გაცნობებთ, რომ პაციენტ ბრაგაძე ოთარს,  2020  წლის   თებერვალში   დიაგნოსტირებული აქვს P. ovale-თი გამოწვეული მალარიის ინფექცია ( შემთხვევა  არის შემოტანილი აფრიკიდან ). ჩატარებული აქვს შესაბამისი პროტოკოლით გათვალისწინებული   მკურნალობის სრული  კურსი არტემიზინების  კომბინირებული წარმოებულებით  და ასევე, მიღებული აქვს დაავადების რეციდივის პროფილაქტიკისათვის პრიმაქინის 14  დღიანი კურსი. თუმცა მას, ამჟამად, ისევ აღენიშება  P. ovale-თი გამოწვეული მალარიის რეციდივი.  მიზანშეწონია პაციენტს მკურნალობა ჩაუტარდეს ქლოროქუინით, თუმცა აღნიშნული პრეპარატი( ისევე როგორც სხვა ანტიმალარიული წამლები)  პარაზიტოლოგიის ინსტიტუტს არ გააჩნია და ვერ ახერხებს  სააფთიაქო ქსელიდან შემოტანას.

აქვე, გაცნობებთ, რომ აღნიშნულმა  პაციენტმა 01.04.2020-ს  ამბულატორულად მომართა  პარაზიტოლოგიის ინსიტუტს,  სადაც ჩაუტარდა მხოლოდ სისხლის სქელი წვეთის და ნაცხის გამოკვლევა  მალარიას პლაზმოდიუმზე. პაციენტმა  უარი განაცხადა სხვა კლინიკური კვლევების  ჩატარებაზე. ( მისი გადმოცემით,  ანალიზები ჩაბარებული  ჰქონდა სხვა კლინიკაში). ინსტიტუტში  მომართვისას, პაციენტი იყო უსიმპტომი, აფებრილური და იმ მომენტისათვის მისი  დიაგნოზი იყო დაუზუსტებელი. გამომდინარე ქვეყანაში შექმნილი საგანგებო ვითარებისა, პაციენტის არ დაელოდა ტესტის პასუხს და გაემგზავრა  თელავში. საღამოს შედგა სატელეფონო კომუნიკაცია  ჩემს და აღნიშნულ პაციენტს შორის. მას მიეწოდა ინფორმაცია დიაგნოზის  და ასევე, ქლოროქუინის დეფიციტის შესახებ. ჩემს მიერ ასევე, ნანახი იყო სხვა კლინიკური ანალიზების შედეგები, რომლებიც  იყო  დამაკმაყოფილებელი. გამომდინარე, იქიდან რომ ამ ეტაპზე ვერ ხერხდებოდა პაციენტის უზრუნველყოფა ქლოროქუინით, მას მიეცა რეკომენდაცია კოარტემის  (საკუთარი)  გამოყენების, რაც გამოიწვევდა ინფექციის პროგრესის შეჩერებას ალტენატიული წამლის პრობლემის გადაჭრამდე.  ამასთან, პაციენტის ზოგადი მდგომარეობა,  კლინიკურ- ლაბორატორიული მონაცემები, პარაზიტემიის დაბალი ხარისხი,  ისევე როგორც მალარიის აღნიშნული ფორმა( არა P.  falciparim-ით გამოწვეული ) იძლეოდა ამბულატორული მკურნალობის შესაძლებლობას.