• 7 წელია ვისმენთ „ნაციონალური მოძრაობის“ და მათი პროპაგანდისტული მანქანის სიცრუეს იმასთან დაკავშირებით, რომ ქუთაისის საერთაშორისო უნივერსიტეტის პროექტს რეალურად არავინ განხორციელებს და თითქოს ეს ცრუ დაპირებაა.
ამასთანავე, ჩვენ კარგად გვახსოვს ოპონენტების აბსურდული განცხადებები, თითქოსდა, „ქართული ოცნების“ ხელისუფლებას რეგიონების ბედი არ ანაღვლებს და ქუთაისს, როგორც ქვეყნის ერთ-ერთ მთავარ ქალაქს, მნიშვნელობასა და ფუნქციას შეგნებულად უკარგავს.
• ქუთაისის საუნივერსიტეტო ქალაქის გრანდიოზული პროექტი ბიძინა ივანიშვილის ოჯახის კიდევ ერთი მასშტაბური საქველმოქმედო პროექტი და უპრეცენდენტოდ მსხვილი ინვესტიციაა საქართველოს განათლების სფეროში.
ბიძინა ივანიშვილს, განათლების დარგში, სხვადასხვა პროექტებით ჯამურად მილიარდამდე ლარი აქვს დახარჯული.
(სწორედ ამ ოჯახის სახელს უკავშირდება: საქართველოს მასშტაბით სკოლების ინვენტარიზაცია - კომპიუტერიზაცია; სკოლების აღდგენისა და რესტავრაციის პროგრამა; თსუ-ს პირველი კორპუსის, საჯარო ბიბლიოთეკის, სამხატვრო აკადემიის, თბილისის კონსერვატორიის რესტავრაცია; ფრანგული სკოლის მშენებლობა; სან დიეგოს სახელმწიფო უნივერსიტეტის საგანმანათლებლო სტუდენტური პროექტების დაფინანსება; ბოტანიკის ინსტიტუტის მშენებლობა; ქართველი სტუდენტების საფრანგეთში სწავლების დაფინანსების პროგრამა; მეცნიერებათა აკადემიის საქველმოქმედო დაფინანსების პროგრამა; პროფესორ-მასწავლებლების, მეცნიერების საქველმოქმედო დაფინანსება და განათლების სფეროში განხორციელებული სხვა მრავალი საქველმოქმედო პროექტი).
• დღეს, საზოგადოება საკუთარი თვალით ხედავს, რომ სწორედ ქუთაისში ხორციელდება საუნივერსიტეტო ქალაქის გრანდიოზული პროექტი და საქართველოს დამოუკიდებლობის აღდგენის შემდეგ, პირველად ფუძნდება სახელმწიფო უნივერსიტეტი, რომელიც რეგიონში მეცნიერებისა და ტექნოლოგიების საერთაშორისო ცენტრი იქნება!
• ქუთაისის საერთაშორისო უნივერსიტეტში განთავსდება ადრონული თერაპიის ცენტრიც. მოგეხსენებათ, ამ ცენტრის განთავსება, თავდაპირველად თბილისის ტექნოლოგიურ ინსტიტუტში იყო ჩაფიქრებული; თუმცა, პროექტი დაიხვეწა, განიცადა ოპტიმიზაცია, შესაბამისად, ადრონული თერაპიის ცენტრი ქუთაისის საუნივერსიტეტო ქალაქში გადავა!
(რაც შეეხება თბილისში დაგეგმილ მასშტაბურ პროექტს, რა თქმა უნდა, ამ პროექტშიც მსხვილი ინვესტიცია ჩაიდება და პროექტის დასრულების შემდეგ, მივიღებთ მულტიფუნქციურ, თანამედროვე ტექნიკით აღჭურვილ ცენტრს, სადაც რამდენიმე სამეცნიერო კვლევითი ინსტიტუტი განთავსდება)
• ქუთაისისთვის საუნივერსიტეტო ქალაქის ფუნქციის მინიჭების იდეა სწორედ ბიძინა ივანიშვილის ოჯახს უკავშირდება! ქუთაისის საუნივერსიტეტო ქალაქის პროექტი ყველაზე დიდი და მასშტაბური პროექტია საქართველოს განათლების სისტემაში.
ამ პროექტის საერთო ბიუჯეტი - მილიარდი ევროა, რომელსაც სრულად აფინანსებს საერთაშორისო საქველმოქმედო ფონდი „ქართუ“.
ხაზგასმით აღსანიშნავია, რომ ბიძინა ივანიშვილის ოჯახის გადაწყვეტილებით, მომავალში ფონდი „ქართუ” დარჩება უნივერსიტეტის კერძო დამფინანსებლად და არ იქნება მესაკუთრე. საუნივერსიტეტო კომპლექსი - სახელმწიფო უნივერსიტეტი, მთელი ქვეყნის საკუთრება იქნება!
ეს არა კლასიკური, მოგებაზე გათვლილი ინვესტიცია, არამედ უპრეცედენტო, მილიარდ ევროიანი ქველმოქმედებაა და თამამად შეიძლება ვთქვათ, რომ საქართველოს ისტორიაში, მსგავსი მასშტაბის ქველმოქმედება არ განხორციელებულა !!!
• მოგეხსენებათ, „ქართული ოცნების“ ხელისუფლებამ განათლება, ჩვენს ახალ, ეროვნულ იდეად გამოაცხადა.
