ე) პანდემიის ან განსაკუთრებული საშიში ეპიდემიის დროს მოსახლეობის სიცოცხლისა და ჯანმრთელობისათვის მოსალოდნელი საფრთხის შემცირებისა და სიტუაციის მართვის მიზნით, უფლებამოსილია განსაზღვროს სახელმწიფო ორგანოთა მიერ შეუფრხებელი ფუნქციონირების განსხვავებული წესი და პირობები, აგრეთვე, დაადგინოს რეაგირებისა და მზადყოფნის ღონისძიებები და მათი გამოყენების წესი და პირობები.

ასე რომ იყოს?

ეკა, თათი

აბა ნახეთ, საზოგადოებრივი ჯანდაცვის კანონში მთვრობის კომპენტენციის ნაწილს ეს რომ დავუმატოთ რამდენად მისაღებია 184 დადგენილების დბეულებების შესანარჩუნებლად?

    მუხლი 32. საქართველოს მთავრობის კომპეტენცია საზოგადოებრივი ჯანმრთელობის სფეროში

საქართველოს მთავრობა:

ა) უზრუნველყოფს ინფექციურ დაავადებებზე ეპიდზედამხედველობის ინტეგრირებული ეროვნული სისტემის, მათ შორის, განსაკუთრებით საშიში პათოგენების აღმოჩენის, ეპიდზედამხედველობისა და რეაგირების ერთიანი ლაბორატორიული სისტემის ფუნქციონირებას;

ბ) ამტკიცებს განსაკუთრებით საშიში პათოგენების ფლობის, გამოყენების, გადაცემის, გადატანისა და განადგურების წესებსა და ნორმებს, მათი კვლევისა და კონტროლის მეთოდებს;

გ) ადგენს იმ ფიზიკური პირების სიას, რომლებსაც ნასამართლობის ან ტერორიზმში ბრალდებულად ყოფნის გამო ეკრძალებათ განსაკუთრებით საშიში პათოგენების ფლობა, გამოყენება, გადაცემა, გადატანა და განადგურება;

გ ¹) ამტკიცებს ინფექციურ დაავადებებზე, მათ შორის, განსაკუთრებით საშიში პათოგენებით გამოწვეულ დაავადებებზე, ეპიდზედამხედველობის ინტეგრირებული ეროვნული სისტემის ფუნქციონირების წესს;

დ) ამტკიცებს საქართველოს სასაზღვრო ზოლსა და საბაჟო კონტროლის ზონებში სანიტარიულ-საკარანტინო კონტროლის განხორციელების ტექნოლოგიურ სქემას.

ე) პანდემიის ან განსაკუთრებული საშიში ეპიდემიის დროს მოსახლეობის სიცოცხლისა და ჯანმრთელობისათვის მოსალოდნელი საფრთხის შემცირებისა და სიტუაციის მართვის მიზნით, უფლებამოსილია განსაზღვროს სახელმწიფო ორგანოთა მიერ შეუფრხებელი ფუნქციონირების განსხვავებული წესი და პირობები, აგრეთვე, დაადგინოს საკარანტინო ღონისძიებები და მათი გამოყენების წესი და პირობები.