მოგესალმებით ქალბატონო ეკატერინე, კოლეგებო,

გაცნობებთ, რომ მთავრობის სხდომა გაიმართება პარასკევს, 1 ნოემბერს - 10:00 საათზე.

რაც შეეხება ჩვენს მიერ ინიცირებულ საკითხებს, მოგახსენებთ შემდეგს:

• მთავრობის სხდომის ფორმატში განხილული იქნება:

„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებაში ცვლილების შეტანის თაობაზე“ საქართველოს მთავრობის დადგენილების პროექტი.

• ელექტრონულად მიღებული იქნება:

ა) სამინისტროსა და მის სისტემაში მიმდინარე რეორგანიზაციასთან დაკავშირებით საქართველოს მთავრობის დადგენილებების ცვლილებათა პაკეტი სულ: 21 პროექტი (პროგრამებში ცვლილებები განმახორციელებლების თაობაზე, სხვდასხვა დადგენილებების პროექტები უფლებამონაცვლეების საკითხებზე)

ბ) ,,სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გრანტის მიღების საკითხის  მოწონება (თემაზე: „დასავლეთ აზიაში ღამურის მიერ გამოწვეული ზოონოზური დაავადებების რისკების ანალიზი“).

გ) ,,სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის რიჩარდ ლუგარის საზოგადოებრივი ჯანდაცვის კვლევითი ცენტრის აუდიტორული შემოწმების მომსახურების სახელმწიფო შესყიდვის გამარტივებული შესყიდვის საშუალებით განხორციელების შესახებ“ საქართველოს მთავრობის განკარგულების პროექტი

დ) სსიპ - ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდში შრომითი ხელშეკრულებით დასაქმებულ პირთა რიცხოვნობაში ცვლილება.

ე) სსიპ – ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდის  ბენეფიციართათვის საჭირო მედიკამენტების სახელმწიფო შესყიდვა გამარტივებული შესყიდვის საშუალებით 

ვ) „სამედიცინო დაწესებულებათა რეაბილიტაციისა და აღჭურვის 2019 წლის სახელმწიფო პროგრამის დამტკიცების შესახებ”  საქართველოს მთავრობის 2019 წლის 28 იანვრის N10 დადგენილებაში ცვლილების შეტანის თაობაზე" საქართველოს მთავრობის დადგენილების  პროექტი

• უწყებების ვიზები შეგროვილი აქვს და მიტანილია მთავრობის ადმინისტრაციაში:
  

ა) მეურვეობა-მზრუნველობის ფუნქციის ტრეფიკინგში გატანასთან და სხვა ორგანიზაციულ-ტექნიკურ საკითხებთან დაკავშირებით მომზადებული კანონპროექტების პაკეტი წარდგენილია მთავრობის ადმინისტრაციაში, მაგრამ ამ წუთის მონაცემებით ჯერ უცნობია იქნება თუ არა განხილული სხდომაზე;

ბ) „სამედიცინო საქმიანობის ლიცენზიისა და სტაციონარული დაწესებულების ნებართვის გაცემის წესისა და პირობების შესახებ დებულებების დამტკიცების თაობაზე“ საქართველოს მთავრობის 2010 წლის 17 დეკემბრის  №385 დადგენილებაში ცვ. - მთავრობის ადმინისტრაციამ მოითხოვა საკითხის დამატებითი შესწავლისთვის დრო, შესაბამისად ამ წუთის მონაცემების გადაიდო შემდგომი სხდომისთვის.

• უწყებების ვიზები შეგროვილი არ აქვს და შესაბამისად, ჯერ მთავრობის ადმინისტრაციაში წარდგენილი არ არის:
  

ა) „არასამეწარმეო (არაკომერციული) იურიდიული პირის – რუხის მრავალპროფილიანი საუნივერსიტეტო კლინიკის დაფუძნების შესახებ“ საქართველოს მთავრობის 2019 წლის 29 მარტის N699 განკარგულებაში ცვლილებას - აკლია ფინანსების და ეკონომიკის თანხმობები;

ბ) ,,ცოფის პრევენციის მიზნით 2019-2023 წლებში გასატარებელი ღონისძიებების შესახებ“ საქართველოს მთავრობის განკარგულების პროექტი აკლია ფინანსთა სამინისტროს თანხმობა;

გ) ,,საქართველოს შრომისა და დასაქმების პოლიტიკის 2019-2023 წლების ეროვნული სტრატეგიის დამტკიცების თაობაზე“ საქართველოს მთავრობის დადგენილების პროექტს აკლია ფინანსთა და იუსტიციის სამინისტროების თანხმობები;

დ) „საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებულ სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნულ ცენტრში შრომითი ხელშეკრულებით დასაქმებულ პირთა რიცხოვნობის განსაზღვრის თაობაზე“ საქართველოს მთავრობის 2019 წლის 24 იანვარის N57 განკარგულებაში ცვლილებას აკლია ფინანსთა სამინისტროს თანხმობა.

პატივისცემით,

ნათია ხმალაძე