ასოციაციის აღმასრულებელმა დირექტორმა, ირაკლი მარგველაშვილმა განაცხადა. მისი თქმით, ბოლო პერიოდში საქართველოს ფარმაცევტული ბაზარზე პირდაპირი წარმომადგენლობა დახურა ისეთმა უმსხვილესმა საერთაშორისო კომპანიებმა როგორიცაა Glaxo, Sandoz, astellas pharma. ირაკლი მარგველაშვილი აცხადებს, რომ ფარმაცევტული ბაზარზე რეგულაციებია საჭირო, რათა არაკეთილსინდისიერი ფარმაცევტული კომპანიების არაეთიკური ქმედებები გაკონტროლდეს. ირაკლი მარგველაშვილის განმარტებით, დღეს ფარმაცევტული პროდუქტების მიმოქცევის დარგში არაეთიკური გარემოა შექმნილი. „საერთაშორისო კომპანიები საქართველოში წარმომადგენლობებს ხურავენ, ანუ ქვეყანაში პირდაპირი წარმომადგენლები მცირდება. ამის მიზეზი არის ის, რომ საერთაშორისო კომპანიების საქმიანობა ნაკლებად კონკურენტულია მარკეტინგული კუთხით. დღემდე გამოწვევად რჩება არაეთიკური მარკეტინგი და არაეთიკური დამოკიდებულება ზოგიერთი ფარმაცევტული კომპანიასა და ჯანდაცვის სპეციალისტებს შორის. პრობლემა იწვევს მედიკამენტების არასწორ დანიშვნასა და არაადეკვატურ გამოწერას, შესაბამისად მნიშვნელოვანად ზარალდებიან ის კომპანიები, რომლებიც კარგ მედიკამენტებს აწარმოებენ. საერთაშორისო კომპანიების პროდუქცია ბაზარზე რჩება, თუმცა, პირდაპირი წარმომადგენლობები აღარ აქვთ. როდესაც კომპანია პირდაპირაა წარმოდგენილი იგი მოქმედებს საერთაშორისო წესებით, კომპანიის სტრატეგიით ხარისხის კონტროლი მიმდინარეობს. კომპანია როდესაც ტოვებს ოფიციალურ წარმომადგენლობას ყველაფერი რჩება საქმიანობის მიღმა. საუბრობენ, რომ მარტო ჩვენთან არ ტოვებენ ბაზარს, მაგრამ ხომ არ გვინდა შეგვადარონ ისეთ ქვეყნებს, რომელთაც ანალოგიური პრობლემები აქვთ, ჩვენ გვინდა რომ წინ წავიდეთ ამიტომ არასწორია შევედაროთ იმ ქვეყნებს სადაც კომპანია ანალოგიური პრობლემების გამო დაიხურა“, – აცხადებს ირაკლი მარგველაშვილი. ფარმაცევტული კომპანიების წარმომადგენელთა ასოციაციის აღმასრულებელი დირექტორი აცხადებს, რომ ქვეყანაში შექმნილი მდგომარეობა ცივილური ფარმაცევტული ბიზნესის განვითარებას აფერხებს. ირაკლი მარგველაშვილის განმარტებით, საერთაშორისო კომპანიები აღარ განიხილავენ საქართველოში საქმიანობის გაგრძელებას, რადგან მათ მინიმალური 5 წლიანი პროგნოზის გაკეთებაც არ შეუძლიათ, შესაბამისად, აღარ ფიქრობენ ქვეყანაში ახალი პროდუქტის შემოტანაზე. მარგველაშვილი იმ გზებზე საუბრობს, რომელის მეშვეობითაც პრობლემის დარეგულირებაა შესაძლებელი. „ეს პრობლემა მთელ მსოფლიოშია. აღსანიშნავია, რომ ჩვენ ჯანდაცვის სამინისტროს სხვადასხვა წინადადებით მივმართეთ, თუმცა, პრობლემა დღემდე მოუგვარებელია. ჩვენს ასოციაციას აქვს საერთაშორისო გამოცდილებაზე აგებული ეთიკის კოდექსი, რომლის შემუშავებაშიც საერთაშორისო