From : Tamta Demurishvili <tdemurishvili@justice.gov.ge>
To : Tamar Gabunia <tgabunia@moh.gov.ge>
Subject : covid19 - პრევენცია
Cc : Giorgi Pataridze <gpataridze@justice.gov.ge>
Received On : 15.06.2020 17:01

ქალბატონო თამარ, 
 
როგორც მოგეხსენებათ, კორონავირუსის გავრცელების პრევენციის მიზნით, უკვე სამი თვეა სპეციალური პენიტენციური სამსახურის პენიტენციური დაწესებულებების 1300 თანამშრომელი ყაზარმულ რეჟიმში მუშაობს და როტაციის პრინციპით ხდება ამ თანამშრომელთა ჩანაცვლება. კორონავირუსის საპატიმროებში გავრცელების პრევენციის მიზნით, როგორც ვისაუბრეთ, როტაციის ყველა ეტაპზე, დაავადებათა კონტროლის ინსტიტუტის დახმარებით,  მოხდება  PCRტესტით  თანამშრომელთა დატესტვა დაწესებულებებში შესვლის წინ და ასევე, ადგილზე,  ორკვირიანი მუშაობის შუალედში. შესაბამისად, ერთი თვის განმავლობაში 1300 თანამშრომლისთვის საჭირო იქნება 2600 PCR ტესტი; 
პირველ ეტაპზე, ვიდრე პენიტენციური სამსახურის ექიმები სრულად გადამზადდებიან, დაგვჭირდება ლუგარის ლაბორატორიის ექიმების დახმარება ტესტირების პროცესში. აღნიშნულის საჭიროების შესახებ, ორი დღით ადრე,  ინფორმაციას მივაწვდი ლუგარის ლაბორატორიის ეპირემიოლოგებს (ხათუნა ზახაშვილს და ირმა ბურჯანაძეს);
გარდა ამისა, როგორც მოგეხსენებათ,  კარანტინში მყოფი ბრალდებულებისთვის ვიყენებთ ე.წ. სწრაფ ტესტებს, ამ ეტაპზე, ტესტების ერთი თვის მარაგი გვაქვს და ივლისი ბოლო რიცხვებში ისევ დაგვჭირდება 10 000 ცალი ტესტი;  
აღნიშნულის გათვალისწინებით,  გთხოვთ, გაითვალისწინო სპეციალური პენიტენციური სამსახურის საჭიროება, ყოველთვიურად  2600 -3000 PCR , ასევე, დაწესებულებებში მომუშავე, სამედიცინო და არასამედიცინო პერსონალისთვის 1000 ცალი ტესტი, სულ 4000  PCR ტესტი და ორ თვეში ერთხელ 10 000 ცალი ე.წ. სწრაფი ტესტი.
ამასთან დაგვჭირდება: 
  1. PCR ტესტი - 4000 ცალი;
  2. ერთჯერადი სკარიფიკატორი - 4000 ცალი;
  3. რესპირატორი N95 – 320 ცალი;
  4. ერთჯერადი ქირურგიული ხალათი - 1000 ცალი;
  5. ხელთათმანი:

    L ზომა - 2300 წყვილი;

    M ზომა - 2700 წყვილი;

    S ზომა - 200 წყვილი;
  6. სახის დამცავი ფარი – 82 ცალი;
  7. ცივი ჯაჭვის ყუთი - 14 ცალი.
  8. სწრაფი ტესტი 10 000 ცალი
კიდევ ერთხელ გიხდით მადლობას თანამშრომლობისთვის და თანადგომისთვის.

თქვენი თანხმობის შემთხვევაში, მოგმართავთ წერილობით.


პატივისცემით,   თამთა დემურიშვილი