მოგესალმებით კოლეგებო,

გაცნობებთ, რომ საქართველოს საკონსტიტუციო სასამართლო მიმდინარე წლის 19 სექტემბერს განიხილავს მოქალაქე გივი კაპანაძის N1317 კონსტიტუციურ სარჩელს.

სარჩელი განსახილველად არის მიღებული იმ ნაწილში, რომელიც შეეხება „„ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულებების ანაზღაურების წესის“ დამტკიცების თაობაზე“ საქართველოს შრომის, ჯანმრთელობისა და სოციალური დაცვის მინისტრის 2006 წლის 25 აგვისტოს №231/ნ ბრძანებით დამტკიცებული წესის მე-5 მუხლის პირველი პუნქტის „ა“ ქვეპუნქტისა (1. ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო დახმარების გაცემის/შვებულების ანაზღაურების საფუძველს წარმოადგენს: ა) დასაქმებულზე/საჯარო მოსამსახურეზე შევსებული საავადმყოფო ფურცელი) და მე-9 მუხლის მე-7 პუნქტის (ორსულობის, მშობიარობისა და ბავშვის მოვლის გამო შვებულება და შესაბამისად ანაზღაურება ორსული (მშობიარე) ქალის ოჯახის წევრებს არ მიეცემათ, გარდა იმ შემთხვევისა, როცა მშობიარე ქალის გარდაცვალების გამო ცოცხალი ბავშვის დაბადების შემთხვევაში, დახმარებას ღებულობს ბავშვის მამა ან მეურვე პირი.) კონსტიტუციურობას საქართველოს კონსტიტუციის მე-11 მუხლის პირველ პუნქტთან (თანასწორობის უფლება) და 26-ე მუხლის პირველ პუნქტთან (შრომის თავისუფლება) მიმართებით.

გთხოვთ, უზრუნველყოთ წერილობითი პოზიციის წარმოდგენა დავის საგანთან დაკავშირებით და შესაბამისი კანდიდატის წარმოდგენა, რომელიც საქართველოს საკონსტიტუციო სასამართლოში, იურიდიულ დეპარტამენტთან ერთად წარმოადგენს სამინისტროს.

ამავდროულად, მიმდინარე კვირაში 12 ან 13 სექტემბერს ჩაინიშნება სამუშაო შეხვედრა, რის თაობაზეც გეცნობებათ დამატებით.

დამატებით:

როგორც თქვენთვის ცნობილია, საკონსტიტუციო სასამართლო განიხილავდა საქართველოს მოქალაქეების - ლაშა ჩალაძე, გივი კაპანაძე და მარიკა თოდუამსგავსი შინაარსის სარჩელს სადაც დავის საგანი იყო:

ა) საქართველოს ორგანული კანონის „საქართველოს შრომის კოდექსის“ 27-ე მუხლის პირველი პუნქტის, 28-ე, 29-ე მუხლების, „ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულების ანაზღაურების წესის“ დამტკიცების თაობაზე საქართველოს შრომის, ჯანმრთელობისა და სოციალური დაცვის მინისტრის 2006 წლის 25 აგვისტოს №231/ნ ბრძანების N1 დანართის მე-6 მუხლის პირველი წინადადების, მე-10 მუხლის მე-6 პუნქტის, „დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის №281/ნ ბრძანების N1 დანართის მე-6 მუხლის მე-6 პუნქტის კონსტიტუციურობა საქართველოს კონსტიტუციის მე-14 მუხლთან მიმართებით;

ბ) საქართველოს მოქალაქეების გივი კაპანაძისა და ლაშა ჩალაძის სასარჩელო მოთხოვნის ნაწილში ასევე - საქართველოს ორგანული კანონის „საქართველოს შრომის კოდექსის“ 27-ე მუხლის პირველი პუნქტის, 29-ე მუხლის, „ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულების ანაზღაურების წესის“ დამტკიცების თაობაზე საქართველოს შრომის, ჯანმრთელობისა და სოციალური დაცვის მინისტრის 2006 წლის 25 აგვისტოს №231/ნ ბრძანების N1 დანართის მე-6 მუხლის პირველი წინადადების, მე-10 მუხლის მე-6 პუნქტის, „დროებითი შრომისუუნარობის ექსპერტიზის ჩატარების და საავადმყოფო ფურცლის გაცემის წესის შესახებ“ საქართველოს შრომის, ჯანმრთელობისა და სოციალური დაცვის მინისტრის 2007 წლის 25 სექტემბრის №281/ნ ბრძანების N1 დანართის მე-6 მუხლის მე-6 პუნქტის კონსტიტუციურობა საქართველოს კონსტიტუციის 30-ე მუხლის პირველ და მე-4 პუნქტებთან, 36-ე მუხლის პირველ და მე-2 პუნქტებთან მიმართებით.

სასამართლომ რიგ მოთხოვნათა ნაწილში არ მიიღო განსახილველად წინამდებარე სარჩელი, ხოლო დანარჩენ ნაწილში შეწყდა საქმის წარმოება. ხსენებულ საქმესთან დაკავშირებით სამინისტროს მიერ მომზადდა პოზიცია, რასაც მოცემულ შემთხვევაში გივი კაპანაძის სარჩელთან და სასამართლოს საოქმო ჩანაწერთან ერთად გიგზავნით დანართის სახით.

პატივისცემით,

ბექა პატარაია