ფედერაცია დაგვეხმარა. ეთიკის კოდექს ვიღაც უერთდება ვიღაც არა, დღეს ეს ნებაყოფლობითია. ჩვენი ერთ-ერთი მიზანი იყო, რომ ეს სახელმწიფოს მეშვეობით რეგულაციის დონეზე აგვეყვანა, რათა განგვესაზღვრა რა შეიძლება და რა არა. კიდევ ერთი საკითხი არის ის, რომ მეტად გამჭვირვალე უნდა გახდეს ფარმაცევტული კომპანიების მიერ გაწეული ხარჯები ჯანდაცვის სპეციალისტებისთვის. თუ კომპანია სპეციალისტის განათლებაზე ხარჯავს ფულს და კონგრესზე აგზავნის, აქ დასამალი არაფერია, პირიქით მისასალმებელია, მაგრამ თუ კომპანია სპეციალისტს სულ სხვა მიზნით უხდის თანხას ეს დასასჯელია. შესაბამისად, აქედან გამოსავალი არის ის, რასაც ბევრმა განვითარებულმა ქვეყანამ მიმართა – ხარჯების მეტი გამჭვირვალობა.“, — განაცხადა ირაკლი მარგველაშვილმა. ფარმაცევტული კომპანიების წარმომადგენელთა ასოციაციის აღმასრულებელი დირექტორის თქმით, თემაზე მსჯელობა არ არის აქტიური, რადგან მსჯელობის პროცესში იურიდიულ პრობლემები იკვეთება: „ხარჯების გასაჯაროების დროს ჩნდება იურიდიული პრობლემა, თუ რამდენად დაცულია კონფიდენციალურობა. ჩვენ არ ვითხოვდით, რომ ეს ინფორმაცია საჯარო გამხდარიყო, ვამბობდით რომ ჯანდაცვის სამინსიტროს სცოდნოდა როგორ იხარჯება ამ სფეროში ფული. როდესაც საუბარი იყო რეგულაციებზე კონკრეტულ ნაბიჯებამდე ვერ მივედით, ამაზე საუბარი 2007 წლიდან დავიწყეთ, როდესაც ჩვენი ასოციაცია დაარსდა. საუბარს 13 წლიანი ისტორია აქვს და დღემდე კონკრეტული რაიმე პროექტი, რომლის განვითარებაზეც იქნებოდა მზაობა არ ყოფილა. სახელმწიფო ამ საკითხზე არ თანამშრომლობს“ ,- აცხადებს ირაკლი მარგველაშვილი. ირაკლი მარგველაშვილი განმარტავს, თუ რატომ გაძვირდა მედიკამენტები საგანგებო მდგომარეობის დროს. მისი თქმით, გაძვირება გამოწვეული იყო სატრანსპორტო ღირებულების გაზრდით, რადგან შეზღუდული კომპანიები ახორციელებდნენ სატრანსპორტო მიწოდებებს. ფარმაცევტული კომპანიების წარმომადგენელთა ასოციაციის აღმასრულებელი დირექტორის განცხადებით, საგანგებო მდგომარეობის დროს კიდევ ერთხელ გამოჩნდა ბაზარზე საერთაშორისო ფარმაცევტული კომპანიების არსებობის მნიშვნელობა. „პარალელური იმპორტი საქართველოში ოფიციალურად არის დაშვებული და ამას კანონის ფარგლებში კომპანიები ახორციელებენ, ამის საწინააღმდეგო ჩვენ არაფერი გვაქვს. თუმცა, არის არაკონტროლირებადი პარალელური იმპორტი. მედიკამენტები შემოაქვთ თურქეთიდან, რაც ცალკე განხილვის საკითხია. ყველამ იცის, რომ თურქეთში წამლები არის იაფი და ისმის კითხვა რატომ არ შემოგვაქვს თურქეთიდან? არავინ სვამს კითხვას რატომ არის თურქეთში წამლები იაფი. თურქეთში წამალი იაფი იმიტომაა, რომ პირველი – ეს არის სუბსიდირებული წამლები და ადგილობრივი კომპანიები ახერხებენ ამ წამლების გაყიდვას და