მოგახსენებთ, რომ კარდიოქირურგიის დარგში არსებული ვითარებიდან გამომდინარე 19.12.2019 - ში ჯანმრთელობის დაცვის სამინისტროში შედგა შეხვედრა, სადაც დაიგეგმა, დარგობრივი ასოციაციის და ქვეყნის წამყვანი სპეციალისტების ჩართულობით სამუშაო ჯგუფის შექმნა.

20.12.2019 ჩატარდა საქართველოს კარდიოქირურგთა ასოციაციის გაფართოებული სხდომა, უკლებლივ ყველა წამყვანი სპეციალისტის მონაწილეობით.

არსებული მდგომარეობიდან გამომდინარე ფორსმაჟორულ სიტუაციაში განხილულ იქნა კარდიოქირურგიაში გაურთულებელი ოპერაციების სტანდარტები - მედიკამენტები, სახარჯი მასალა, კვლევები და საჭირო პერსონალის პოზიციების ჩამონათვალი (იხ. მოთხოვნისამებრ „მაიკროსოფტ ექსელის“ ფორმატში შედგენილი თანმხლები დოკუმენტი “Cardio standarts” ).

აქვე გვინდა დავურთოთ, რომ კარდიოქირურგიის დარგში მსოფლიოს მოწინავე კლინიკები ამჟამად დიდ პრიორიტეტს ანიჭებენ „მინი-ინვაზიურ“ ჩარევებს, რომელიც ითვალისწინებს მაღალტექნოლოგიურ ოპერაციულ მკურნალობას ნაკლები ტრავმატიზაციით და გართულებებით, რაც თავის მხრივ ამცირებს სიკვდილიანობის რისკს.

გთხოვთ, გაითვალისწინოთ და ცალკე ჯგუფებად განვიხილოთ „მინი-ინვაზიური“, განმეორებითი და გართულებული ოპერაციები, რაც თავის მხრივ მოითხოვს გაცილებით დიდ დანახარჯს და ადამიანურ რესურს.