გამარჯობა კოლეგებო,

გავეცანი წარმოდგენილ დოკუმენტს, რომელიც ძალიან მაღალ დონეზეა დაწერილი. ქ-ნი მაიას მოისაზრებები უდავოდ საყურადღებოა. ვიზიარებ აზრს, რომ სახელმწიფო სტანდარტში უმჯობესია მხოლოდ მტკიცებულებებზე დაფუძნებული მკურნალობის მეთოდები იყოს მოყვანილი. სიტუაციის უნიკალურობა იმაშია, რომ ამ დაავადების სამკურნალო მედიკამენტი/ები, რომლის ეფექტურობაც მტკიცებულებებზეა დაფუძნებული, დღეისთვის არ არსებობს. პრინციპში, ეს დოკუმენტში წერია კიდეც. ამიტომ, ყველა ჩამოთვლილი მედიკამენტი გამოყენებული უნდა იყოს მხოლოდ კლინიკური კვლევის ფარგლებში - რაც ასევე წერია. არსებულ სიტუაციაში, ფაქტიურად ყველა ჰოსპიტალიზირებული პაციენტი ხვდება კლინიკური კვლევების ფარგლებში და უცნობია, როგორ უნდა ვუმკურნალოთ მათ, ვინც, მაგალითად, არ მოაწერს ხელს ინფორმირებულ თანხმობას? მათში რჩება მხოლოდ სიმპტომური მკურნალობა. ანუ, თუ ასე მივუდგებით საკითხს, მკურნალობის თავი მნიშვნელოვნად უნდა შევკვეცოთ და ჩავწეროთ, რომ მკურნალობის სტანდარტი სიმპტომური მუკრნალობაა, ყველა დანარჩენი მედიკამენტი შეიძლება გამოყენებულ იქნეს მხოლოდ კლინიკური კვლევის ფარგლებში.

პრინციპში, თუ ეს წინადადება ჩაემატება არ მაქვს საწინააღმდეგო დამტკიცდეს აღნიშნული დოკუმენტი.

პატივისცემით,

არჩილ ჩხოტუა

On Mon, Jun 22, 2020 at 11:25 AM Maia Butsashvili <maiabutsashvili@gmail.com> wrote:

ბატონო ვანო,

დიდი მადლობა ჩემს შენიშვნაზე გამოხმაურებისთვის.

უბრალოდ, IDSA გზამკვლევი ერთ-ერთი ასოციაციის რეკომენდაციაა და არა აშშ მთავრობის მიერ დამტკიცებული დოკუმენტი. მათ, რა თქმა უნდა, კვლევებში ჩართული მედიკამენტების ჩაწერაც მარტივად შეუძლიათ. გარდა ამისა, IDSA გაიდლაინში კონტექსტი სხვაგვარია: მიმოხილული და შეჯამებულია კვლევები თავისი სარგებლით და ზიანით.  ჩვენს დოკუმენტს ქვია "სახელმწიფო სტანდარტი" და ამიტომ არა მგონია  ექსპერიმენტული მედიკამენტები სახელმწიფო სტანდარტის ნაწილი უნდა იყოს. სტანდარტი თავისთავად ნიშნავს, რომ COVID პაციენტების მკურნალობა უნდა განხორციელდეს დადგენილი სტანდარტით. ექსპერიმენტული მედიკამენტი შეიძლება გამოიყენოს ერთმა ან რამდენიმე კლინიკამ ექსპერიმენტის მიმდინარეობის პერიოდში და ეს როგორ გამოდის  სტანდარტის ნაწილი? ამ ლოგიკით სხვადასხვა ექსპერიმენტი შეიძლება მკურნალობის სხვადასხვანაირ რეჟიმს შეისწავლიდეს და არა კონკრეტულად რომელიმე ერთს. რომელი ექსპერიმენტი უნდა იყოს სტანდარტი? 

ზოგადად მინდა კითხვა დავსვა: საქართველოში არაერთი მედიკამენტის ექსპერიმენტული კვლევა მიმდინარეობს. არის თუ არა ეს მედიკამენტები შეტანილი სამინისტროს მიერ დამტკიცებულ გაიდლაინებში? 

თუ ჩვენ ამ პროტოკოლს ასეთი სახით დავამტკიცებთ, მაშინ საერთოდ კარგი იქნება, ჩამოვაყალიბოთ ზუსტი დეფინიცია, რას ნიშნავს სახელმწიფო სტანდარტი? და აღარ გვქონდეს მსგავსი დოკუმენტები და როგორც ეს ბევრ ქვეყანაშია, ექიმებმა უბრალოდ გამოიყენონ სხვადასხვა კლინიკური ასოციაციის რეკომენდაციები. 

გმადლობთ,

მაია

Maia Butsashvili, MD, MS, PhD

Director

Health Research Union (HRU)

47 Tashkenti str. Tbilisi 0177 Georgia

Tel: 995 32 2144447

 

 

On Sun, Jun 21, 2020 at 10:34 PM Ivane Chkhaidze <ivane_ch@georanet.org.ge> wrote:

ქ-ნო ნანა,

 

პროტოკოლი მისაღებია, მხარს ვუჭერ მის დამტკიცებას.