მეორე- თურქეთში არის ფიქსირებული გაცვლითი ვალუტის კურსი კვოტირებულ მედიკამენტებზე. ჩვენ როდესაც თურქეთიდან მოგვაქვს მედიკამენტი, იმ ქვეყნის ბიუჯეტს ვაზარალებთ. ამ დროს საქართველოში რა ხდება, ოფიციალური წარმომადგენლობა მედიკამენტის რეალიზებას ვეღარ ახერხებს და მისი კომერციულად არსებობა რეგიონში აღარაა გამართლებული. საგანგებო მდგომარეობის დროს მნიშვნელოვანი რაღაც გამოჩნდა. როდესაც ვსაუბრობთ არარეგულირებულ პარალელურ იმპორტზე, ეს არ არის კონტრაქტის საფუძველზე რეგულარული მოწოდება. ერთხელ ჩამოიტანა, ორჯერ ჩამოიტანა, მაგრამ მესამედ ვერ ჩამოიტანს. ამ შემთხვევაში ვინ ზარალდება? პაციენტი, რადგან წამალი აღარ აქვს, ხოლო ოფიციალური წარმომადგენლობა ქვეყანაში აღარ არის. საგანგებო მდგომარეობის დროს ვერ ხდებოდა მიმოსვლა და მოწოდება ხდებოდა მხოლოდ იმ კომპანიებისგან, რომელებიც კონტრაქტით აწვდიან დისტრიბუტორებს და ცალკეული იმპორტი ვეღარ ხორციელდებოდა“ , – აცხადებს ირაკლი მარგველაშვილი. აღნიშნული პრობლემის შესახებ სახელმწიფო უწყებებს ინფორმაცია დიდი ხანია აქვთ, თუმცა პრობლემის მოსაგვარებლად, ქმედით ნაბიჯი ამ დრომდე არ გადადგმულა. ამის მიზეზი მარგველაშვილის განმარტებით, ქვეყანაში შექმნილი სოციალურ- ეკონომიკური მდგომარეობაა. მისი თქმით სახელმწიფოს უჭირს აკრძალოს გზები, რომელიც ადამიანს აძლევს საშუალებას იაფად შემოტანილი მედიკამენტი იყიდოს. თუმცა მარგველაშვილი აცხადებს იმასაც, რომ აუცილებელია შუალედური გამოსავლის პოვნა, რათა არც ბიზნესის დაზარალდეს და არც მოსახლეობა: „როდესაც ონკოლოგიური პაციენტი მიდის და თურქეთიდან შემოტანილ მედიკამენტს ნახევარ ფასში ყიდულობს ძნელია აუკრძალო ყიდვა, რადგან სახელმწიფო ვერ სთავაზობს ამ ეტაპზე სხვა გამოსავალს. ქრონიკული დაავადებების პროგრამები იყო, საყოველთაო ჯანდაცვის ფარგლებში ბევრი მედიკამენტის მიწოდება ხდებოდა, ბევრი ნაბიჯი გადაიდგა, მაგრამ ეს არ არის საკმარისი მოთხოვნის დასაფარად. მეორეს მხრივ საერთაშორისო კომპანიები როდესაც ქვეყანას ტოვებენ, არც ერთ სფეროში არ არის კარგი. მითუმეტეს მაშინ, როდესაც საქართველო გრანტების სახით შემოსავალს იღებს იმ ქვეყნებიდან, საიდანაც ეს კომპანიები არიან. ავიღოთ გერმანია საფრანგეთი, ეს ქვეყნები ჩვენი განვითარებისთვის ხომ ხარჯავენ ფულს? მადლობელი ვართ მათი, მაგრამ როდესაც კომპანია ქვეყნიდან მიდის არც პოლიტიკურად და არც იმიჯისთვის ეს კარგი არ არის. თუმცა, აქვე უნდა აღინიშნოს სახელმწიფოს მხრიდან გადადგმული ნაბიჯები GMP სტანდარტების შემოღების კუთხით, რაც ჩემი აზრით მამაცური ნაბიჯია. გამოუვალი მდგომარეობა არ არსებობს, როდესაც იქნება აქტიური კომუნიკაცია ყველა დაინტერესებული პირის ჩართულობით პრობლემები მოგვარდება“,- განმარტავს ირაკლი მარგველაშვილი.

