1.       დედათა და ბავშვთა სიკვდილიანობა

დედათა და ბავშვთა ჯანმრთელობის  გაუმჯობესების მიზნით,  2015 წლიდან დაიწყო პერინატალური სერვისების რეგიონალიზაცია, ხოლო 2017 წლიდან - სელექტიური კონტრაქტირება (თბილისი, ქუთაისი, ბათუმი).  2017 წელს დამტკიცდა დედათა და ახალშობილთა ჯანმრთელობის ხელშეწყობის ეროვნული  სტრატეგია, რომელიც თანხვედრაშია გაეროს მდგრადი განვითარების მიზნებთან.  2016 წლის 1 იანვრიდან ქვეყნის მასშტაბით ამოქმედდა ორსულთა და ახალშობილთა ჯანმრთელობის მეთვალყურეობის ელექტრონული მოდული (დაბადების რეგისტრი).

2014 წლის ივნისიდან ყველა ორსული უზრუნველყოფილია ფოლიუმის მჟავით ორსულობის 13 კვირამდე და რკინადეფიციტური ანემიის დიაგნოზის შემთხვევაში რკინის პრეპარატით. 6-23 თვის ასაკის ბავშვები, სოციალურად დაუცველი ოჯახებიდან, უზრუნველყოფილი არიან მიკროელემენტების შემცველი საკვები დანამატით.

2016 წელს დაიწყო სიფილისით დაავადებული ორსულების სპეციფიკური მკურნალობა.

2018 წლიდან ანტენატალური მეთვალყურეობის კომპონენტის ფარგლებში გაიზარდა ვიზიტების რაოდენობა და ორსულებისთვის უზურნველყოფილია 8 ვიზიტი, ნაცვლად 4 ვიზიტისა. დაიწყო ანტენატალური სერვისის მიმწოდებელი დაწესებულებების სელექტიური კონტრაქტირება (თბილისი, ბათუმი, ქუთაისი).

გატარებული რეფორმების შედეგად, 2017 წელს დაფიქსირდა დედათა სიკვდილობის ყველაზე დაბალი მაჩვენებელი ბოლო წლების განმავლობაში 13,2/100,000 ცოცხალშობილზე (SGD-ის ფარგლებში სამიზნე მაჩვენებელი 2020-2030 წლებისთვის 12).