 

რაც შეეხება ქ-ნ მაია ბუწაშვილის შენიშვნას სახელმწიფოს მიერ დამტკიცებულ გაიდლაინში ექსპერიმენტული მედიკამენტების გამოყენებასთან დაკავშირებით, ვფიქრობ ამ თვალსაზრისით შესაძლებელია გავითვალისწინოთ ამერიკის ინფექციურ დაავადებათა საზოგადოების გზამკვლევის ( Infectious Diseases Society of America Guidelines on the Treatment and Management of Patients with COVID-19 Infection. Available at https://www.idsociety.org/practice-guideline/covid-19-guideline-treatment-and-management/)   ფორმულირება, რომელიც ეხება COVID-19-ის სამკურნალო პრეპარატებს:  “კვლევების მცირე რაოდენობის და, შესაბამისად, არასაკმარისი სარწმუნოობის და ცოდნის დეფიციტის  (knowledge gap) გამო, მათი გამოყენება რეკომენდებულია კლინიკური ცდის კონტექსტში (in the context of a clinical trial)”

 

ვფიქრობ, რომ სანამ მსოფლიოში არ არის ერთიანი პროტოკოლი COVID-19-ის მკურნალობასთან დაკავშირებით, ასეთი ფორმულირება მისაღებია და სრულად შეესაბამება COVID-19-ის მართვის დღევანდელ რეალობას.

 

პატივისცემით,

 

ი.ჩხაიძე 

 

 

From: Nana Kalmakhelidze

Sent: Tuesday, June 16, 2020 19:01

To: Tamar Gabunia ; Khatuna Zaldastanishvili ; levanperadze@gmail.com ; marinaezugbaia@yahoo.com ; westzaza@gmail.com ; rberiashvili@gmail.com ; emgeladze@jamc.ge ; d_metreveli@yahoo.co.uk ; irma.tchokhonelidze@dntunion.org.ge ; ladokuchava@gmail.com ; nfmtc@nilc.org.ge ; ted1909@hotmail.com ; kintraia@hotmail.com ; maiabutsashvili@gmail.com ; gocha.ingorokva@gmail.com ; tantelava@evex.ge ; achkhotua@gmail.com ; gjavashvili@hotmail.com ; n_lomidze@mail.ru ; lado_71@yahoo.com ; kandelakieka@yahoo.com ; ivane_ch@georanet.org.ge ; tengiz_31@yahoo.com ; tamazshaburishvili@gmail.com ; khatuna_lomouri@hotmail.com ; kakha65@gmail.com ; geoangio@gmail.com ; alexander.tsiskaridze@tsu.ge ; okujava@gmx.net ; gkacharava@yahoo.com ; giorgi.papiashvili@gmail.com ; nurses.georgia@yahoo.com ; makamaglakelidze@gmail.com

Cc: giorgi chavchavadze ; Ekaterine Adamia

Subject: პროტოკოლის განახლება

 

პატივცემულო საბჭოს წევრებო, მოგესალმებით,

 

როგორც მოგეხსენებათ, მინისტრის 2020 წლის 24 მარტის №01-119/ო ბრძანებით დამტკიცებულ იქნა „ახალი კორონავირუსით (SARS-CoV-2) გამოწვეული ინფექციის (COVID-19) კლინიკური მართვა“ - კლინიკური მდგომარეობის მართვის სახელმწიფო სტანდარტი (პროტოკოლი).

 

მიმდინარე წლის 8 ივნისს პროტოკოლის ავტორთა მიერ, ინფექციური პათოლოგიის, შიდსისა და კლინიკური იმუნოლოგიის სამეცნიერო-პრაქტიკული ცენტრის გენერალური დირექტორის, ბატონ თენგიზ ცერცვაძის ხელმძღვანელობით, განხორციელდა პროტოკოლის არსებული რედაქციის განახლება, რომელსაც გიგზავნით შესათანხმებლად.

აღნიშნულ პროტოკოლს თან ახლავს თსსუ ინფექციურ სნეულებათა დეპარტამენტის ხელმძღვანელის, პროფესორ ელზა ვაშაკიძის და საქართველოს საოჯახო მედიცინის პროფესიონალთა კავშირის პრეზიდენტის, ქალბატონ ირინა ქაროსანიძის რეცენზიები. 

გთხოვთ, განიხილოთ და შესაძლო მოკლე ვადაში მოგვაწოდოთ თქვენი მოსაზრება წარმოდგენილი პროტოკოლის დამტკიცებასთან დაკავშირებით.

 

პატივისცემით,

საბჭოს პასუხისმგებელი მდივანი

ნანა კალმახელიძე

577 944 934

 

---

This email has been checked for viruses by Avast antivirus software. www.avast.com