---

"პროცესი მინელდა, მაგრამ ყოველთვის შეიძლება მეორე ტალღა დაიწყოს"

13.07.2020

მედია საშუალებები: კვირის პალიტრა

Link: 13.07.2020 - კვირის პალიტრა

მიუხედავად იმისა, რომ ბევრი ქვეყანასავით ინფორმაციულ ვაკუუმში არ ვართ, ეპიდემიასთან დაკავშირებით მაინც უამრავი კითხვა ჩნდება. ამჯერად კითხვებს დაავადებათა კონტროლის ცენტრის დირექტორის მოადგილე პაატა იმნაძე უპასუხებს. - BBC-ის მიერ გავრცელებულ ახალ ვირუსზე - G4 -ზე გკითხავთ. არის საშიშროება, რომ ამ ვირუსმაც პანდემიის სახე მიიღოს? - ჯერ ერთი, არ არის ახალი ეს ვირუსი და საფრთხეც ჯერჯერობით მოსალოდნელი არ გახლავთ. ამასთან, ორი პანდემიის თანხვედრა არარეალურია. - საბოლოოდ დაინგრა მითი, რომ კორონავირუსი სეზონურია? - ჰო, ასეთი პირი უჩანს. ხომ ვხედავთ, რა ხდება მექსიკაში, სადაც ტროპიკებია და ძალიან ცხელა?! სიცხეს ის სიკეთე ახლავს, რომ ფანჯრები ყველგან ღიაა და ყველაფერი ნიავდება, მაგრამ როგორც ხედავთ, ეს ბევრს არაფერს შველის. - როდესაც "კოვიდ 19"-ის არსებობა შევიტყვეთ, ხშირად გვეუბნებოდნენ, ეს ვირუსი უცნობია და მასთან ბრძოლის გამოცდილება არ გვაქვსო. ახლა, როცა გამოცდილება ნაწილობრივ შევიძინეთ, მსოფლიოში კორონავირუსით დაავადებულთა და გარდაცვლილთა რაოდენობა იმატებს. რითი შეგვიძლია ეს ავხსნათ? - ამ ვირუსის მუხანათობა სწორედ ეს არის - ძალიან ადვილად გადადის, ფართოდ ვრცელდება და რაც უფრო მეტი ადამიანი გახდება ავად, მით მეტი შემთხვევა დამთავრდება ფატალურად. ამიტომ არის მთავარი, რომ ვირუსი არ გავრცელდეს. - ვერ მოიძებნა კანონზომიერება, რომლის მიხედვითაც "კოვიდ 19"-ის ქცევა აიხსნება? - კანონზომიერება ის არის, რომ ბევრი რამ ჩვენზეა დამოკიდებული. თუ დავიჯერებთ, რომ ეს არის საფრთხე და მოვიქცევით სათანადოდ, ვირუსთან თანაცხოვრება გამოგვივა. ანუ უნდა ვაკეთოთ უმარტივესი რაღაცები - დახურულ სივრცეში ნიღაბი გვეკეთოს, დავიცვათ დისტანცია ღია სივრცეში, მოვერიდოთ თავყრილობებს და არ დაგვავიწყდეს ხელების ჰიგიენა. ჩვენს მეზობლებთან მთავარი პრობლემა ის იყო, რომ მოსახლეობამ არ დაიჯერა ამ ვირუსის არსებობა. საბედნიეროდ, ჩვენთან ასე არ მოხდა. ჩვენი ეპიდემიოლოგები კლასტერ-კლასტერ დასდევენ კონტაქტებს, კონტაქტის კონტაქტებს და იმის კონტაქტებს... თვითიზოლაცია და კარანტინი გადავიტანეთ - ეს ყველაფერი იყო მიზეზი, რომ გავრცელების მასშტაბი შევამცირეთ. ჩვენთან ყველა ღონისძიება დროულად გატარდა, თადარიგიც დროულად დავიჭირეთ. ფრენების აკრძალვა, კარანტინის შემოღება, კონტაქტების მოძიება, ტესტირება - ამ ყველაფერმა, მოსახლეობის პასუხისმგებლობასთან ერთად, მოიტანა შედეგი. - "ვისწავლოთ ცხოვრება კოვიდთან ერთად" - ჩვენ ეს მოწოდება აღვიქვით, როგორც ხანმოკლე