| From : | Ekaterine Adamia <eadamia@moh.gov.ge> |
| To : | Besik Datukishvili <bdatukishvili@ssa.gov.ge>; igobejishvili@ssa.gov.ge |
| Subject : | RE: თვალის მალამოს/წვეთების და ადალიმუმაბის შესყიდვა |
| Cc : | Giorgi Tsotskolauri <gtsotskolauri@moh.gov.ge>; Tamar Gabunia <tgabunia@moh.gov.ge>; lgogodze@ssa.gov.ge; lmamulashvili@ssa.gov.ge; zpipia@ssa.gov.ge; kchkhartishvili@ssa.gov.ge; ggelashvili@ssa.gov.ge |
| Received On : | 07.11.2019 14:45 |
საღამო მშვიდობის, ბატონო ბესო!
დასმულ საკითხებთან დაკავშირებით, გაცნობებთ შემდეგს:
1. იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობის პროგრამის იუვენილური ართრიტით დაავადებულ 18 წლამდე ასაკის ბავშვებისათვის ბიოლოგიური პრეპარატების შესყიდვის კომპონენტის ფარგლებში პრეპარატ ,,ადალიმუმაბის” დამატება გამოწვეული იყო შემდეგი მიზეზით: დღეისათვის პროგრამაში რეგისტრირებულია 53 პაციენტი, რომელთა მომსახურება წარმატებით ხორციელდება ორი პრეპარატით: ინტერლეიკინ-6-ის ბლოკერით (ტოცილიზუმაბი) და სიმსივნის ნეკროზის ფაქტორის ერთ-ერთი ბლოკერით (ეტანერცეპტი). ექსპერტთა მოსაზრებით, წლების განმავლობაში, გამოიხატა აუცილებლობა აღნიშნულ პროგრამაში მესამე პრეპარატის, კერძოდ, სიმსივნის ნეკროზის ფაქტორის კიდევ ერთი ბლოკერის-ადალიმუმაბის ჩართვა. აღნიშნულის მიზეზს წარმოადგენს იუვენილური ართრიტით გამოწვეული თვალის დაზიანების (უვეიტი, ირიდოციკლიტი, კატარაქტა) შემთხვევები, რომლებიც არ ექვემდებარება ე.წ პირველი და მეორე რიგის პრეპარატებით (სტეროიდი, მეტოტრექსატი, სულფასალაზინი, ტოპიური სტეროიდები) თერაპიას. საერთაშორისო რეკომენდაციების გათვალისწინებით, აღნიშნული დაზიანების დროს რეკომენდებული არ არის/ უშედეგოა, პროგრამაში უკვე გამოყენებული პრეპარატები (ეტანერცეპტი, ტოცილიზუმაბი), რის გამოც დაავადება პროგრესირებს და მაღალია მხედველობის სრული დაკარგვის ალბათობა. ექსპერტების ინფორმაციით, მსგავსი მდგომარეობით ფიქსირდება 6 (ექვსი) პაციენტი.
ზემოაღნიშნულის გათვალისწინებით, მიზანშეწონილად მიგვაჩნია აღნიშნული მედიკამენტის შემოტანა განხორციელდეს საქართველოს შრომის, ჯანმრთელობისა და სოციალური დაცვის მინისტრის 2009 წლის 13 ოქტომბრის N327/ბრძანებით განსაზღვრული პირობების შესაბამისად, კერძოდ, განსაკუთრებულ პირობებში (სტიქიური უბედურება, მოსახლეობის მასობრივად დაზიანება, ეპიდემია, იშვიათი დაავადება) ჰუმანიტარული მიზნით, აგრეთვე სხვა განსაკუთრებული სახელმწიფოებრივი ინტერესების არსებობისას, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს თანხმობით საქართველოს ბაზარზე დაშვების უფლების არმქონე ფარმაცევტული პროდუქტის დაშვების რეჟიმების გვერდის ავლით, არაკომერციული მიზნით შემოტანის გზით.
