| From : | Giorgi Tsotskolauri <gtsotskolauri@moh.gov.ge> |
| To : | Tinatin Khardziani <tkhadziani@moh.gov.ge> |
| Subject : | FW: ელ.მთავრობის საკითხები_27.09.19 |
| Received On : | 27.09.2019 11:58 |
თიკო შენიშვნა არ მაქვს
From: Natia Khmaladze
Sent: Friday, September 27, 2019 1:01 PM
To: Giorgi Tsotskolauri
Subject:
მოგესალმებით ბატონო გიორგი,
შესათანხმებლად გიგზავნით ელ. მთავრობის პროგრამის საკითხებს:
1. ეკონომიკა 37362 - „ა(ა)იპ „ასოციაცია საქართველოს ეს-ო-ეს ბავშვთა სოფლისათვის“ უსასყიდლო უზუფრუქტის უფლებით გადაეცემა ქალაქ თბილისში, ნუცუბიძის IV მ/რ-ის მიმდებარედ არსებული 42775.00 კვ.მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები, რომელიც გამოყენებული იქნება სოციალური რეაბილიტაციისა და ბავშვზე ზრუნვის სახელმწიფო პროგრამით გათვალისწინებული დედათა და ბავშვთა თავშესაფრების, მცირე საოჯახო ტიპის სახლებისა და დღის ცენტრების ქვეპროგრამის ფარგლებში, ერთდროულად არანაკლებ 75 ბენეფიციარის მომსახურებაზე გათვლილი ცენტრის ფუნქციონირების უზრუნველყოფის მიზნით.
პროექტი შეთანხმდა სოციალურ დეპარტამენტთან, შენიშვნები არ გააჩნია.
2. ეკონომიკა 36508 - საქართველოს შინაგან საქმეთა სამინისტროს სისტემაში დასაქმებულთა წახალისებისა და მოტივაციის გაზრდის მიზნით, ფიზიკურ პირებს პირდაპირი მიყიდვის ფორმით, სიმბოლურ ფასად, 1 ლარად საკუთრებაში გადაეცემათ სახელმწიფო საკუთრებაში არსებული უძრავი ქონება.
პროექტი შეთანხმდა სოციალურ და დევნილთა დეპარტამენტებში, პროექტთან დაკავშირებით შენიშვნები არ გააჩნიათ.
ჩვენი სამინისტროს პოზიცია:
დევნილთა დეპარტამენტის მიერ მოწოდებული ინფორმაციის მიხედვით, დევნილის სტატუსიდან გამომდინარე 4 ფ/პ ოჯახის წევრებთან ერთად უზრუნველყოფილნი არიან გრძელვადიანი განსახლების სხვადასხვა პროგრამებით. (მიღებული აქვთ საკომპენსაციო თანხა, საკუთრებაში გადაცემული აქვთ ქონება)
3. ეკონომიკა 38002 - შპს „კამარა ენერჯის“ აღნაგობის უფლებით, 49 წლის ვადით გადაეცემა, ყაზბეგის მუნიციპალიტეტში, სოფელ სიონში არსებული 16974 კვ.მ. არასასოფლო-სამეურნეო დანიშნულების მიწის ნაკვეთი რაც, სავარაუდოდ, უზრუნველყოფს კომპანიის მიერ მემორანდუმით ნაკისრი ვალდებულების შესრულებას, ჰიდროელექტროსადგურის - „კამარა ჰესის“ აშენების და ექსპლუატაციაში მიღებას.
4. ეკონომიკა 37995 - საქართველოს მთავრობას, შპს „კამარა ენერჯის“, სს „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს შორის დაიდება შეთანხმება შემდეგი პირობებით: წინასამშენებლო ფაზისთვის განსაზღვრული 25-თვიანი ვადის გახანგრძლივდება 50 თვემდე, საიდანაც მემორანდუმის მე-6 მუხლით გათვალისწინებული პერიოდი იქნება 4 თვე, ნაცვლად 2018 წლის 15 ივნისის შეთანხმებით განსაზღვრული 13 თვისა; შეიცვლება ასევე ჰესის ტექნიკური პარამეტრები (მათ შორის, ჰესის სავარაუდო წლიური გამომუშავება განისაზღვრება 63,55 მლნ.კვტ.სთ-ით მოქმედი მემორანდუმით გათვალისწინებული 65,18 მლნ.კვტ.სთ-ის ნაცვლად).
