ძვირფასო თამუნა, დილამშვიდობის, 

კიდევ ერთხელ დიდი მადლობა სოციალური მომსახურების სააგენტოს დირექტორის მოადგილის თანამდებობის შემოთავაზებისთვის. ძალიან ბევრი ვიფიქრე ეს დღეები, თითქმის დადებით გადაწყვეტილებამდეც კი მივედი  მიმეღო ეს გამოწვევა, მაგრამ მაინც მიწევს უარის თქმა და ამ წერილით მინდა ავხსნა უარის თქმის მთავარი არგუმენტი. 

ჩემი ხედვით ამ ეტაპზე სისტემის კრიზისის დასაძლევად და მისი რეფორმირებისთვის  საჭიროა ჩვენი მუშაობა "განვითარების სცენარით" წარიმართოს, როცა  სისტემის ეფექტიანობის გაუმჯობესებისათვის სათანადო დამატებითი რესურსის მობილიზება შესაძლებელია. ჩემი აზრით, სოციალურ სფეროში მეტი რესურსების ინვესტირების პოლიტიკური მზაობა მთავრობას  არ აქვს. უკეთეს შემთხვევაში, ასეთი მზაობის შექმნისათვის მუშაობაა საჭირო. ასეთ მუშაობაში  გარედან უფრო დაგეხმარებით ვიდრე სისტემაში ჩემი ჩართვის შემთხვევაში. თანამდებობაზე ჩემი ყოფნისას ვერც მე და ვერც ასოციაცია კრიტიკული ვერ ვიქნებით მთავრობის ნაბიჯებისადმი. არადა მთავრობას შეუძლია ყველა ჩვენს  გემგას ხაზი გადაუსვას არასათანადო დაფინასებით. ასეთი რამ მათთვის უფრო ადვილი გასაკეთებლი იქნება, როცა მე ვიქნები დაგეგმვაში ჩართული, რამდენადაც მე პოლიტიკური ზურგი არა მაქვს და განტევების ვაცის როლში იოლად აღმოვჩნდები. 

ძალიან ვწუხვარ, რომ უარის თქმა მიწევს და ვიმედოვნებ, რომ გამოინახება გზები სისტემაში არსებული კრიზის დასაძლევად, ხოლო ჩვენ კი ერთობლივი მუშაობის შესაძლობა მოგვეცემა მომავალში.  

პატივისცემით,

სალომე