ქეთი

დიდი მადლობა თქვენი ხედვის და პროექტის მონახაზის გაზიარებისთვის. სრულად და ზუსტად არის ასახული ის საკითხები რაზეც შეხვედრის დროს ვისაუბრეთ. რაც შეეხება პასუხებს თქვენს შეკითხვებზე იხილეთ ქვემოთ.

1.       გარკვეულწილად ანალიზი უნდა შეეხოს ყველა საავადმყოფოს, რომელიც პოტენციურად ჰოლდინგის ქუდის ქვეშ მოექცევა სხვადასხვა ეტაპზე. აქედან მეტად ჩაღრმავებული ანალიზი იქნება საჭირო იმ დაწესებულებებთან მიმართებაში, რომელიც უკვე ჰოლდინგის ნაწილია მ.შ. თბილისის რესპუბლიკური,  რესპუბლიკურის რუხის ფილიალი, ონკოლოგიური და ბავშვთა ინფექციური და ბათუმის ახალი რესპუბლიკური საავადმყოფო. სხვა საავადმყოფოებთან მიმართებაში შედარებით ზედაპირული ანალიზის ჩატარება დაგვჭირდება, რადგან  გამოიკვეთოს რამდენი დაწესებულება, რა საწოლფონდით, სერვისით და ფინანსური რესურსით იქნება ჰოლდინგის მმართველობის ქვეშ ამა თუ იმ ეტაპზე. და ქსელის გაფართოვებასთან ერთად, როგორ უნდა განვითარდეს ჰოლდინგის ორგანიზაციული შესაძლებლობები.   პოტენციური სია, გარდა ზემოთ მითითებული კლინიკებისა მოიცავს : რეგიონული ჯანდაცვის ცენტრი (მისი ყველა დაწესებულება), ფსიქიატრიული საავადმყოფოები (აღმოსავლეთ საქართველოს ფსიქიკური ჯანმრთელობის ცენტრი, გლდანის ფსიქიტრიული, ქავთარაძეზე ფსიქიატრიისა და ნარკოლოგიის ცენტრი და კიდევ რაც გვაქვს სახელმწიფო ფსიქიატრიულები შეიძლება 1 ან 2 გამომრჩა),  

3.       ამ ეტაპზე ტუბერკულოზისა და ფილტვის დაავადებათა ეროვნული ცენტი და აბასთუმნის ფილტვის დაავადებათა რეაბილიტაციის ცენტრი, ასევე  ინფექციური პათოლოგიებისა და შიდსის ცენტრი მხოლოდ იმიტომაა საინტერესო, რომ საერთო სურათში მოვაქციოთ, შედარებით გვიან ეტაპზე ჰოლდინგის ქვეშ მათი გაერთიანების პერსპექტივით.  ამ საიტებთან პირდაპირი კომუნიკაცია არ გვინდა.

4.       ვენის ჯგუფის ანგარიშს მოვიკითხავ და თუ მოვიპოვე გაგიზიარებთ.

მეორე კომპონენტი ძალიან კარგადაა გაწერილი. დამატებები არ მაქვს.

თუ საჭიროდ ჩათვლით, ხვალ ქოლი შემიძლია 1-ზე ან 4-დან 6-მდე რაღაც მონაკვეთში. მითხარი როდის გირჩევიათ და ჩავნიშნავ.

პატივისცემით,

თამარ გაბუნია

მინისტრის პირველი მოადგილე

Sincerely,

Tamar Gabunia, MD, MPH

First Deputy Minister

ქალბატონო თამარ,

მოგესალმებით. ამ იმეილით გვინდა რომ გაგიზიაროთ ჩვენი ხედვა იმ პროექტთან დაკავშირებით, რომელიც შესაძლოა UNDP-იმ დააფინანსოს და რომელზეც წინა პარასკევს მე და გიორგის გვქონდა თქვენთან და ქალბატონ ეკატერინესთან შეხვედრა.

ჩვენი შეხვედრის შემდეგ ჩვენ ინტენსიურად ვიმსჯელეთ ჯგუფში, ძირითადად ჩამოვყალიბდით პროექტის ორივე კომპონენტის განხორციელების ხედვაზე, სამუშაოს მოცულობაზე და ვიფიქრეთ, რომ სანამ განაცხადს UNDP-თვის მოვამზადებთ, უმჯობესი იქნებოდა ჩვენი ხედვა თქვენთან შეგვეთანხმებინა, რომ მოლოდინი ერთნაირი გვქონდეს.

პრეზენტაციაში წარმოდგენილია ჩვენს მიერ დანახული სამუშაოს მოცულობა და ის პროდუქტები, რაც სამინისტროს ჩაბარდება. თუმცა რამოდენიმე საკითხის დაზუსტება ამ ეტაპზევე გვჭირდება, ვინაიდან ის მეტწილად განსაზღვრავს ჩვენი სამუშაოს მოცულობასაც. ეს საკითხები/კითხვები მოცემულია მე-8 სლაიდზე, მაგრამ აქაც მინდა რომ გამოვიტანო:

1. ჩვენი ანალიზი უნდა შეეხოს მხოლოდ იმ სამ საავადმყოფოს, რომელიც პირველ ეტაპზე მოიაზრება რომ იმართოს „საქართველოს სამედიცინო ჰოლდინგის“ მიერ (თბილისის რესპუბლიკური საავადმყოფო, ონკოლოგიური საავადმყოფო, ბავშვთა ინფექციური საავადმყოფო) თუ თქვენი მოლოდინია, რომ ჩვენს სამუშაოში უნდა შევიდეს მეორე ეტაპის სავადმყოფოებიც?
2. თუ მეორე ეტაპის საავადმყოფოებსაც მოვიაზრებთ ამ სამუშაოში, კარგი იქნება თუ დავაზუსტებთ და გვეცოდინება საავადმყოფოების სრული სია
1. რუხის საავადმყოფო
2. ბათუმის რესპუბლიკური საავადმყოფო
3. გუდაურის საავდმყოფოები
4. ფსიქიატრიული
5. ტუბ კლინიკები
6. და კიდევ რომელი და რამდენი?
3. ჩვენი მოლოდინია და იმედია, რომ ჩვენ არ ვეხებით ფილტვის დაავადებების, ინფექციური პატოლოგიების და შიდსის ცენტრს, მიუხედავად იმისა, რომ ისიც სახელმწიფო მფლობელობაშია. მოგეხსენებათ, რომ ეს ჩვენთვის საკმაოდ სენსიტიური თემაა და თავიდანვე გვინდა რომ ამაზე შევთანხმდეთ
4. და ბოლოს, რამდენადაც ჩვენთვის ცნობილია, როდესაც ეს საავადმყოფოები საპარტნიორო ფონდის ქვეშ იყვნენ, ვენის ჯგუფმა რაღაც ტიპის შეფასება გააკეთა და ბიზნეს გეგმაც შეიმუშავა. გვაინტერესებს რამდენად არის ანგარიში ხელმისაწვდომი და სამინისტროს თუ შეუძლია რომ გაგვიზიაროს?

ჩვენ მზად ვართ, ხვალ  თქვენთვის მისაღებ ნებისმიერ დროს სულ რაღაც 15 წუთიანი (ალბათ მეტი არც დაგვჭირდება)  ქოლი მოვაწყოთ და გავიაროთ თუ რამე კომენტარი გაქვთ ჩვენს ხედვაზე და ასევე იმ კითხვებზეც რაც წამოვჭერით

პატივისცემით,

ქეთი