2. რაც შეეხება, დედათა და ბავშვთა ჯანმრთელობის სახელმწიფო პროგრამის ფარგლებში ერითრომიცინის თვალის მალამოს ან ტეტრაციკლინის მალამოს ან აზითრომიცინის თვალის წვეთების სახელმწიფო შესყიდვის პროცესში დაფიქსირებულ პრობლემებს ( შემოთავაზებული ფარმაცევტული პროდუქტი ვერ აკმაყოფილებს საქართველოს მთავრობის 2009 წლის 22 ოქტომბრის №188 დადგენილების მოთხოვნებს (იწარმოება რუმინეთში (N188 დადგენილებით განსაზღვრული სახელმწიფო), მაგრამ ამ ქვეყანაში რეგისტრირებული არ არის), საქართველოში რეგისტრირებულია რუსული, სომხური და უზბეკური წარმოების, მაგრამ ასევე, გასათვალისწინებელია, რომ მათი გამოყენება არ არის დაშვებული 8 წლამდე ასაკში; და სხვა), მიზანშეწონილად მიგვაჩნია საკითხი დამატებით განხილულ იქნას დარგის ექსპერტების მონაწილეობით.
პატივისცემით,
ეკა
ეკატერინე ადამია
საქართველოს ოკუპირებული ტერიტორიებიდან დევნილთა,
შრომის, ჯანმრთელობისა და სოციალური დაცვის სამინისტრო
თბილისი, წერეთლის გამზირი 144
მობ: (+995) 577 282825
ტელ: (+322) 5100381110
From: Besik Datukishvili [mailto:bdatukishvili@ssa.gov.ge]
Sent: 25 October, 2019 15:41
To: Ekaterine Adamia
Cc: Giorgi Tsotskolauri
Subject: თვალის მალამოს/წვეთების და ადალიმუმაბის შესყიდვა
დღე მშვიდობისა, ქალბატონო ეკა!
გვსურს, თქვენი ყურადღება გავამახვილოთ ქვემოთ ჩამოთვლილ საკითხებთან დაკავშირებით:
1. მოგეხსენებათ, სსიპ სოციალური მომსახურების სააგენტო (შემდგომ ტექსტში - „სააგენტო“) „2019 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2018 წლის 31 დეკემბრის N693 დადგენილების თანახმად, ახორციელებს „დედათა და ბავშვთა ჯანმრთელობის“ სახელმწიფო პროგრამას, რომლის ფარგლებში, „სააგენტოს“ ევალება K ვიტამინის და ერითრომიცინის თვალის მალამოს ან ტეტრაციკლინის მალამოს ან აზითრომიცინის თავლის წვეთების სახელმწიფო შესყიდვა.
„კონსოლიდირებული ტენდერების ჩატარებასთან დაკავშირებული ზოგიერთი ღონისძიების შესახებ“ საქართველოს მთავრობის 2018 წლის 29 აგვისტოს N446 დადგენილების შესაბამისად, ზემოხსენებული ფარმაცევტული პროდუქტების შეძენა დაგეგმილი ჰქონდა სსიპ სახელმწიფო შესყიდვების სააგენტოს. აღნიშნულმა უწყებამ ჩაატარა ბაზრის კვლევა, რომლის შედეგების შესაბამისად, მიღებული იქნა გადაწყვეტილება K ვიტამინისა „Azithromycin“-ის თვალის წვეთების შესყიდვის თაობაზე. ამასთანავე, საბოლოოდ, შესყიდვების სააგენტომ შეიცვალა პოზიცია მოგვცა შესაბამისი თანხმობა, ელექტრონული ტენდერების გამოცხადების შესახებ.
აღნიშნულის შემდგომ, სააგენტომ გამოაცხადა SPA190004644 ელექტრონული ტენდერი K ვიტამინის და SPA190004688 ელექტრონული ტენდერი - „Azithromycin“-ის თვალის წვეთების შესყიდვის მიზნით. ორივე ტენდერში შეტანილი იყო შემდეგი მოთხოვნა: შემოთავაზებული ფარმაცევტული პროდუქტი რეგისტრირებული უნდა იყოს „სხვა ქვეყნების ან სახელმწიფოთაშორისი ფარმაცევტული პროდუქტების მარეგულირებელი სახელმწიფო ორგანოების სიის განსაზღვრის შესახებ“ საქართველოს მთავრობის 2009 წლის 22 ოქტომბრის N188 დადგენილებით (შემდგომ ტექსტში - „N188 დადგენილება“) განსაზღვრული, შესაბამისი ქვეყნის მარეგულირებელი ორგანოს მიერ, მის კონტროლს დაქვემდებარებულ ბაზარზე.
SPA190004644 ელექტრონულ ტენდერში გამარჯვებულად გამოცხადდა შპს „ავერსი-ფარმა“, რომელთანაც ამჟამად მიმდინარეობს ხელშეკრულებისგაფორმების პროცედურები. რაც შეეხება „Azithromycin“-ის თვალის წვეთებს (SPA190004688) ამ ტენდერში არც ერთმა ორგანიზაციამ არ მიიღო მონაწილეობა და, შესაბამისად, მას მიენიჭა სტატუსი - „არ შედგა“.
