მოგესალმებით!

ნათია, გმადლობთ მოწოდებული პროექტისთვის.

დებულების პროექტის მეორე მუხლის, სააგენტოს ფუნქცია-უფლებამოსილებების ნაწილში, ვფიქრობ უმჯობესია ფუნქციების ჩამონათვალი არ დავიწყოთ შრომითი მიგრაციის მიმართულებით, რადგან მთავრობის პრიორიტეტს ვაჟღერებთ, როგორც: დასაქმების და შრომის ბაზრის აქტიური პოლიტიკის გამართვა და ეფექტიანი გატარება, მათ შორის, საზღვარგარეთ საქართველოს მოქალაქეებისთვის დროებითი ლეგალური დასაქმების  შესაძლებლობების შექმნა. ამდენად, სასურველია, მეორე მუხლის პუნქტები „ა-თ“ გადატანილ იქნას „ჟ“-ს შემდეგ.

„ე“ პუნქტში თქვენს მიერ მონიშნული ფრაზა სამინისტროს შრომითი მიგრაციის სამმართველოს ფუნქციებს შორის გვიწერია.

„ბ“ პუნქტი, საერთაშორისო ხელშეკრულებებით განსაზღვრული ფუნქციების შესრულების ხელშეწყობის შესახებ, ვფიქრობ სასურველია, შრომით მიგრაციასთან ერთად, გავრცელდეს შრომის და დასაქმების უფრო ფართო სფეროზე. ასევე სასურველია ის მოსდევდეს „ჟ“ პუნქტს, შემდეგ კი - ა,გ,დ.....

რამდენად დეტალურად უნდა იყოს გაწერილი ამ დოკუმენტში სააგენტოს ფუნქციები მათ შორის შრომითი მიგრაციის კუთხით? პუნქტი „დ“ არის, შრომითი მიგრაციის კუთხით, სააგენტოს ერთ-ერთი უმთავრესი, განზოგადებული ფუნქცია (დეტალური ჩვენ გავწერეთ და საბოლოო ქ-ნ თამილას უნდა ჰქონდეს). თუ დავტოვებთ ამგვარი განზოგადებული სახით, ხოლო დეტალურად სხვა შესაბამის დოკუმენტში გაიწერება, მაშინ, ვფიქრობ სასურველია „დ“ პუნქტში ამოვიღოთ „ხელშეწყობა“ - რადგან სააგენტოს მთავარი დატვირთვა შრომითი მიგრაციის კუთხით, იქნება გაფორმებული ხელშეკრულებებით ამოქმედებული სქემების განხორციელება.

აბა დროებით,

თეა ახვლედიანი

მოგესალმებით ქ-ნ თამუნა, ქნ თეა,

გიგზავნით დასაქმების სსიპ-ის დებულების პირველად ვერსიას.

გთხოვთ განიხილოთ და მოგავწოდოთ თქვენი წინადაებები/შენიშვნები/რეკომენდაციები.

პატივისცემით,

ნათია ხმალაძე