მოგესალმებით, კოლეგებო,
გილოცავთ აღდგომის ბრწყინვალე დღესასწაულს!
რაც შეეხება აღნიშნულ ფორმატს, მოგახსენებთ შემდეგს:
ეს არის ფორმა მხოლოდ 112-ისთვის. ამდენად, დეფინიციებთან შეთანხმება მათთან უნდა მოვახდინოთ.
პირველ რიგში უნდა შევთანხმდეთ, ერთ საკითხში - როდის იწყება და როდემდე გრძელდება ონლაინ კლინიკის ექიმის პასუხისმგებლობა, როდის იწყება და როდემდე გრძელდება 112-ის ექიმის პასუხისმგებლობა, სად და როგორ იწყება და გრძელდება, რეგისტრაციის ადგილის მიხედვით ოჯახის ექიმის პასუხისმგებლობა პაციენტის ჯანმრთელობის მდგომარეობის უწყვეტ მონიტორინგზე.
ექიმს აქვს რამდენიმე ვარიანტი:
1. გამორიცხოს კორონავირუსული დაავადება, ალტერნატიულ დაავადებას უმკურნალოს ბინაზე და აწარმოოს პაციენტის ჯანმრთელობის მდგომარეობაზე მონიტორინგი დადგენილი წესით - რაც გამოიხატება იმაში, რომ რესპირაციული, თუნდაც მსუბუქი სიმპტომებით პაციენტებზე მონიტორინგი გაგრძელდეს მე-6 დღის ჩათვლით, სიმპტომების სრულ კუპირებამდე, ხოლო 70 წლის ზემოთ და იმუკომპრომენტირებულ პირებში, მიუხედავად, მსუბუქად მიმდინარეობისა, ბოლომდე (14-დღის ჩათვლით) ვაგრძელებთ მეთვალყურეობას.
2. კოვიდის შესაძლო შემთხვევის დროს გადავიყვანოთ პაციენტი ცხელების ცენტრში/კოვიდ კლინიკაში, 112 -ის საშუალებით.
ამ შემთხვევაშიც კარგი იქნებოდა უკუგება მომხდარიყო ექიმთან უკან, რომ დარჩა კარანტინში, მოთავსდა სტაციონარში თუ დააბრუნა ბინაზე, თვითიზოლაციაში, რომ ექიმმა გააგრძელოს მეთვალყურეობა.
ექიმმმა იცის, რომ პაციენტთან ურთიერთობა დასრულდება მაშინ, თუ პაციენტი გადაყვანილია ცხელების კლინიკიდან სტაციონარში ან კარანტიმში.
3. ალტერნატიული დიაგნოზის დროს, 1 მარტამდე პერიოდში, 112-ში ჩართულ ექიმებს არ გვქონდა ვალდებულება, მონიტორინიგი გაგვეგრძელებინა, რადგან თუკი არ ესაჭიროებოდა ჰოსპიტალიზაცია, პირველადი მომსახურების მიწოდების შემდეგ, ვურჩევდით პაციენტს - აუცილებლად, ხვალვე დაუკავშირდით პირად/ოჯახის ექიმს, რეგისტრაციის ადგილის მიხედვით და გააგრძელეთ გამოკვლევები თუ მკურნალობა უკვე იქ-თქო. აქ უკვე მთავრდებოდა ჩვენი პასუხისმგებლობა.
4. მდგომარეობა გაუარესდა საეჭვო კოვიდის დროს - აუცილებლად ესაჭიროება 112-ის მეშვეობით, ცხელების ან კოვიდ კლინიკაში გადაყვანა.
თუ 112-მა არ გადაიყვანა, შემთხვევა უნდა დაუბრუნდეს ონლაინ კლინიკას, შემდგომი მეთვალყურეობისთვის. სასურველია, 112-იდან ექიმის ჩანაწერიც გადმოცემაც ხდებოდეს, პაციენტთან პირისპირ კონტაქტის შემდეგ და მიუთითოს მიზეზები, რატომ არ გადაიყვანა - პაციენტის უარის გამო თუ ალტერნატიული დიაგნოზის გამო.
5. მდგომარეობა გაუარესდა ალტერანტიული დიაგნოზის დროს - ექიმმა უნდა გააკეთოს აღნიშნული ჩანაწერი დოკუმენტში - რას ნიშნავს მდგომარეობის გაუარესება, ტოვებს ბინაზე თუ არა, თუ ტოვებს, რამდენ ხანს და რას აკეთებს მედიკამენტს და/ან დოზას უცვლის თუ აგრძელებს უბრალოდ მონიტორინგს, ოჯახის ექიმს გადასცემს თუ იბარებს თავის დაწესებულებაში თუ თვითონ გადის მისამართზე. აქ ექიმებს განსაკუთრებული მითითება, რომ თვითონ გააგრძელონ მონიტორინგი არაკოვიდ შესაძლო შემთხვევაზე, არ აქვთ. თუმცა ექიმმა უნდა მოიკითხოს პაციენტი და დარწმუნდეს, აგრძელებს თუ არა ოჯახის ექიმი მის მდგომარეობაზე მონიტორინგს (პაციენტის გადმოცემით). აქ მთავრდება მისი პასუხისმგებლობა (პაციენტის პირად ექიმზე, გადაბარებისთანავე).
6. იგივე ეხება მდგომარეობა უცვლელიას - სამედიცინო რუქაში დოკუმენტირება აუცილებელია, თუ რა მდგომარეობაა უცვლელი და რას აკეთებს ონლაინ კლინიკის ექიმი, როგორ საზღვრავს რისკებს, რამდენ ხანს დაელოდება და როგორია მისი მართვის გეგმა პაციენტის მდგომარეობის გასაუმჯობესებლად.
მოკლედ, სავარაუდოდ, გვესაჭიროება მხოლოდ იმის განსაზღვრა - ონლაინ კლინიკა აგრძელებს მეთვალყურეობას, გადაეცა 112-ის და/ან გადაეცა უკან, ონლაინ კლინიკას და თუ მიეცა რეკომენდაცია, ოჯახის ექიმთან შემდგომი კვლევებისა თუ მონიტორინგისთვის.
პატივისცემით,
ირინა ქაროსანიძე