თამუნა,

მოგესალმები მაკედონიიდან. დღეს ვცდილობდი ტელეფონით დაკავშირებას და არ გამომივიდა. მინდა ბოდიში მოგიხადო რომ ასე გაწუხებ და რომ ამ წერილს ვწერ.

დღეს თბილისიდან მაცნობეს შენი თხოვნის თაობაზე.

მინდა გაცნობო რომ 10 ივნისი ჯერ კიდევ წლის დასაწყისში შევათანხმეთ გუნდში და ყველა კონსულტანტს ვინც ამ პროექტში მონაწილეობს ეთხოვა რომ საკუთარი მგზავრობები და მივლინებები ისე დაეგეგმათ რომ 10 ივნისს ყველა უკლებლივ თბილისში ყოფილიყო. ამის შესახებ წლის დასაწყისშივე ვაცნობეთ დაავადებათა კონტროლის ცენტრს - Inception report-ის ფარგლებში. მეც ამიტომ 10-ში გამთენიისას ვბრუნდები თბილისში და ზოგი კონსულტანტი 11-ში გაფრინდება მივლინებაში.

მიუხედავად ამისა მიმაჩნია რომ შენი ყოფნა ამ შეხვედრაზე უაღრესად მნიშვნელოვანია რათა წინ წასასვლელად შენი კომენტარები მოვისმინოთ და გავითვალისწინოთ. თუმცა ჩვენც შეზღუდულები ვართ და თარიღის გადაწევაც რთული იქნება, რადგან ეს სულ მცირე 2-3 კვირით გადადებს შეხვედრას და ძირეული გადაწყვეტილებების მისაღებად სამინისტროს შედეგები უფრო ადრე ჭირდება ვიდრე ეს კონტრაქტით იყო გათვალისწინებული.

სწოედ აქედან გამომდინარე,  ნება მომეცი, შემოგავაზო რომ შეხვედრის თარიღი უცვლელი დარჩეს და შენ როგორც კი მოიცლი ჩვენ შევხვდეთ შემდეგ კვირაში, რომ სრულად გაგაცნო შეხვედრის შედეგები და მიღებული კომენატრები. მოვისმენთ შენს მოსაზრებებს და გავითვალისწინებთ. ამ მიდგომით მიმაჩნია რომ საქმეც არ დააგვიანებს და შენი მოსაზრებების გათვალისიწნების საშუალება გვექნება.

კიდევ ერთხელ გთხოვ მაპატიო ამ შემოთავაზებისთვის.

პატივისცემით,