•           ხელისუფლება და შესაბამისი სახელმწიფო უწყებები ეპიდემიის მასშტაბების მინიმიზაციისთვის ყველაფერს აკეთებენ და პროცესს მაქსიმალურად ეფექტიანად მართავენ.

•           საზოგადოებამ იცის, რომ ქვეყანაში კორონავირუსის ჯერ კიდევ პირველი შემთხვევის გამოვლენამდე 1 თვით ადრე, მთავრობამ შექმნა უწყებათაშორისი საკოორდინაციო საბჭო, რომელმაც მთელი ამ პერიოდის განმავლობაში მიიღო უმნიშვნელოვანესი გადაწყვეტილებები ვირუსის გავრცელების პრევენციის უზრუნველყოფისთვის.

•           მათ შორის: შეაჩერა სასწავლო პროცესი, ჯარში გაწვევა, საჯარო მოხელეების დიდი ნაწილი გადაიყვანა დისტანციური მუშაობის და ელექტრონული სერვისების მიწოდების რეჟიმზე, იგივე რეკომენდაცია გაიცა კერძო სექტორის მიმართ, ეტაპობრივად შეიზღუდა როგორც საჰაერო, ისე სახმელეთო მიმოსვლა, აიკრძალა უცხო ქვეყნის მოქალაქეთა საქართველოში შემოსვლა, დაწესდა საკარანტინო პროცედურები, გამკაცრდა თვითიზოლაციის დაცვის კონტროლი, დაიხურა სამთო-სათხილამურო კურორტები, აიკრძალა სამარშრუტო ტაქსების მოძრაობა, შეწყდა სხვადასხვა სახის ღონისძიებების ჩატარება, გაიცა სავაჭრო ობიექტების დახურვის რეკომენდაცია, გარდა სტრატეგიული მნიშვნელობის ინფრასტრუქტურის ფარგლებში განსაზღვრული ობიექტების და სურსათისა და სააფთიაქო, საბანკო მომსახურებისა.

•           გატარებულმა ზომებმა იმუშავა, მაქსიმალურად გადაავადა და შეაკავა ვირუსის გავრცელება საქართველოში. ამ ზომების ეფექტიანობას აღნიშნავს ყველა საერთაშორისო ექსპერტი თუ გამოცემა.

•           თუმცა, რამდენიმე დღის წინაც ითქვა და უკვე შევედით ვირუსის გავრცელების ფაზაში, რაც გამოიწვევდა  ინფიცირებულთა შემთხვევების ზრდას. ეს ასეც მოხდა და  დღეს გვაქვს 48 დადასტურებული შემთხვევა.

•           გამოწვევა ძალიან დიდია და უკიდურესად მნიშვნელოვანია, მაქსიმალურად შემცირდეს დაავადების გავრცელების მასშტაბები. შესაბამისად, მოსახლეობის უსაფრთხოების უზრუნველსაყოფად ხელისუფლება იღებს უმკაცრეს ზომებს.

•           მოგეხსენებათ, 2 დღის წინ პრემიერის ხელმძღვანელობით გაიმართა უსაფრთხოების ეროვნული საბჭოს მორიგი სხდომა, რომელშიც მონაწილეობდნენ საქართველოს პრეზიდენტი და პარლამენტის თავმჯდომარე. ხელისუფლების წარმომადგენლებმა განიხილეს და შეთანხმდნენ კორონავირუსთან ბრძოლის აქტიურ მექანიზმებზე და საჭიროების შემთხვევაში საგანგებო მდგომარეობის გამოცხადებისთვის მზაობაზე. 

•           დღეს უკვე აუცილებელია, რომ სახელმწიფოს გადაწყვეტილებების მაქსიმალურად ეფექტიანი  აღსრულებისთვის დაჩქარებული წესით მოქმედება, რის საფუძველსაც გვაძლევს ქვეყანაში საგანგებო მდგომარეობის შემოღება.

•           სწორედ ამიტომ, საქართველოს პრემიერ-მინისტრმა მიმართა საქართველოს პრეზიდენტს, საქართველოს კონსტიტუციის თანახმად, საქართველოს მთელ ტერიტორიაზე გამოცხადდეს საგანგებო მდგომარეობა 2020 წლის 21 აპრილამდე.

•           ხაზგასმით უნდა აღინიშნოს, რომ ეს არ არის, კომენდანტის საათი ან საყოველთაო კარანტინი.

•           აღსანიშნავია ისიც, რომ არანაირი შეზღუდვა არ შეეხება ინფრასტრუქტურულ პროექტებს! რაც შეეხება ბიუჯეტს, საჭიროების შემთხვევაში, საქართველოს მთავრობა მოითხოვს, საგანგებო ბიუჯეტის შემუშავების უფლებასაც.

•           ასევე, საგანგებო მდგომარეობის გამოცხადებით,  არც ერთ შემთხვევაში, საკონსტიტუციო პროცესს ზიანი არ მიადგება. ეს ჩვენთვის კრიტიკულად მნიშვნელოვანია, რომ პოლიტიკური პროცესი, საარჩევნო პროცესი არ შეფერხდეს.