ჩვენ განვაცხადეთ, რომ განათლების სფეროზე მიმართულ ბიუჯეტი მუდმივად გაიზრდება და მთლიანი შიდა პროდუქტის 6%-ს მიაღწევს.
ძალიან მნიშვნელოვანია, რომ ამ შემთხვევაშიც, ივანიშვილების ოჯახის უმსხვილესი ინვესტიცია - ქუთაისის საუნივერსიტეტო ქალაქის გრანდიოზული პროექტი, ნათლად წარმოაჩენს, ამ ოჯახის სახელმწიფოებრივი აზროვნების ალგორითმს;
ბიძინა ივანიშვილს არაერთხელ განუცხადებია და საკუთარი ქმედებებით დაუდასტურებია, რომ ყოველთვის მზადაა დაეხმაროს სახელმწიფოს მნიშვნელოვანი პროექტების განხორციელებაში, დააფინანოს პროექტები, რომელსაც სახელმწიფო ბოლომდე ვერ წვდება.
ანუ, სახელმწიფო აკეთებს თავის მაქსიმუმს, ხოლო იდეალური შედეგის მისაღებად, დარჩენილ ხარჯს სრულად ფარავს ივანიშვილების ოჯახი. ამის არაერთი მაგალითი არსებობს (მაგ. 13 ივნისის სტიქიის შედეგების აღმოსაფხვრელი სამუშაოები.)
ასეთია ამ ოჯახის დამოკიდებულება საკუთარი ქვეყნისადმი და ამ ოჯახის სახით, ასეთი ერთგული შვილები ჰყავს საქართველოს.
*
დამატებითი ინფორმაციისთვის:
• ქუთაისისთვის საუნივერსიტეტო ქალაქის ფუნქციის მინიჭების იდეა ყოფილი პრემიერ-მინისტრის, პოლიტიკური გაერთიანება „ქართული ოცნება-დემოკრატიული საქართველოს“ თავმჯდომარეს - ბიძინა ივანიშვილის სახელს უკავშირდება. ქუთაისის საერთაშორისო უნივერსიტეტის გრანდიოზული პროექტი ყველაზე დიდი და მასშტაბური სამშენებლო პროექტია საქართველოში. პროექტს, რომლის საერთო ბიუჯეტი - მილიარდი ევროა, სრულად აფინანსებს საერთაშორისო საქველმოქმედო ფონდი „ქართუ“.
• ხაზგასმით აღსანიშნავია, რომ ქუთაისის საერთაშორისო უნივერსიტეტი, საქართველოს დამოუკიდებლობის აღდგენის შემდეგ დაფუძნებული პირველი სახელმწიფო უნივერსიტეტია, რომელიც რეგიონში მეცნიერებისა და ტექნოლოგიების საერთაშორისო ჰაბს წარმოადგეს. ეს იქნება სამეცნიერო და სასწავლო სერვისების წამყვანი პროვაიდერი კავკასიის მთელს რეგიონში და საერთაშორისო საგანმანათლებლო სივრცეში საქართველოს პოზიციონირების უმნიშვნელოვანესი კომპონენტი.
• უნივერსიტეტის მენეჯმენტის სისტემა, საგანმანათლებლო მიმართულებები, მკვლევართა და ლექტორთა შერჩევის წესი შესაბამისობაში იქნება მიუნხენის ტექნოლოგიური უნივერსიტეტის (Technical University of Munich, TUM) მართვის სისტემასთან. რომელთანაც ქუთაისის საუნივერსიტეტო ქალაქი 2017 წლიდან თანამშრომლობს. გარდა ამისა, ქუთაისის საერთაშორისო უნივერსიტეტი თანამშრომლობს სამეცნიერო დარგში მსოფლიოს წამყვან სასწავლო და სამეცნიერო ცენტრებთან. უნივერსიტეტში ქართველი და უცხოელი აკადემიური პერსონალი იმუშავებს.
• ქუთაისის საერთაშორისო უნივერსიტეტი თანამედროვე ინფრასტუქტურითა და ტექნოლოგიებით აღჭურვილი საგანმანათლებლო სივრცე იქნება, რომელიც ქართველი და უცხოელი სტუდენტებისთვის საქართველოში მაღალი ხარისხის უმაღლესი განათლების ხელმისაწვდომობას უზრუნველყოფს. სტუდენტების პირველ ნაკადს უნივერსიტეტი 2020 წლის სექტემბერში მიიღებს. ახალგაზრდები შეძლებენ აირჩიონ მათემატიკის, კომპიუტერული მეცნიერების და მენეჯმენტის საგანმანათლებლო პროგრამები.
• ქუთაისის საუნივერსიტეტო ქალაქის განაშენიანების პირველ ფაზაში შენდება 170 ათასი კვადრატული მეტრის ფართის მქონე შენობა-ნაგებობები. ამაში შედის 3 სასწავლო კორპუსი, 3 სტუდენტური საერთო საცხოვრებელი, პროფესორ-მასწავლებელთა საცხოვრებელი კორპუსი, ცენტრალური ბიბლიოთეკა და სასადილო. განვითარების შემდეგ სტადიებზე, აიგება დამატებით 2 სასწავლო კორპუსი, ადრონული თერაპიის ცენტრი, საუნივერსიტეტო კლინიკა, ლაბორატორიები და კვლევით-სამეცნიერო დანიშნულების სხვა ობიექტები.