თანახმა ვარ.

თამილა ბარკალაია

მინისტრის მოადგილე

აკ. წერეთლის გამზირი 144,  თბილისი, საქართველო,  0159

მობ:  +995 599 281 281

მოგესალმებით კოლეგებო,

ფინანსები აზუსტებს ტექნიკურ საკითხებს კომპენსაციის დადგენილებაში. კერძოდ:

• ახალი რედაქციით ყალიბდება პროგრამის მე-2 მუხლის პირველი პუნქტის „ზ“ ქვეპუნტი და ზუსტდება, რომ იმავე პუნქტის „ე“ და „ვ“ ქვეპუნქტებით გათვალისწინებულ პირებს (ესენია: ინდივიდუალურ მეწარმეები, მცირე ბიზნესის სტატუსის მქონე მეწარმე ფიზიკური პირები, ფიქსირებული გადასახადის გადამხდელი ფიზიკური პირები, მიკრო ბიზნესის სტატუსის მქონე ფიზიკური პირები („ე“ ქვეპუნქტი) და ნებისმიერი სხვა ფიზიკური პირი (გარდა მე-2 მუხლის პირველი პუნქტის „ა“ და „ე“ ქვეპუნქტებით გათვალისწინებული პირებისა) („ვ“ ქვეპუნქტი)), არ წარმოეშობათ მე-2 მუხლის მე-2 პუნქტის „ე“ ქვეპუნქტის გათვალისწინებული კომპენსაციის (ერთჯერადად 300 ლარის ოდენობის კომპენსაცია) მიღების უფლებამოსილება, თუ მათზე 2020 წელს ფიქსირდება ხელფასის გაცემა. აღნიშნული დაზუსტების აუცილებლობა განპირობებულია იმ გარემოებით, რომ მე-2 მუხლის პირველი პუნქტის „ზ“ ქვეპუნქტის მოქმედ რედაქციაში არსებული ჩანაწერი - „[...ამ პროგრამით გათვალისწინებული კომპენსაციის მიღების უფლებამოსილება არ წარმოეშობათ...]“, შესაძლებელია განმარტებულ იქნეს იმგვარად, რომ ასეთ პირებზე საერთოდ არ გაიცემა ხსენებული სახელმწიფო პროგრამით გათვალისწინებული არცერთი კომპენსაცია, მაშინ როდესაც, ამ ქვეპუნქტის მიზანია, რომ ასეთ პირებზე გაიცეს მხოლოდ  ხელფასის დაკარგვასთან დაკავშირებული კომპენსაცია (მე-2 მუხლის პირველი პუნქტის „ა“ ქვეპუნქტი) და იმავდროულად არ წარმოეშვათ ერთჯერადი 300 ლარის ოდენობის კომპენსაციის მიღების უფლებამოსილებაც;
• სახელმწიფო პროგრამის დანართი ყალიბდება ახალი რედაქციით და ემატება გრაფა, რომლის თანახმადაც, დამსაქმებლების მიერ სსიპ შემოსავლების სამსახურში წარსადგენი ინფორმაცია ასევე უნდა მოიცავდეს ინფორმაციას საანგარიშო თვეში გაცემული საქართველოს საგადასახადო კოდექსის 101-ე მუხლის მე-2 ნაწილი „თ“ ქვეპუნქტით გათვალისწინებული ხელფასის (დამქირავებლის მიერ დაქირავებულისათვის სიცოცხლისა და ჯანმრთელობის დაზღვევის შემთხვევაში ან საპენსიო დაზღვევის ხელშეკრულების მიხედვით სადაზღვევო პრემიის ან სხვა თანხის გადახდისას ამ თანხების ოდენობა) შესახებ. აღნიშნული ინფორმაციის წარდგენის აუცილებლობა განპირობებულია იმ გარემოებით, რომ სახელმწიფო პროგრამის პირველი მუხლის მე-3 პუნქტის „დ“ ქვეპუნქტის თანახმად, ამ პროგრამის მიზნებისათვის ხელფასად არ განიხილება დაქირავებულის მიერ დამქირავებლისაგან მიღებული საქართველოს საგადასახადო კოდექსის 101-ე მუხლის მე-2 ნაწილის „თ“ ქვეპუნქტით გათვალისწინებული სადაზღვევო პრემია ან სხვა თანხა. შესაბამისად, პროგრამის ადმინისტრირების მიზნებისათვის საჭიროა აღნიშნული თანხების შესახებ ინფორმაციის სსიპ შემოსავლების სამსახურისთვის წარდგენა.

გთხოვთ თქვენს თანხმობას ჩვენის მხრიდან ვიზირების მიზნით, ელ.მთავრობის პროგრამაში 16467.

პატივისცემით,

ნათია