აუცილებლობა, თუმცა ამ მოლოდინს ბოლო ჯერჯერობით არ უჩანს. რამდენ ხანს მოგვიწევს ამ რეჟიმით ცხოვრება? - ჯერჯერობით არ ჩანს ეფექტიანი წამალი, რომელიც უშუალოდ ვირუსზე იმოქმედებს. ვაქცინას რაც შეეხება, გამოჩნდა რამდენიმე, რომლებიც კვლევის მესამე ფაზაშია და შესაძლოა, შემოდგომაზე ბაზარზეც გაჩნდეს. მიმდინარეობს მოლაპარაკებები, რომ თუ ასე მოხდება, ეს ვაქცინა ჩვენც ვიყიდოთ, მაგრამ შიში, რომ ვიღაც ძალით გაგიკეთებთ ამ ვაქცინას, უსაფუძვლოა. ნეტავ, იმას ეყოს, ვისაც ენდომება. - ვაქცინა უფრო ადრე იქნება თუ წამალი? - მეგონა, წამალი უფრო ადრე იქნებოდა, რადგან იყო საიმედო მონაცემები, მაგრამ ჯერჯერობით ისეთი პირი უჩანს, შეიძლება ვაქცინა უფრო ადრე იყოს. არის კიდევ ერთი საიმედო რამ - ანტისხეულები. რამდენიმე კვლევის შედეგად ვარაუდობენ, რომ ანტისხეულები "კოვიდ 19"-ის წინააღმდეგ ეფექტიანი იქნება. - იქნება თუ არა მეორე ტალღა და როდის უნდა ველოდოთ? - მეორე ტალღა რამდენიმე ქვეყანაში, მათ შორის ჩვენს მეზობლადაც, უკვე დაიწყო. ჩვენთან რაც ახლა გვაქვს, ეს მეორე ტალღა არ არის. პროცესი მინელდა, მაგრამ თუ რეკომენდაციებს არ დავიცავთ, ყოველთვის შეიძლება მეორე ტალღა დაიწყოს. - ამბობენ, ჩვენ შედარებით ადვილად იმიტომ გადავიტანეთ პანდემიის პერიოდი, რომ ვირუსი მუტირებული იყოო... - ვირუსის მუტაცია არაფერ შუაშია! კვლევა ჩავატარეთ და დავადგინეთ, რომ ჩვენთან ცირკულირებს ირანული შტამიც, ფრანგულიც, იტალიურიც... - ყველა ქვეყანამ დაადგინა საზღვრის გახსნის რეჟიმი. არის ქვეყნები, რომლებიც ტესტირებისა და კარანტინის გარეშე ხსნიან საზღვრებს. ჩვენთან რა მიგაჩნიათ სწორ გზად ახლა, როცა ტურიზმის გააქტიურების საკითხი დადგა დღის წესრიგში? - ყველაფერი დამოკიდებულია იმაზე, როგორი სიტუაციაა ამა თუ იმ ქვეყანაში. - ყველა ქვეყნიდან ჩამოსულ ტურისტს სხვადასხვა პირობით მივიღებთ? - რა თქმა უნდა, ზოგს კი საერთოდ არ მივიღებთ... - ითქვა, რომ ზღვის წყალი ვირუსის გადადების თვალსაზრისით საშიში არ არის, ოღონდ სანაპიროზე უნდა დავიცვათ დისტანცია. ტბის ან მდინარის წყალი შეიძლება იყოს ვირუსის გადადების მიზეზი? - მტკიცებულება იმისა, რომ კორონავირუსი წყლით გადადის, არ არსებობს, თუმცა პატარა გუბურებში ბანაობა არასდროს არის რეკომენდებული, ზოგადად ინფექციის და არა - კონკრეტულად კორონავირუსის გამო. - ბრძანეთ, რომ თუ რეკომენდაციებს დავიცავთ, შეიძლება მეორე ტალღა აღარც დადგეს... - ზამთრამდე ეს შესაძლებელი იქნება, მაგრამ ზამთარში ვერავინ დადებს პირობას, რომ მეორე ტალღა არ იქნება. იმედია, ზამთრამდე გავუძლებთ. - ველოდოთ, რომ სექტემბერში სასწავლო პროცესი ჩეულებრივად გაგრძელდება? - თუ დღევანდელი დინამიკა შევინარჩუნეთ, მაშინ პრობლემები არ გვექნება.

---