•           ამასთან, გარდა ქვეყნის ეკონომიკის მხარდაჭერის გეგმის შემუშავებისა დამატებით მთავრობა მუშაობს, რათა ჩვენს მოქალაქეების მიზნობრივი კონკრეტული ნაბიჯებით შეუმსუბუქდეს ვითარება.

•           ამასთან, ძალიან მნიშვნელოვანია, რომ კერძო სექტორმა, გამოიჩინოს მაღალი სამოქალაქო პასუხისმგებლობა და არ გაათავისუფლოს დასაქმებულები სამსახურიდან, რაშიც სახელმწიფო მაქსიმალურად შეუწყობს მათ ხელს.

*

ეკლესიასთან დაკავშირებით კითხვის დასმის შემთხვევაში:

 

საგანგებო მდგომარეობით გამოწვეული შეზღუდვები ვრცელდება ყველა მიმართულებით! აკრძალულია 10 კაცზე მეტის ერთად შეკრება და სავალდებულოა ჯანდაცვის სპეციალისტების რეკომენდაციების გათვალისწინება!

 

ჩვენი მთავარი მიზანი ჩვენი მოქალაქეების ჯანმრთელობის და სიცოცხლის დაცვაა, დარწმუნებული ვართ, სწორედ ასაა ჩვენი ეკლესიის მიზანიც.

 

*

ინფორმაცია საგანგებო მდგომარეობის პირობებში მთავრობისთვის მიცემული უფლებამოსილებების შესახებ:

1.         იზოლაციის ან კარანტინის წესების დარღვევისთვის პირი იძულებით იქნება გადაყვანილი შესაბამის დაწესებულებაში;

2.         იზოლაციისა და კარანტინის წესების დამრღვევი პირის მიმართ გამოყენებული იქნება შესაბამისი სანქციები;

3.         საერთაშორისო სამგზავრო საჰაერო, სახმელეთო და საზღვაო მიმოსვლა იზღუდება, გარდა სატვირთო გადაზიდვებისა;

4.         ჩერდება პენიტენციურ დაწესებულებებში „პატიმრობის კოდექსით“ გათვალისწინებული პაემნის უფლება;

5.         დგინდება საჯარო სერვისების მიწოდების განსხვავებული წესები და ადმინისტრაციული საქმისწარმოების  განსხვავებული წესები და ვადები;

6.         საქართველოს მთავრობას მიეცეს უფლება, აუცილებლობის შემთხვევაში, საკარანტინო, საიზოლაციო და სამედიცინო მიზნებისთვის, მის მიერ დადგენილი წესით შეზღუდოს საკუთრების უფლება და გამოიყენოს ფიზიკურ და იურიდიულ პირთა ქონება და მატერიალური საშუალებები;

7.         იზღუდება 10 კაცზე მეტი ადამიანის თავშეყრა;

8.         მთავრობას ექნება უფლება კერძო ორგანიზაციებს, ბიზნესსუბიექტებს შეუზღუდოს ან დაავალოს კონკრეტული საქმიანობის განხორციელება. წესის დარღვევისთვის კი, დაეკისრებათ შესაბამისი პასუხისმგებლობა;

9.         აუცილებლობის შემთხვევაში მთავრობა უზრუნველყოფს მედიკამენტებზე, სამედიცინო მომსახურებასა და პირველადი მოხმარების პროდუქტებზე ფასების რეგულირებას;

10.       მთავრობა დაადგენს განათლების შესახებ საქართველოს კანონებით დადგენილი წესისგან განსხვავებულ წესებსა და პირობებს;

11.       საჭიროების შემთხვევაში მთავრობა შეძლებს მოახდინოს შესაბამისი სამედიცინო განათლებისა და უფლებამოსილების მქონე პირების მობილიზაცია;

12.       სასამართლო სხდომები შესაძლებელია გაიმართოს დისტანციურად.

13.       ყველა ფიზიკური და იურიდიული პირი ვალდებულია, დაიცვას საგანგებო მდგომარეობის რეჟიმი. საგანგებო მდგომარეობის რეჟიმის დარღევა გამოიწვევს:

ა) ადმინისტრაციულ პასუხისმგებლობას - ჯარიმას ფიზიკური პირებისთვის 3 000 ლარის ოდენობით, ხოლო იურიდიული პირებისთვის - 15 000 ლარის ოდენობით;

ბ) იგივე ქმედება განმეორებით გამოიწვევს სისხლის სამართლის პასუხისმგებლობას, კერძოდ, თავისუფლების აღკვეთას 3 წლამდე ვადით.

14.       სამართალდამცავმა ორგანოებმა საგანგებო მდგომარეობის დროს დადგენილი რეჟიმის დაცვის მიზნით გამოიყენონ საქართველოს კანონმდებლობით გათვალისწინებული იძულების ღონისძიებები.