From: Tamar Gabunia <tgabunia@moh.gov.ge>
Date: July 24, 2019 at 12:09:14 PM GMT+4
To: Ekaterine Tikaradze <etikaradze@moh.gov.ge>
Subject: RE: Blood Bank

ქალბატონო ეკა,

მადლობა გამოხმაურებისთვის. თანამედროვე მიდგომები და რეკომენდაციები, რაც ევროკავშირისგან 2018 წელს მივიღეთ ასახულია თანდართულ ფაილში. ამჟამად მიმდინარეობს მუშაობა კონცეფციისა და საკანონმდებლო პაკეტის მომზადებაზე (დრაფტი დამუშავების პროცესშია).

მთავარი აქცენტი არის უანგარო დონორობის ხელშეწყობასა და ბანკების სისტემის ცენტრალიზაციაზე, სისხლის აღების მრავლობითი პუნქტებითა და ტრანსპორტირების გამართული სისტემით. ცენტრალიზაციის პირობებში ხარისხის კონტროლის შესაძლებლობა გაცილებით უკეთესია. ევროკავშირი ჩვენი პოპულაციის გათვალისწინებით თვლიდა, რომ 2 ბანკი სრულად მოიცავს ქვეყნის საჭიროებას. თუმცა აქ გასათვალისწინებელი იქნება ქვეყნის რეგიონული მოწყობაც, ტრანსპორტირების შესაძლებლობა, ხარჯები და რელიეფური სირთულეებიც. ამ დეტალების დამუშავებას გარკვეული დროს დასჭირდება. ნებისმიერ შემთხვევაში, სახელმწიფო საკუთრებაში არსებული, მძლავრი ცენტრალური სისხლის ბანკის შექმნა თბილისში სრულად ესადაგება თანამედროვე მიდგომებს სისტემის სამომავლო მოწყობის თაობაზე.

 

პატივისცემით,

თამარ გაბუნია

მინისტრის მოადგილე

 

Sincerely,

Tamar Gabunia, MD, MPH

Deputy Minister