მოგესალმებით კოლეგებო,

რა თქმა უნდა ვეთანხმებით იურიდიული დეპარტამენტის პოზიციას იმის თაობაზე, რომ მხარი უნდა დავუჭიროთ კანონპროექტს, თუმცა, რაც შეეხება შენიშვნებისა და წინადადებებს, მიზანშეწონილად მიგვაჩნია მხოლოდ 1-ლი პუნქტის გათვალისწინება;

მე-2 პუნქტის შესახებ - აღნიშნული ფორმულირება ისედაც არის კანონის მოქმედ ვერსიაში, ემატება მხოლოდ სიტყვა „სავალდებულო“; ანუ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს აცრების ზედამხედველობის კომპეტენცია, ისედაც გააჩნია და ასრულებს არა ცალკეულ პირებზე დევნით, არამედ შესაბამისი სახელმწიფო პროგრამების განხორციელებითა და მონიტორინგით (მათ შორის სამედიცინო სერვისის მიმწოდებლების მიერ წარმოდგენილი ანგარიშების საშუალებით), სამედიცინო დაწესებულებების მარეგულირებელი ნორმებით, პირველადი ჯანდაცვის ქსელზე ზედამხედველობის განხორციელებით, ასევე შესაბამისი ნორმებისა და რეგლამენტების შემოღებით, რომელიც განსაზღვრავს საგანმანათლებლო და სააღმზრდელო დაწესებულებებში მიღებისას წარსადგენი სამედიცინო ცნობების (რომელიც უნდა მოიცავდეს სრულ ინფორმაციას ჩატარებული აცრების, მათ შორის უკუჩვენებების და ა.შ. შესახებ ინფორმაციას) შემოღებას და ა.შ.

მე-3 პუნქტის შესახებ - სხვადასხვა სფეროებში დასაქმებული აუცრელი კონტიგენტისათვის განსხვავებული რეჟიმის შემოღებასთან დაკავშირებით მთავრობის უფლებამოსილებასთან დაკავშირებით ჩანაწერის დამატება, ჩვენი აზრით, არ არის აუცილებელი, რადგანაც „საზოგადოებრივი ჯანმრთელობის შესახებ“ საქართველოს კანონის მე-7 მუხლის მე-4 პუნქტის „ბ“ და „დ“ ქვეპუნქტებით სამინისტროს აქვს ვალდებულება განსაზღვროს

ბ) „იმ საქმიანობათა ნუსხა, რომლებისთვისაც სავალდებულოა პროფილაქტიკური იმუნიზაცია“;

დ)„იმ დაწესებულებების ნუსხა, სადაც ფიზიკური პირის დასაქმება დაიშვება მხოლოდ პროფილაქტიკური იმუნიზაციის ჩატარების შემდეგ“.

რაც შეეხება შენიშვნების ფორმულირებას იხ. მიბმული ფაილი.

პატივისცემით,

მარინე ბაიდაური

მოგესალმებით კოლეგებო,

როგორც იცით, ინიცირებულია კანონპროექტი სავალდებულო იმუნიზაციის შესახებ, რომლის მიხედვით მშობელი/კანონიერი წარმომადგენელი ვალდებულია, აცრას ბავშვი, ხოლო ამ პროცესზე ზედამხედველობა სამინისტროს კომპტენეციაა.

ჩვენ მოვამზადეთ გასაგზავნი შენიშვნების დრაფტი, გიგზავნით კანონპროექტთან ერთად და გთხოვთ, ორშაბათს გვაცნობოთ თქვენი პოზიცია, რამდენად მისაღებია დასკვნის ასეთი რედაქცია.

პატივისცემით, შორენა