ლიკა, მოგესალმებით,

გაცნობებთ, რომ გაეროს ქალთა ორგანიზაცია იწვევს ორ მონაწილეს  ტრენინგზე „გენდერი და ეკონომიკა“  საქართველოს ოკუპირებულ ტერიტორიებიდან დევნილთა, შრომის, ჯანდაცვის და სოციალური დაცვის სამინისტროდან. ტრენინგი გაიმართება 2019 წლის 15-19 ივლისს კურორტ „ლოპოტას ტბაზე“.

ტრენინგი შემუშავებული და სერტიფიცირებულია გაეროს ქალთა ორგანიზაციის მიერ. მისი მიზანია ეკონომიკური განვითარების შესახებ ცოდნის ამაღლების ხელშეწყობა. კერძოდ, ეკონომიკური განვითარების ისეთი მიმართულებების, რომლებიც უკეთ ემსახურებიან ადამიანების ყველა ჯგუფის საჭიროებებსა და პრიორიტეტებს - ქალებისა და გოგოების ჩათვლით. ტრენინგის დღის წესრიგის სამუშაო ვერსია თანდართულია. სახელმძღვანელო და დამატებითი ინფორმაცია შეგიძლიათ იხილოთ შემდეგ ბმულზე: http://www.unwomen.org/en/digital-library/publications/2017/10/the-un-women-gender-and-economics-training-manual

ტრენინგს წარუძღვება გენდერისა და ეკონომიკის მსოფლიოში ერთ-ერთი საუკეთესო მკვლევარი, იპეკ იკარაჯანი. იპეკს გენდერისა და ეკონომიკის საკითხებთან დაკავშირებით როგორც კვლევის, ასევე ადვოკატორებისა და საერთაშორისო ორგანიზაციებთან თანამშრომლობის მრავალწლიანი გამოცდილება აქვს და გაეროს ქალთა ორგანიზაციის კურსის „გენდერი და ეკონომიკა“ მთავარ ავტორს წარმოადგენს.

მოგმართავთ თხოვნით, 2019 წლის 3 ივლისის ჩათვლით, გვაცნობოთ ვინ მიიღებს მონაწილეობას ტრენინგში. სასურველია ისეთი კანდიდატების წარდგენა, რომლებსაც გადაწყვეტილების მიღებაზე გავლენის მოხდენა შეუძლიათ. ეკონომიკის ცოდნა სავალდებულო არ არის, რადგან ტრენინგი მოიცავს შესავალს ეკონომიკაში, თუმცა აუცილებელია ინგლისური ენის მაღალ დონეზე ფლობა და ეკონომიკასა და განვითარებასთან დაკავშირებული ძირითადი ტერმინების ცოდნა ინგლისურად (ინგლისური ტრენინგის სამუშაო ენაა). მონაწილეები სრულად უნდა დაესწრონ ტრენინგის 5 დღეს, წინააღმდეგ შემთხვევაში, გაეროს ქალთა ორგანიზაცია უფლებამოსილი არ არის გასცეს სერტიფიკატი.

მადლობას გიხდით წინასწარ თანამშრომლობისთვის.

პატისივისცემით,

ნანი ბენდელიანი