მოგესალმებით,

გაცნობებთ, რომ საქართველოს მაისის პირველ კვირაში მასპინძლობს MAPS-ის მისიას. MAPS ითვალისწინებს გაეროს წევრი ქვეყნების მხარდაჭერას მდგრადი განვითარების მიზნების (SDGs) დანერგვის და განხორციელების პროცესში. MAPS პროექტის შეფასებას აქვს შემდეგი სამი კომპონენტი:

1. მეინსტრიმინგი - პროექტის ეს ნაწილი ეხმარება ქვეყნებს გაეროს მიზნების ეროვნულ მიზნებად გადაქცევაში, არგებს მათ ეროვნულ საჭიროებებს და გეგმებს, სტრატეგიებს და ბიუჯეტს.
2. აქსელერაცია - ხდება პრიორიტეტებისა და გამოწვევების იდენტიფიცირება, მუშავდება არსებული დანაკლისის დაფინანსების სქემები ყველა სექტორში, როგორც სახელწმიფო ბიუჯეტით ასევე დონორული დახმარებით.
3. პოლიტიკის მხარდაჭერა - ხდება გაეროს ყველა სააგენტოს და ორგანოს ექსპერტთა ცოდნის მობილიზება, ქვეყნების თემატური პოლიტიკის ექსპერტიზის მხარდაჭერის მიზნით.

MAPS-ის გუნდმა, რომელიც დაკომპლექტებულია ადგილობრივი და საერთაშორისო ექსპერტებისგან და რომელსაც კოორდინაციას უწევს გაეროს საქართველოს ოფისი,  მიმდინარე წლის იანვრიდან დაიწყო მუშაობა. მდგრადი განვითარების მიზნების განხორციელების შესაფასებლად გუნდის მიერ:

1. შემოწმდა ორმოცდაათზე მეტი ეროვნული და ადგილობრივი სტრატეგია და ეროვნული ბიუჯეტი, გაანალიზდა აღნიშნულ დოკუმენტებში მდგრადი განვითარების მიზნების ინტეგრაციის მასშტაბი და ნაკლოვანებები.
2. შეფასების შედეგებზე დაყრდნობით, შემუშავდა SDG კომპლექსურობის და ინდიკატორების დაფა, რომელმაც ადგენს ურთიერთკავშირებს და უკუკავშირებს მიზნებს/ამოცანებს შორის, ასევე შემაფერხებელ და მამოძრავებელი ფაქტორებს.

ზემოაღნიშნული სამუშაოების განხილვისა და ვალიდაციის მიზნით, გეპატიჟებით 2 დღიან სამუშაო შეხვედრაზე 7-8 მაისს კაჭრეთში, სასტუმრო „ამბასადორი“. სამუშაო შეხვედრა იმართება გაეროს საქართველოს ოფისის მიერ მდგრადი განვითარების მიზნების საბჭოსთან  და საქართველოს მთავრობის ადმინისტრაციასთან მჭიდრო კოორდინაციით.

სამუშაო შეხვედრაზე სამთავრობო უწყებებისა  და არასამთავრობო ორგანიზაციების/სამეცნიერო წრეების წარმომადგენლები განიხილავენ ანალიტიკური სამუშაოს შედეგებს და წარმოადგენენ თავიანთ შენიშვნებს და რეკომენდაციებს.

სამუშაო შეხვედრის ფარგლებში მონაწილეები ჩაერთვებიან პრაქტიკულ აქტივობებში მდგრადი განვითარების მიზნების 5 პრინციპის (P-ს) გარშემო: People (ადამიანები), Prosperity (კეთილდღეობა), Planet (პლანეტა), Peace (მშვიდობა) და Partnerships (პარტნიორობები). ამიტომ, თემატური ცოდნისა და გამოცდილების კუთხით, თითოეული უწყების მონაწილეობა  მათ შორის მაღალ დონეზე უაღრესად მნიშნველოვანია.

ამასთან, როგორც, თქვენთვის უკვე ცნობილია 7-8 მაისის სამუშაო შეხვედრის მომზადების მიზნით 25 აპრილს გაიმართება 2 საათიანი სამუშაო შეხვედრა, სადაც MAPS-ის მისიაში მონაწილე ექსპერტები მოკლე პრეზენტაციას ჩაატარებენ შემდეგ საკითხებზე:

-       რა არის MAPS;

-       რა სამუშაო ჩატარდა საქართველოში MAPS-ის მისიის მოსამზადებლად;

-       როგორ უნდა მოემზადონ სახელმწიფო უწყებები 7-8 მაისის შეხვედრისთვის.

მიზანშეწონილია, რომ ამ შეხვედრას დაესწროს თითოეული უწყების 1 წარმომადგენელი მაინც, რომელიც მონაწილეობს 7-8 მაისის შეხვედრაშიც.

გთხოვთ, დაგვიდასტურეთ თქვენი მონაწილეობა:

1.       მიმდინარე წლის 24 აპრილამდე, 25 აპრილის მოსამზადებელ შეხვედრაზე, მეილზე: rusudan.tushuri@gmail.com

შეხვედრის დრო: 25 აპრილი; 14:30-17:00

შეხვედრის ადგილი: გაეროს სახლი, 1 სართული, მთავარი შეხვედრების დარბაზი; მისამართი: რ. ერისთავის 9, თბილისი

2.       მიმდინარე წლის 30 აპრილამდე, 7-8 მაისის სამუშაო შეხვედრაზე, მეილზე: sdgcouncil@gov.ge  

შეხვედრის დრო: 7-8 მაისი

შეხვედრის ადგილი: სასტუმრო „ამბასადორი“, კაჭრეთი

გთხოვთ, იხილეთ დანართის სახით:

1.       7-8 მაისის შეხვედრის დღის წესრიგი;

2.       7-8 მაისის ღონისძიების კონცეფცია;

3.       მოკლე ინფორმაცია MAPS-ის შესახებ;

4.       7-8 მაისის სამბუსაო შეხვედრის შესახებ ლოგისტიკური ინფორმაცია.

პატივისცემით,