ქალბატონო თამარ ,
მოგესალმებით კეთილი სურვილებით .
ნება მომეცით გაგაცნოთ ჩვენი მოსაზრება ქვეყანაში შექმნილ ეპიდემიოლოგიურ სიტუაციასთან დაკავშირებით .
კორონავირუსის გამოჩენისთანავე , ჯერკიდევ მხოლოდ ჩინეთის ტერიტორიაზე მისი არსებობის დროს ,ჩვენმა კლინიკამ იზრუნა ინდივიდუალური დაცვის საშუალებების მომარაგებაზე .თუმცა ამ საშუალებების რაოდენობებთან დაკავშირებით ,მოგეხსენებათ ,ვერ იქნებოდა ზუსტი გათვლები ჩატარებული .
ჩვენი კლინიკა არ არის ინფექციური პათოლოგიის მკურნალობაში სერვისის მიმწოდებელი და ასეთი პაციენტების მასობრივ შემოსვლაზე ორიენტირებული .
შესაბამისად იდს-ს მარაგი ჩვენთან მცირე ოდენობითაა .
თუმცა მას შემდეგ ,რაც ჩვენს ქვეყანაში დაფიქსირდა შემთხვევები , ეპიდსაშიშროების ზრდის გამო ,არსებული მარაგის ხარჯვაც გაიზარდა .
გვაქვს სერიოზული შეშფოთება იმასთან დაკავშირებით ,რომ შემთხვევათა მატების კვალობაზე ,ასეთი პაციენტების მოხვედრის რისკი ,ჩვენს კლინიკაშიც რეალური გახდება . შესაბამისად დაგვჭირდება იდს-ს დიდი ოდენობით გამოყენება და იმავდროულად სრული ეკიპირების ფორმით .
გარდა ამისა ,მიგვაჩნია ,რომ სწორი იქნება ,თუ პაციენტების ტრიაჟისათვის ადგილი გამოიყოფა შენობის გარეთ ,სპეციალურად მოწყობილ დროებით სათავსებში .
ამ მიზნით მისაღები და აპრობირებული მეთოდია საველე ლაზარეთის ვარიანტი ,კერძოდ კი ,მხოლოდ მიმღებ- გამანაწილებელი პუნქტის მოწყობა კარვის საშუალებით .
გთხოვთ ,სამთავრობო დონეზე განიხილოთ ასეთი კარვების და იდს საშუალებების გამოყოფა სახელმწიფოს ხარჯით კლინიკებისათვის.
პატივისცემით
Nikoloz Chaduneli
“K. Eristavi National Centre of Surgery” JSC
Clinical director
#7 Chachava Str., Tbilisi, Georgia
Tel.:+995 (32) 2 02 25 25
Ext.: 6450
Mobile: +995 (577) 32 79 12
E-mail: Nikoloz.Chaduneli@aversi.ge