5. განათლება 38012 - სსიპ - სოხუმის სახელმწიფო უნივერსიტეტი გამარტივებული შესყიდვის საშუალებით განახორციელოს ევროკავშირის ერაზმუს + პროექტის - საერთაშორისო გრანტის ASSET-ის „შეფასების ინსტრუმენტები ახალ სასწავლო გარემოში უმაღლეს საგანმანათლებლო დაწესებულებებში“/Assessment Tools for new leasning environments in higher education institutions/ASSET (number 585587-EPP-1-2017-1IL-EPPKA2-CBHE-JP 2018-0030/001-001 საგრანტო პროექტის დაფინანსების) ფარგლებში კომპიუტერული მოწყობილობებისა და აქსესუარების სახელმწიფო შესყიდვას.
6. ეკონომიკა 37992 - საქართველოს მთავრობას, შპს „კამარა ენერჯისა“ და სს „ელექტროენერგეტიკული სისტემის კომერციულ ოპერატორს“ შორის დაიდება შეთანხმება „ნაროვან ჰესი“ ჰიდროელექტროსადგურის შესახებ 2017 წლის 21 მარტს დადებულ ურთიერთგაგების მემორანდუმში ცვლილების შეტანის თაობაზე, რომლის საფუძველზეც, შეიცვლება ელექტროსადგურის ტექნიკური პარამეტრები (მათ შორის, სავარაუდო დადგმული სიმძლავრე შემცირდება 0,6 მგვტ-მდე მემორანდუმის მოქმედი რედაქციით გათვალისწინებული 0,84 მგვტ-ის ნაცვლად); შემცირდება სამშენებლო საბანკო გარანტიის ოდენობა ჰიდროელექტროსადგურის სიმძლავრის პროპორციულად, 42 000 აშშ დოლარიდან 30 000 აშშ დოლარამდე; 27 თვით გაიზრდება სამშენებლო ფაზის ვალდებულებების შესასრულებლად გათვალისწინებული ვადები, კერძოდ, მშენებლობის ნებართვის საფუძველზე მშენებლობის დაწყების ვადა განსაზღვრება მემორანდუმის ხელმოწერიდან 39 თვით (ნაცვლად მემორანდუმის მოქმედი რედაქციით გათვალისწინებული 12 თვისა), ხოლო ჰესის ექსპლოატაციაში მიღების ვადა განსაზღვრება მემორანდუმის ხელმოწერიდან 57 თვით (ნაცვლად მემორანდუმის მოქმედი რედაქციით გათვალისწინებული 30 თვისა).
7. ეკონომიკა 37991 - პროექტის მიხედვით, შპს ენერგოტრანსი გათავისუფლდება დაკისრებული სამშენებლო საჯარიმო თანხის ჯამში 67800 ლარის გადახდისაგან.
8. ეკონომიკა 37959 - „საქართველოს მთავრობას, სს „ელექტროენერგეტიკული სისტემის კომერციულ ოპერატორსა“ და სს „საქართველოს ენერგეტიკის განვითარების ფონდს“ შორის დაიდება შეთანხმება, რომელიც ითვალისწინებს: მემორანდუმის მხარის ცვლილებას, რის შედეგადაც მემორანდუმში სს „საქართველოს ენერგეტიკის განვითარების ფონდს“ ჩაანაცვლებს შპს „ბორჯომჰესი“, მემორანდუმით გათვალისწინებული ვადების 15 თვით გაგრძელებას, რის შედეგადაც წინასამშენებლო ეტაპის ვალდებულებების/სამუშაოების შესასრულებლად განსაზღვრული საბოლოო ვადა 12 თვის ნაცვლად განისაზღვრება მემორანდუმის ხელმოწერიდან 27 თვით. გარდა ამისა, აღნიშნული სამართლებრივი აქტის მიღების შედეგად, ბორჯომის მუნიციპალიტეტის მინერალური წყლის პარკში მდებარე ჰიდროელექტროსადგურის, როგორც ინდუსტრიული მემკვიდრეობის ძეგლის რეაბილიტაციისთვის საჭირო საპროექტო და სამშენებლო სამუშაოების შესყიდვას გააგრძელებს შპს „ბორჯომჰესი“, რომელიც ამ ნაწილშიც ჩაანაცვლებს სს „საქართველოს ენერგეტიკის განვითარების ფონდს“.
