დამატებითი ინფორმაციისთვის:
კობამდე მისასვლელი არსებული 35 კილომეტრიანი გზა არ არის უსაფრთხო, გადატვირთული და ზვავსაშიშია. არსებული გზის გამტარუნარიანობა არ შეესაბამება ტრანსპორტის მოძრაობის მოცულობას (3-4 ათასი ავტომობილი დღეში - მათ შორის 70% მსუბუქი და 30%- სატვირთო). ამ გზაზე მრავლადაა მაღალი და მკვეთრი მოსახვევები. ზამთარში გზა ყოველწლიურად და წელიწადში საშუალოდ 44 დღით იკეტება.
არსებული გზა სამგზავროდ საშიშია. 2012-2017 წლებში აღრიცხული საავარიო შემთხვევებიდან ექვსი სასიკვდილო შედეგით და 89 სერიოზული დაზიანებებით დასრულდა.
ხადას ხეობის ზამთარში სოფლის დატოვება ან პირიქით, სოფლებში ჩარჩენა უწევთ.
დაბალი გამტარუნარიანობისა და მაღალი ხარჯების გამო, არსებული გზა რეგიონში ტურიზმისა და სოფლის მეურნეობის პოტენციალის ზრდის ერთ-ერთი შემაფერხებელი ფაქტორია.
ქვეშეთი-კობის დამაკავშირებელი ახალი გზის პროექტის ფარგლებში, აშენდება 23 კმ-ანი ორზოლიანი გუდაურის შემოვლითი გზა ქვეშეთსა და კობს შორის; ახალი გზა იქნება 12 კილომეტრით მოკლე, გზაზე გაიჭრება 5 გვირაბი, რომელთა მთლიანი სიგრძე დაახლოებით 11 კილომეტრია. მათ შორის, ყველაზე გრძელი გვირაბი 9 კილომეტრის სიგრძისაა და ამიერკავკასიაში არსებულ გვირებებს შორის ყველაზე გრძელი იქნება.
ახალი გზა და ქვეშეთისა და კობის დამაკავშირებელი გვირაბი უზრუნველყოფს მზარდი საავტომობილო მოძრაობის უსაფრთხო გადაადგილებას მთელი წლის განმავლობაში.
კობში და ხადას ხეობაში ტურიზმი სეზონური ხასიათის აღარ იქნება. გზის პრაქტიკულად არ არსებობის გამო, დღეს ტურისტებისათვის არ არის ხელმისაწვდობი ხადას ხეობა და მისი კულტურულ-ისტორიული ძეგლებიც. ახალი გზა მეტ ტურისტს მიიზიდავს, რაც ეკონომიური საქმიანობის წამოწყების შესაძლებლობებს გაუჩენს ადგილობრივ მოსახლეობას.
ახალი გზა განტვირთავს გუდაურს სატვირთო მანქანებისაგან და მისცემს მას მაღალი სტანდადარტის კურორტად განვითარების საშუალებას.
შესაბამისი კვლევებით/დასლვნებით, პროექტი არ აზიანებს არც გარემოს და არც ტერიტორიაზე არსებულ კულტრულ-ისტსორიული ძეგლებს.
ახალი გზის არსებული საინჟინრო პროექტის შემუშავებამდე შეფასდა რამდენიმე ალტერნატიული მარშრუტი გუდაურის და ხადას ხეობაში, თავად ხადას ხეობის სამი შესაძლო მარშრუტი, განიხილებოდა არსებული გზის აღდგენაც. შერჩეულ მარშრუტზე გვირაბის გაყვანის აუცილებლობა სიღრმისეულმა, მრავალკრიტერიუმიანმა ანალიზმა აჩვენა.
პროექტის მოსამზადებელ ეტაპზე გაიმართა 43-ზე მეტი საჯარო კონსულტაცია ადგილობრივ მოსახლეობასთან, შედგა სამუშაო ჯგუფის შეხვედრები გარემოსდაცვით არასამთავრობო ორგანიზაციებთან, სამეცნიერო ჯგუფებთან. საჯარო განხილვების შედეგად, პროექტში მნიშვნელოვანი ცვლილებები შევიდა. შეხვედრების გაგრძელდება პროექტის მთელი ციკლის პერიოდში.
მიხეილ სააკაშვილის გუშინდელ განცხადებაზე:
როგორც ჩანს, მიხეილ სააკაშვილს დაავიწყდა, რომ ქვეშეთი-კობის ახალი გზის პროექტის განხორციელება თავადაც სურდა და ამ პროექტს მისი მნიშვნელობის გამო „საოცრებასაც“ კი უწოდებდა. საქართველოს ხელისუფლების რუსეთთან კავშირის დაბრალების მანიით შეპყრობილი სააკაშვილი ქვეყნის განვითარების და მისი მოსახლეობის ეკონომიკურად მოძლიერების პრესპექტივებსაც კი აკნინებს და საკუთარ ადრინდელ განცხადებებს ამითაც ეწინააღმდეგება.
(იხ: სააკაშვილის განცხზადბე 2012 წლის აპრილში:
ჩინურ კომპანიასთან დაკავშირებით:
ქვეშეთი-კობის ახალი 13 კმ-იანი გზის მშენებლობაზე ხელშეკრულება გაფორმდა საერთაშორისო ტენდერში გამარჯვებულ კომპანიასთან “China Railway 23rd Bureau Group Co”-სთან. კომპანია 2002 წელს დაფუძნდა და წარმოადგენს მსოფლიოს უმსხვილესი მშენებელი კომპანიის ფილიალს. კომპანიას მთლიანობაში აშენებული აქვს 153 ჩქაროსნული ავტომაგისტრალის 1200 კმ გზა, 400 კმ-ზე მეტი სიგრძის ხიდები და 600 კმ-ზე მეტი სიგრძის გვირაბები.
კომპანია, რომელიც განახორციელებს ქვეშეთი-კობის ახალი გზის მშენებლობას მოქმედებს ყველა საერთაშორისო რეგულაციის და სტანდარტის დაცვით. მას აქვს სრული უფლება აწარმოოს სამუშაოები. არ არსებობს რაიმე ნორმა საერთაშორისო თუ ადგილობრივ კანონმდებლობაში, რომელიც თუნდაც დროებით ზღუდავს კომპანიას სამშენებლო სამუშაოების წარმოებაში.
ამ კომპანიას დედა კომპანიის გადაცდომის გამო დროებით შეეზღუდა მხოლოდ მსოფლიო ბანკის მიერ გამოცხადებულ ტენდერებში მონაწილეობა. თანაც ქვეშეთი-კობის ახალი გზის მშენებლობის ტენდერი ჩატარდა მსოფლიო ბანკის მიერ დროებითი შეზღუდვის დაწესებამდე.
შესაძლო გადაცდომის არსებობის შესახებ მსოფლიო ბანკს სწორედ საავტომობილო გზების დეპარტამენტმა აცნობა. ეს იყო სატენდერო დოკუმენტაციის არასწორად წარდგენასთან დაკავშირებული გადაცდომა.