ტენდერის უშედეგოდ დასრულების შემდეგ, სააგენტომ ჩაატარა ბაზრის ხელახალი კვლევა და სთხოვა პოტენციურ მიმწოდებლებს განემარტათ, თუ რატომ არ მიიღეს მონაწილეობა შესყიდვაში. პასუხად მივიღეთ, მხოლოდ შპს „ავერსი-ფარმას“ ინფორმაცია, რომლის თანახმად:
ა) „Azithromycin“-ის თვალის წვეთები - მათ მიერ შემოთავაზებული ფარმაცევტული პროდუქტი ვერ აკმაყოფილებს საქართველოს მთავრობის 2009 წლის 22 ოქტომბრის №188 დადგენილების მოთხოვნებს (იწარმოება რუმინეთში (N188 დადგენილებით განსაზღვრული სახელმწიფო), მაგრამ ამ ქვეყანაში რეგისტრირებული არ არის);
ბ) „ტეტრაციკლინი 1% თვალის მალამო“ - საქართველოში რეგისტრირებულია რუსული, სომხური და უზბეკური წარმოების. ასევე, გასათვალისწინებელია, რომ გამოყენება არ არის დაშვებული 8 წლამდე ასაკში;
გ) „ერითრომიცინი 10 000 ს.ე/გ 10გ თვალის მალამო“ - რეგისტრირებულია რუსული წარმოების. არ არის ბაზარზე.
აღნიშნული ინფორმაცია ჩვენს მიერ გადამოწმებული იქნა სსიპ წამლის სააგენტოში, სადაც დაადასტურეს წარმოშობის ქვეყნები (ამონარიდი უწყებრივი რეესტრიდან თან ერთვის).
აღნიშნულიდან გამომდინარე, ჩვენი აზრით, აუცილებელია მოწვეული იქნენ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ექსპერტები, რათა გადაწყდეს ზემოხსენებული ფარმაცევტული პროდუქტებიდან ერთ-ერთი შესყიდვის ან მათი სხვა პრეპარატით ჩანაცვლების საკითხი (ეს უკანასკნელი - სამედიცინო ჩვენებებიდან გამომდინარე).
2. სააგენტოს, „იშვიათი დაავადებების მქონე და მუდმივ ჩანაცვლებით მკურნალობას დაქვემდებარებულ პაციენტთა მკურნალობის“ 2019 წლის სახელმწიფო პროგრამის ფარგლებში, დავალებული აქვს ადალიმუმაბის შესყიდვა. ადალიმუმაბი 20მგ/0,2მლ საინექციო ხსნარი, მზა შპრიცი - 20 ერთეული; ადალიმუმაბი 40მგ/0,4მლ (საინექციო ხსნარი, მზა შპრიცი) - 20 ერთეული.
აღნიშნულისთვის, სააგენტომ გამოაცხადა ბაზრის კვლევა, რომელშიც მონაწილეობა მიიღო სს „გეფამ“. აღნიშნულმა ორგანიზაციამ მხოლოდ 40მგ/0,4მლ მზა შპრიცები, 20 ერთეულის ოდენობით. გარმა ამისა, სს „გეფას“ ინფორმაციაში აღნიშნულია, რომ: „ვინაიდან „საქონელი“ არ არის რეგისტრირებული საქართველოში, მზად ვართ, „შემსყიდველის“ შუამდგომლობით უზრუნველვყოთ შემოთავაზებული საქონლის მოწოდება ერთჯერადი იმპორტის საფუძველზე.“ აღნიშნული ინფორმაცია ჩვენს მიერ გადამოწმებული იქნა სსიპ წამლის სააგენტოში, სადაც დაადასტურეს მითითებული ფარმაცევტული საქართველოში რეგისტრირებული არ არის.
აღნიშნულის გათვალისწინებით, მიზანშეწონილად მიგვაჩნია, სამუშაო შეხვედრის გამართვა (საჭიროების შემთხვევაში - ექსპერტთა ჩართულობით), რომელზეც განხილული იქნება ადალიმუმაბის შესყიდვის საკითხები.
წინასწარ გიხდით მადლობას.
საუკეთესო სურვილებით,
ბესიკ დათუკიშვილი
სსიპ სოციალური მომსახურების სააგენტოს
შესყიდვების სამმართველოს უფროსი
ტელ.: 577 730 742