9. ეკონომიკა 37958 - ცვლილება შედის „სს „საპარტნიორო ფონდის“ წესდებაში, რომლის მიხედვით, თანხვედრაში იქნება ფონდის ფაქტიური და იურიდიული მისამართი და დაიხვეწება ფონდის საქმიანობასთან დაკავშირებული რიგი საკითხები, რომელიც დაკავშირებულია ,,ელექტრონული მთავრობის‘‘ პროგრამის გამოყენებასთან.
10. გარემო 37957 - „შპს ღვინის ლაბორატორია“ ალკოჰოლურ სასმელებში ნახშირბადის იზოტროპების C12 და C13-ის თანაფარდობის განსაზღვრისათვის, იზოტოპური მას-სპექტომეტრის ერთი კომპლექტის და თანმდევი მომსახურების სახელმწიფო შესყიდვას განახორციელებს გამარტივებული შესყიდვის საშუალებით.
11. საგარეო 37951 - 2019 წლის 3-4 ოქტომბერს ქ. ბათუმში დაგეგმილი ჩრდილოატლანტიკური საბჭოს (NAC) სხდომის გამართვისა და შესაბამისი ღონისძიებების მაღალ დონეზე ჩატარების მიზნით, იქმნება უწყებათაშორისი სამუშაო ჯგუფი, უნივერსალური შემადგენლობით, სადაც წევრის სტატუსით შედის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე.
12. ეკონომიკა 37938 - საქართველოს ეკონომიკისა და მდგრადი განვითარების სამინისტრო, განახორციელებს კომპიუტერული მოწყობილობებისა და აქსესუარების სახელმწიფო შესყიდვას, ელექტრონული ტენდერის საშუალებით.
13. ეკონომიკა 37935 - პროექტის მიხედვით, საქართველოს მთავრობასა და შპს „ბერალი ჰესს“ შორის დაიდება „ბერალი ჰესი“ ელექტროსადგურის მშენებლობის ტექნიკურ-ეკონომიკური განხორციელებადობის კვლევის ჩატარების, ელექტროსადგურის მშენებლობის, ფლობისა და ოპერირების შესახებ ხელშეკრულება.
14. ფინანსები 37877 - საქართველოს ფინანსთა სამინისტრო განახორციელებს დოკუმენტების შესანახი კარადების, მაგიდების და ტუმბოების ელექტრონული ტენდერის საშუალებით სახელმწიფო შესყიდვას.
15. ფინანსები 37876 - საქართველოს ფინანსთა სამინისტრო განახორციელებს სტელაჟების ელექტრონული ტენდერის საშუალებით სახელმწიფო შესყიდვას.
16. გარემო 38031 - სსიპ - გარემოს ეროვნულ სააგენტოს მიეცემა თანხმობა ექსპორტის მიზნით სოჭის გირჩებით სარგებლობისათვის გაცემულ ლიცენზიებს 1 წლით გაუგრძელოს მოქმედების ვადა.
17. ეკონომიკა 37824 - პროექტის მიხედვით, სს ,,საქართველოს ნავთობისა და გაზის კორპორაცია‘‘ უზრუნველყოფს კრიტერიუმების შესაბამისი კომპანიებისათვის (შპს ,,რუსთავის ფოლადი“, შპს ,,ჯეოსთილი“ და შპს ,,ჰაიდელბერგცემენტ ჯორჯია“ აკმაყოფილებენ მითითებულ კრიტერიუმებს) 2019 წლის ოქტომბრიდან 2019 წლის 31 დეკემბრის ჩათვლით 1000 კუბური მეტრი ბუნებრივი გაზის 210 აშშ დოლარის (დღგ-ს, ტრანსპორტირების და განაწილების ხარჯების გარეშე) ექვივალენტური კურსით ეროვნულ ვალუტაში მიწოდებას.
18. ეკონომიკა 37823 - მთავრობასთან თანხმდება, საქართველოს ეკონომიკისა და მდგრადი განვითარების სამინისტროსა და ევროპის რეკონსტრუქციისა და განვითარების ბანკს (EBRD) შორის დასადები შეთანხმების (Waiver Letter) პროექტი ენერგეტიკის სექტორის რეფორმის მხარდაჭერის მიზნით ექსპერტთა საკონსულტაციო მომსახურებასთან დაკავშირებით, რომლის გაფორმების შემდეგ EBRD შეარჩევს ექსპერტთა ჯგუფს, შეთანხმებით გათვალისწინებული პირობების შესაბამისად, საქართველოს ენერგეტიკული სექტორის რეფორმის მხარდაჭერის მიზნით.
