მოგესალმებით,

გიგზავნით პასუხს, ადმინისტრაციის საერთაშორისო ურთიერთობებისა და პროტოკოლის სამმართველოს უფროსის მ/შ - მაია ნიკოლეიშვილის წერილთან დაკავშირებით.

სამკურნალო საშუალებები:

 Creon capsules, Movicol, Amboroxol, Salbumatol drops, inhalation therapy with saline solution, ELIQUIS, Acetylsalicylic Acid/ASS, METOPROLOL,

RAMIPRIL, RANEXA, SIMVASTATIN, PANTOPRAZOL და NOVAMINSULFON

არ  ექვემდებარება სპეციალურ კონტროლს და ფიზიკური პირის ინდივიდუალური საჭიროებისათვის, საქართველოს ტერიტორიაზე შემოტანა სამედიცინო დოკუმენტაციის გარეშე,  შესაძლებელია არა უმეტეს ათი სტანდარტული შეფუთვისა (საქართველოს შრომის, ჯანმრთელობისა და სოციალური დაცვის მინისტრის, 2011 წლის 15 ივნისის „ფიზიკური პირის ინდივიდუალური საჭიროებისათვის საქართველოს ტერიტორიაზე შემოსატანი და საქართველოს ტერიტორიიდან გასატანი სამკურნალო საშუალებების ოდენობების განსაზღვრის შესახებ“ №01-31/ნ ბრძანების  1-ლი პუნქტის ა) ქვეპუნქტი).

თუ საქართველოს მოქალაქე ფიზიკურ პირს ესაჭიროება სამკურნალო საშუალება ათ სტანდარტული შეფუთვაზე მეტი ოდენობით,მაშინ სამკურნალო საშუალების საჭირო რაოდენობით ქვეყანაში შემოტანა ხორციელდება შესაბამისი სამედიცინო დოკუმენტაციის საფუძველზე, სამკურნალო საშუალების დღიური დოზის გადაანგარიშებით მკურნალობის კურსზე.  აღნიშნული  რეგულირდება ზემოთ მითითებული ბრძანების 1-ლი მუხლის ბ) და გ) ქვეპუნქტებით.