·         კოვიდ 19-ით გამოწვეული დაავადების გავრცელების პრევენციის მიზნით სოციალური დაცვის მიმართულებით განხორციელდა მთელი რიგი ღონისძიებები. კერძოდ, შესაბამისი სამიზნე ჯგუფისთვის უწყვეტად უგრძელდება სახელმწიფო პენსიის, კომპენსაციის, სოციალური პაკეტის და სხვა გასაცემლების გაცემა. შეზღუდული შესაძლებლობის სტატუსის დამადასტულებელ დოკუმენტებს შეუნარჩუნდათ იურიდიული ძალა. უწყვეტად გაგრძელდა სოციალურად დაუცველი ოჯახებისათვის გათვალისწინებული ყოველთვიური დახმარების - საარსებო შემწეობის გაცემა და მთ მიმართ ადმინისტრირების ორგანოს - სსიპ სოციალური მომსახურების სააგენტოს მიერ არ განხორცილებულა დახმარების შეჩერება/შეწყვეტის ღონისძიებები. გამომდინარე იქიდან, რომ ხანდაზმულები და შეზღუდული შესაძლებლობის მქონე პირები კოვიდ 19-ით დაავდების რისკ-ჯგუფს განეკუთვნება, სსიპ-სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს მიერ, რომელიც ქვეყანაში მეურვეობა-მზრუნველობის ცენტრალური ორგანოა, კორონავირუსის გავრცელებასთან დაკავშირებით რისკების მინიმალიზაციის მიზნით, 24 საათიან დაწესებულებებში მყისიერად, მაქსიმალურად შეიზღუდა გარეშე პირების შენობაში შესვლა; ბენეფიციარებს მაქსიმალურად აეკრძალათ საზოგადოებრივი თავშეყრის ადგილებში სიარული და მხოლოდ აუცილებლობის შემთხვევაში ტოვებენ საცხოვრებელ ტერიტორიას; ყველა 24 საათიან  სერვისში ხორციელდება სადეზინფექციო სამუშაოები და ყველა რეკომენდაცია, რაც საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის შესაბამისი ბრძანებით არის განსაზღვრული.  კოვიდ-19-ის გავრცელების მიზნით მოეწყო სპეციალური საკარანტინო სივრცე, სადაც თავსდებიან სახელმწიფო მზრუნველობაში მყოფი ისეთი ბენეფიციარები, რომლებიც იმყოფებოდნენ მომსახურების გარეთ და დაუდგენელია მათი კონტაქტები და მხოლოდ 14 დღიანი კარანტინის გავლის შედმეგ ხდება მათი გადაყვანა შესაბამის 24 საათიან დაწსებულებაში.

·         მხარდაჭერის ღონისძიებები განხორციელდა „სოციალური რეაბილიტაციის და ბავშვზე ზრუნვის პროგრამის“ ფარგლებშიც, სოციალური სერვისების კუთხით.  კერძოდ, დაფინანსება გაუგრძელდა სხვადასხვა ქვეპროგრამების ფარგლებში მომსახურების მიმწოდებელ ორგანიზაციებს (ბავშვთა ადრეული განვითარების, ბავშვთა აბილიტაცია/რეაბილიტაციის, დღის ცენტრების ქვეპროგრამებს და ა.შ), დღის ცენტრების ბენეფიციარებისთვის გაიცემა კვების ვაუჩერი, რათა შენარჩუნდეს სოციალური სერვისი. გარდა ამისა,  სხვადასხვა ქვეპროგრამის ფარგლებში გაეროს ბავშვთა ფონდისა და მაკლეინის ასოციაციის მხარდაჭერით სოციალური სერვისების უწყვეტობის შენარჩუნების მიზნით დაინერგა მომსახურების დისტანციური სერვისები ბენეფიციარებისთვის, მათი ოჯახებისთვის.