19. რეგიონული 37797 - მთავრობასთან თანხმდება, „ანაკლიაში შავი ზღვის ღრმაწყლოვანი ნავსადგურის მშენებლობის, ოპერირებისა და გადაცემის (BOT) შესახებ“ საქართველოს მთავრობასა და შპს „ანაკლიის განვითარების კონსორციუმს“ შორის 2016 წლის 3 ოქტომბერს გაფორმებულ საინვესტიციო ხელშეკრულებაში ცვლილებების შეტანის შესახებ“ გასაფორმებელი შეთანხმება და გაფორმდება შესაბამისი ხელშეკრულება, რითაც ხელი შეეწყობა ხელშეკრულებით გათვალისწინებულ საინვესტიციო საქმიანობას. ახლებურად განისაზღვრება ინვესტორის მიერ წარმოდგენილ დეტალური დიზაინის პროექტზე, სახელმწიფოს მხრიდან შეთანხმებისა და ინვესტორის მიერ დოკუმენტის ხელმეორედ წარმოდგენის ვადები.
20. თავდაცვა 37790 - საქართველოს მთავრობის საკანონმდებლო ინიციატივის წესით საქართველოს პარლამენტში წარდგენილ 2020 წლისათვის თავდაცვის ძალების რაოდენობის დამტკიცების საკითხზე საქართველოს პარლამენტის საკომიტეტო და პლენარულ სხდომებზე მომხსენებლად განისაზღვრება საქართველოს თავდაცვის მინისტრის მოადგილე რატი ბრეგაძე.
21. რეგიონული 37767 - პროექტის მიხედვით, ახმეტის მუნიციპალიტეტს, დამატებითი ქონების სახით გადაეცა 3 ერთეული სპეცტექნიკა; შპს „სახელმწიფო სამშენებლო კომპანია“ არსებული რესურსს, 200 000 ლარს, გადაურიცხავს ახმეტის მუნიციპალიტეტს.
22. იუსტიცია 37654 - სსიპ საქართველოს საკანონმდებლო მაცნეს მიეცემა უფლება, მთარგმნელობითი ცენტრის შეუფერხებელი საქმიანობისა და კვალიფიციური თარგმანების ხელშეწყობის მიზნით, არარეზიდენტ იურიდიულ პირთან „SDL Global Solutions LTD“ ხელშეკრულება გააფორმოს არასტანდარტული პირობებით.
23. ფინანსები 37611 - სსიპ - საქართველოს ფინანსთა სამინისტროს მომსახურების სააგენტო, სახელმწიფოს საკუთრებაში მიქცეულ ქონებას (17723.5 ლარის ღირებულების 39.75 მ3 წიწვოვანი ჯიშის დახერხილი ხის მასალა) უსასყიდლოდ გადასცემს ზარზმის მონასტერს.
ხელმოსაწერი:
ინფორმაციის თანახმად, შენობა-ნაგებობებისათვის (ღობეები) დათმობისათვის ანაზღაურების მიმღებ პირთა წრიდან გამოირიცხება მხოლოდ პროექტის ზემოქმედების არეალში მდებარე დევნილთა კომპაქტურად (ორგანიზებულად) განსახლების ობიექტში განსახლებული, საქართველოს ოკუპირებული ტერიტორიებიდან იძულებით გადაადგილებული ის პირები, რომელებიც უკვე დაკმაყოფილებულნი არიან გარემონტებული საცხოვრებლით, განსახლების სახელმძღვანელოთი და განსახლების სამოქმედო გეგმით გათვალისწინებულ საკომპენსაციო უფლებათა მატრიცაში განხორციელდება ცვლილება საცხოვრებელი და არასაცხოვრებელი შენობა-ნაგებობებისათვის (ღობეები) დათმობისათვის პროექტის ზემოქმედების არეალში მყოფი საქართველოს ოკუპირებული ტერიტორიებიდან იძულებით გადაადგილებული 11 პირისათვის ანაზღაურების გაცემის შესაძლებლობის გაჩენის მიზნით. აქვე აღსანიშნავია, რომ ცვლილება არ ეხება პროექტის ზემოქმედების ქვეშ მყოფი პირის მიერ შენობა-ნაგებობის (ღობეების) დემონტაჟის შედეგად მიღებული მასალის ზემოქმედების არეალიდან გატანისთვის დადგენილ ვადას.
პროექტი შეთანხმდა დევნილთა დეპარტამენტთან, შენიშვნები არ გააჩნიათ.
პატივისცემით,
ნათია ხმალაძე